ଆର,ଉଦୟଗିରି ଅଞ୍ଚଳର ସୁଭଦ୍ରା ଯୋଜନାର ଲୋକାର୍ପଣ ଉତ୍ସବ ।
ଆର,ଉଦୟଗିରି (ମନୋଜ କୁମାର ପାଢୀ/ ୧୭/୯/୨୪ – ଗଜପତି ଜିଲ୍ଲା ଆର, ଉଦୟଗିରି ବ୍ଲକ ଶିବ ମନ୍ଦିର ପଡିଆ ଠାରେ ଅନୁଷ୍ଠିତ ହୋଇଥିଲା ସୁଭଦ୍ରା ଯୋଜନା ର ଲୋକାର୍ପଣ ଉତ୍ସବ। ଭାରତର ପ୍ରଧାନମନ୍ତ୍ରୀ ମାନ୍ୟବର ନରେନ୍ଦ୍ର ମୋଦୀ ଓଡ଼ିଶା ଗସ୍ତରେ ଆସି ରାଜ୍ୟ ସରକାର ଘୋଷଣା କରିଥିବା ସୁଭଦ୍ରା ଯୋଜନା କୁ ଆନୁଷ୍ଠାନିକ ଭାବେ ଲୋକାର୍ପଣ କରିଛନ୍ତି। ଏହି ଲୋକାର୍ପଣ ଉତ୍ସବକୁ ଉପଭୋଗ କରିବା ନିମନ୍ତେ ରାଜ୍ୟ ସରକାରଙ୍କ ନିର୍ଦ୍ଦେଶ ପ୍ରକାରେ ସ୍ଥାନୀୟ ଶିବ ମନ୍ଦିର ପଡିଆ ଠାରେ ବିରାଟ ଟେଲିଭିଜନ ଲଗାଇ ସ୍ଥାନୀୟ ଅଞ୍ଚଳ ର ମହିଳା ମାନେ ଦେଖିବା ନିମନ୍ତେ ବ୍ଲକ ତରଫରୁ ବ୍ୟବସ୍ଥା କରାଯାଇଥିଲା। ଏହି ଲୋକାର୍ପଣ ଉତ୍ସବରେ ସ୍ଥାନୀୟ ଗୋଷ୍ଟି ଉନ୍ନୟନ ଅଧିକାରୀ ଲରିମନ ଖର୍ସେଲ ମୁଖ୍ୟ ଅତିଥି ଭାବେ ଉପସ୍ଥିତ ରହିଥିଲେ। ଏହା ସହ ଅନ୍ୟତମ ଅତିଥି ଭାବେ ବ୍ଲକ ଅଧ୍ୟକ୍ଷ ଲକ୍ଷ୍ମୀନାରାଣ ଶବର , ତହସିଲଦାର ଜ୍ୟୋତିମୟ ଦାସ, ରାମଗିରି ଜିଲାପରିଷଦ ସଭ୍ୟ ଦଣ୍ଡପାଣି ବଡମୁଣ୍ଡି ଓ ସିଡିପିଓ ଲଳିତା ପୂଜାରୀ ପ୍ରମୁଖ ଉପସ୍ଥିତ ରହି ଯୋଜନା ସମ୍ପର୍କରେ ଉପସ୍ଥିତ ମହିଳା ମାନଙ୍କୁ ସମ୍ପୂର୍ଣ୍ଣ ଭାବେ ବୁଝାଇଥିଲେ। ରାଜ୍ୟ ସରକାର ଏହି ଯୋଜନା ମାଧ୍ୟମରେ ୨୧ ବର୍ଷରୁ ୬୦ ବର୍ଷ ମଧ୍ୟରେ ରାଜ୍ୟର ଏକ କୋଟି ମହିଳାଙ୍କୁ ଆର୍ଥିକ କ୍ଷେତ୍ର ରେ ସ୍ବାବଲମ୍ବୀ କରିବା ନିମନ୍ତେ ଏହି ଯୋଜନା ପ୍ରଚଳନ କରିଥିବା ଗୋଷ୍ଟି ଉନ୍ନୟନ ଅଧିକାରୀ ଶ୍ରୀ ଖର୍ସେଲ ପ୍ରକାଶ କରିଥିଲେ। ମଙ୍ଗଳବାର ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୭୪ ବର୍ଷ ଜନ୍ମ ଦିନ ଅବସରରେ ଏହି ଯୋଜନା ରାଜ୍ୟରେ ଆରମ୍ଭ ହୋଇ ଆଗାମୀ ପାଞ୍ଚ ବର୍ଷ ମଧ୍ୟରେ ବର୍ଷ କୁ ଦୁଇ କିସ୍ତି କରି ମହିଳା ମାନଙ୍କୁ ପଚାଶ ହଜାର ପ୍ରଦାନ କରିବେ ବୋଲି ଘୋଷଣା କରିଛନ୍ତି। ଆର,ଉଦୟଗିରି ଅଞ୍ଚଳରେ ବାସ କରୁଥିବା ପ୍ରାୟ ପାଞ୍ଚ ହଜାର ରୁ ଉର୍ଦ୍ଧ ମହିଳା ଏହି କାର୍ଯ୍ୟକ୍ରମରେ ଉପସ୍ଥିତ ରହି କାର୍ଯ୍ୟକ୍ରମ କୁ ଉପଭୋଗ କରିଥିଲେ। ଏହି କାର୍ଯ୍ୟକ୍ରମରେ ଆର, ଉଦୟଗିରି ବ୍ଲକର ସମସ୍ତ ଅଧିକାରୀ ପରିଚାଳନା କରିଥିଲେ। ଏହି କାର୍ଯ୍ୟକ୍ରମ ଟି ଉଚ୍ଚ କୋଟୀର ହୋଇଥିବା ସାଧାରଣରେ ଆଲୋଚନା ହେଉଛି। ଏହି କାର୍ଯ୍ୟକ୍ରମରେ ନୂତନ ଭାବେ ପ୍ରଧାନମନ୍ତୀ ଆବାସଗୃହ ପାଇଥିବା ୧୦ ଜଣଙ୍କୁ କାର୍ଯ୍ୟ ଆଦେଶ ଦିଆଯିବା ସହ ପୂର୍ବ ପାଇଥିବା ଆବାସଗୃହ ର ଗୃହ ପ୍ରବେଶ ପାଇଁ ୧୦ ଜଣଙ୍କୁ ଉତ୍ତରିୟ ପ୍ରଦାନ କରାଗଲା । ବିଭିନ୍ନ ବିଦ୍ୟାଳୟର ଛ୍ରାତ୍ରଛାତ୍ରୀ ମାନେ ସମ୍ବଲପୁରି ନାଚ ମାଧ୍ୟମରେ ସୁଭଦ୍ରା ଯୋଜନା ବୁଝାଇଥିଲେ । ଏହାପରେ ସାକୃତୀ କାର୍ଯ୍ୟକ୍ରମ କରାଯାଇଥିଲା । ସେମାନଙ୍କୁ ଅତିଥି ମାନଙ୍କ ଦ୍ବାରା ସିଲି ପ୍ରଦାନ କରାଯାଇଥିଲା ।
