ଗଞ୍ଜାମ ଜିଲ୍ଲା ଆକାଶ ଜେନା ହତ୍ୟାକାଣ୍ଡ ରେ ଆଉ ୩ ଗିରଫ, ମରଣାସ୍ତ୍ର ସହ ୨ ବୁଲେଟ ଜବତ
ପୋଲସରା ୦୭/୦୫/୨୬ ପୋଲସରା ଥାନା ଅନ୍ତର୍ଗତ ବାଲିଘାଇ ଗ୍ରାମରେ ବରଯାତ୍ରୀ ଶୋଭାଯାତ୍ରା ରେ ନାଗୀନ୍ ଗୀତ ବଜାଇବାକୁ ନେଇ ଘଟିଥିଲା ଏକ ଜଘନ୍ୟ ହତ୍ୟାକାଣ୍ଡ। ଏହି ଘଟଣାରେ ଶନିବାର ପୋଲସରା ପୁଲିସ ଆଉ ୩ ଜଣ ଅଭିଯୁକ୍ତ କୁ ଗିରଫ କରି କୋର୍ଟ ଚାଲାଣ କରାଯାଇଛି । ଗିରଫ ଅଭିଯୁକ୍ତ ମାନେ ହେଲେ ପୋଲସରା ଥାନା ରାଣୀପଡ଼ା ହରି ଅର୍ଜୁନ ସାହିର ତପୁ ଜେନା, ପୋଲସରା ଥାନା ଲୁଣିଘାଟି ର ଶୁଭମ ଭୂୟାଁ ଓ କବିସୂର୍ଯ୍ୟନଗର ଥାନା ଅନ୍ତର୍ଗତ ପୋଲସରା ବ୍ଲକ କୁଆନନ୍ଦ ଗ୍ରାମର ରାହୁଲ ବେହେରା । ସମସ୍ତ ୩ ଅଭିଯୁକ୍ତ ଭୁବନେଶ୍ୱର ରେ ଆତ୍ମଗୋପନ କରିଥିବା ପୁଲିସ ସୂଚନା ପାଇ ଗିରଫ କରିଥିଲା। ପୁଲିସ ସେମାନଙ୍କ ନିକଟରୁ ୨ ଟି ଖଣ୍ଡା, ଗୋଟିଏ ଲୁହା ରଡ଼, ୨ ଟି ବୁଲେଟ ଗାଡି ଏବଂ ୩ଟି ମୋବାଇଲ ଫୋନ ଜବତ କରିଛି। ସୂଚନା ଯେ ଗତ ଏପ୍ରିଲ ମାସ ୨୫ ତାରିଖ ରେ ବଡଭାଇ ରିଙ୍କୁ ଜେନାର ବାହାଘର ଶୋଭାଯାତ୍ରା ବେଳେ ସାନଭାଇ ଆକାଶ ଜେନାଙ୍କୁ ହତ୍ୟା କରିଥିଲେ ଡିଜେ ଚାଳକ ଓ ତାର ସହଯୋଗୀ । ଏହାପରେ ଗ୍ରାମବାସୀ ଆକାଶ ମୃତ୍ୟୁ ଘଟଣାର ମୁଖ୍ୟ ଅଭିଯୁକ୍ତ କୁ ଫାଶୀଦଣ୍ଡ ସହ ଅନ୍ୟ ଅଭିଯୁକ୍ତ ଙ୍କୁ ତୁରନ୍ତ ଗିରଫ କରି କଠୋର ଦଣ୍ଡ ଦେବା ପାଇଁ ପୋଲସରା ମୁଖ୍ୟ ରାସ୍ତା ଫରେଷ୍ଟ କଲୋନୀ ଛକ ରେ ରାସ୍ତା ଅବରୋଧ କରି ପ୍ରତିବାଦ କରିଥିଲେ। ପରେ ପୁଲିସ ଲିଖିତ ପ୍ରତିଶୃତି ଦେଇ ସମସ୍ତ ଅଭିଯୁକ୍ତ ଙ୍କୁ ଗିରଫ କରାଯିବ ବୋଲି ପ୍ରତିବାଦ କାରୀଙ୍କୁ ବୁଝାଇଥିଲେ । ବର୍ତମାନ ସୁଦ୍ଧା ଏହି ଘଟଣାରେ ୧୨ ଜଣ ଗିରଫ ହୋଇଥିବା ବେଳେ ସେମାନଙ୍କ ମଧ୍ୟରେ ଜଣେ ନାବାଳକ ଅଛନ୍ତି। ଆଗକୁ ଗିରଫ ଙ୍କ ସଂଖ୍ୟା ବଢିବା ସହ ପୁରା ଘଟଣାର ସତ୍ୟାସତ୍ୟ ଜଣାପଡିବ ବୋଲି ଥାନାଧିକାରୀ କୌଶିକ ମାଝୀ ସୂଚନା ଦେଇଛନ୍ତି। ଗଣେଶ ପାଣିଗ୍ରାହୀ ରିପୋର୍ଟ
