ଦୁଇ ପଡ଼ୋଶୀ ଗଣ୍ଡଗୋଳ ରେ ବଳି ପଡ଼ିଲେ ଯୁବକବଡ଼ବଜାର
ଥାନା ଅନ୍ତର୍ଗତ ହରିଡ଼ାଖଣ୍ଡି ରେଡିକା ସାହିରେ ଏକ ଅଭାବନୀୟ ଘଟଣା ଘଟିଛି। ଯାହାକି ଲିଙ୍ଗରାଜ ରେଡ଼ି ଓ ଭଗବାନ ରେଡ଼ି ଦୁଇ ପଡ଼ୋଶୀଙ୍କ ମଧ୍ୟରେ ପାରିବାରିକ ଗଣ୍ଡଗୋଳ ଘଟି ଲିଙ୍ଗରାଜ ରେଡ଼ି ଓ ତା ସ୍ତ୍ରୀ ର ଛୁରୀ ମାଡ଼ରେ ଭଗବାନ ରେଡ଼ି ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ସୁଚନା ଅନୁଯାୟୀ ଜଣାପଡିଛି ଯେ ଉଭୟ ପରିବାର ମଧ୍ୟରେ ସାମାନ୍ୟ କଥାକୁ ନେଇ କିଛି ଦିନ ହେଲା ପାଟି ତୁଣ୍ଡ ହୋଇଥିଲା। କିନ୍ତୁ ଗତକାଲି ବିଳମ୍ବିତ ରାତିରେ ଏହି ଘଟଣା ଉଗ୍ରରୂପ ଧାରଣ କରି ଲିଙ୍ଗରାଜ ରେଡ଼ି ଧାରୁଆ ଅସ୍ତ୍ରରେ ଭଗବାନ କୁ ଆକ୍ରମଣ କରିଥିଲା। ଯାହା ଫଳରେ ଭଗବାନକୁ ଗୁରୁତର ଆହତ ହୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। କିନ୍ତୁ ସେ ମୃତ୍ୟୁବରଣ କରିଛି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଲିଙ୍ଗରାଜ ଓ ତା ସ୍ତ୍ରୀ କୁ ଥାନା ରେ ରଖି ପଚରାଉଚରା କରୁଛନ୍ତି ଓ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି।
