ବିଜେଡିର ଜନ ସମ୍ପର୍କ ପଦଯାତ୍ରା ନିମନ୍ତେ ପ୍ରସ୍ତୁତି ବୈଠକ ଅନୁଷ୍ଠିତ
କନ୍ଧମାଳ :- ( ରିପୋର୍ଟ କୁନା ଦିଗାଲ ) ଟିକାବାଲି ବ୍ଲକ ତରଫରୁ ସ୍ଥାନୀୟ ଜଗନ୍ନାଥ ମନ୍ଦିର ପ୍ରାଙ୍ଗଣରେ ବିଜୁ ଜନତା ଦଳର ଏକ ସାଧାରଣ ବୈଠକ ସହ ଆଗାମୀ ଜନ ସମ୍ପର୍କ ପଦଯାତ୍ରା ନିମନ୍ତେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଟିକାବାଲି ବ୍ଲକର ପ୍ରତ୍ୟେକ ଗ୍ରାମପଞ୍ଚାୟତର ବିଜୁ ଜନତା ଦଳର ସଭ୍ୟ ସଭ୍ୟା ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ। ଟିକାବାଲି ବ୍ଲକର ବିଜେଡି ସଭାପତି ଦୀର୍ଘ ଦିନ ହେବ ସମସ୍ତ କାର୍ଯ୍ୟକ୍ରମରେ ଅନୁପସ୍ଥିତ ରହିବା ଯୋଗୁଁ ସାଙ୍ଗଠନିକ କ୍ଷେତ୍ରରେ ବିଭିନ୍ନ ସମସ୍ୟା ଦେଖାଦେଇଥିଲା ଓ ଦଳୀୟ କାର୍ଯ୍ୟକ୍ରମରେ ବାଧା ସୃଷ୍ଟି ହୋଇଥିଲା । ବ୍ଲକ ଯୁବ ଉପସଭାପତି ସତ୍ୟବାନ କହଁର କାର୍ଯ୍ୟକାରି ସଭାପତି ଭାବେ ଅଧ୍ୟକ୍ଷ ଦିଲୀପ କହଁର ଙ୍କ ନାମକୁ ପ୍ରସ୍ତାବ ରଖିଥିଲେ ଯାହାକୁ ବରିଷ୍ଠ ସଭ୍ୟ ପ୍ରତାପ ଚନ୍ଦ୍ର ଦାସ ସମର୍ଥନ କରିଥିଲେ। ଉକ୍ତ ବୈଠକରେ ଉପସ୍ଥିତ ସମସ୍ତ ସଭ୍ୟ ସଭ୍ୟା ଙ୍କ ଅନୁମୋଦନ କ୍ରମେ ସ୍ଥାନୀୟ ବ୍ଲକ ଅଧ୍ୟକ୍ଷ ଦିଲୀପ କହଁର ଙ୍କୁ କାର୍ଯ୍ୟକାରି ସଭାପତି ଭାବେ ସର୍ବ ସମ୍ମତି କ୍ରମେ ଚୟନ କରାଯାଇ ସଂଗଠନ ଦାୟିତ୍ଵ ପ୍ରଦାନ କରାଯାଇଥିଲା। ବିଜେଡି ଜନ ସମ୍ପର୍କ ପଦଯାତ୍ରା ଆୟୋଜନ ନିମନ୍ତେ ଆଲୋଚନା ହୋଇଥିଲା। ଶ୍ରୀ କହଁର ଙ୍କୁ କାର୍ଯ୍ୟକାରି ସଭାପତି ଚୟନ ପରେ ସଂଜୀବ ପ୍ରସାଦ, ସୃଜନ ନାୟକ, ତନୁଜ ଭୋଇ, ପ୍ରଦୀପ ଦିଗାଲ, ହୃଦୟାନନ୍ଦ ପ୍ରଧାନ, ନିରଶ ନାୟକ ତଥା ଉପସ୍ଥିତ ସମସ୍ତ ଦଳୀୟ କର୍ମୀ ସ୍ଵାଗତ କରିବା ସହ ଶୁଭେଚ୍ଛା ଓ ଅଭିନନ୍ଦନ ଜଣାଇଥିଲେ। ନୂତନ ଦାୟିତ୍ଵ ଗ୍ରହଣ କରିବା ପରେ କାର୍ଯ୍ୟକାରୀ ସଭାପତି ଦଳକୁ ତୃଣମୂଳ ସ୍ତରରୁ ସଙ୍ଗଠିତ କରାଯିବା ନେଇ ମତ ରଖିବା ସହ ସମସ୍ତ କର୍ମୀଙ୍କ ସହଯୋଗ କାମନା କରିଥିଲେ ଓ ସମସ୍ତଙ୍କୁ ଧନ୍ୟବାଦ ଜଣାଇଥିଲେ।
