“ଏକ ପେଡ ମା କି ନାମ “ନାଲକୋ ସରସ୍ଵତୀ ବିଦ୍ୟାମନ୍ଦିରରେ ବନ ମହୋତ୍ସବ କାର୍ଯ୍ୟକ୍ରମ ଅନୁଷ୍ଠିତ
ଦାମନଯୋଡି:- ତା ୦୭.୦୭.୨୦୨୫ ରିଖ ନାଲକୋ ଶିଳ୍ପାଞ୍ଚଳ ସ୍ଥିତ ସରସ୍ଵତୀ ଵିଦ୍ୟା ମନ୍ଦିର ପରିସରରେ ୭୬ ତମ ବନ ମହୋତ୍ସବ କାର୍ଯ୍ୟକ୍ରମ ପାଳନ ଅବସରରେ ବ୍ୟାପକ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଦ୍ୟା ମନ୍ଦିରର ସମ୍ପାଦକ ଡକ୍ଟର ଚିତ୍ତରଂଜନ ମିଶ୍ର ଯୋଗ ଦେଇ ବୃକ୍ଷ ରୋପଣ କରି “ମାଙ୍କ ନାମରେ ସମସ୍ତେ ଗୋଟିଏ ଗୋଟିଏ ବୃକ୍ଷ ରୋପଣ” କରିବା ଲାଗି ପରାମର୍ଶ ଦେଇଥିଲେ। ଅନ୍ୟ ମାନଙ୍କ ମଧ୍ୟରେ ଅଧ୍ୟକ୍ଷ ଡକ୍ଟର ଶୁଭ୍ରାଂଶୁ ବାହିନୀପତି, ନାଲକୋ ଉଦ୍ୟାନ ବିଭାଗର ପ୍ରବନ୍ଧକ ସଞ୍ଜୀବ କର,ସ୍ଥାନୀୟ ଫରେଷ୍ଟର ସୁନୀଲ କୁମାର ପାଢୀ,ଯୁବରେଡକ୍ରସ ପରାମର୍ଶଦାତା ଡଃ ନରେଶ ଚନ୍ଦ୍ର ସାହୁ, ଡଃ ନୀରୋଦ କୁମାର ପ୍ରଧାନ, ସ୍କାଉଟ ଓ ଗାଇଡର ରବୀନ୍ଦ୍ର ସାହୁ, ମମତା ପାଢ଼ୀ, ମାନିନୀ ଦ୍ବିବେଦୀ ଓ ପୁର୍ଣ୍ଣ ଚନ୍ଦ୍ର ସେଠୀ (ଏନ୍ ସି ସି), ଚିନ୍ମୟୀ ନଦ ଉପସ୍ଥିତ ରହି ନିଜେ ଗଛ ଲଗାଇବାସହ ଛାତ୍ର ଛାତ୍ରୀମାନଙ୍କୁ ମାଆଙ୍କ ନାମ ରେ ଅନ୍ତତଃ ଗୋଟିଏ ବୃକ୍ଷ ରୋପଣ କରିବା ପାଇଁ ପରାମର୍ଶ ଦେଇଥିଲେ। ବର୍ଷା ସତ୍ତ୍ୱେ ଯୁବ ରେଡକ୍ରସର ସ୍ବେଚ୍ଛାସେବୀ, ଏନ୍ ସି ସି କ୍ୟାଡେଟ, ସ୍କାଉଟ , ଗାଇଡ, କବ ଓ ବୁଲ ବୁଲର ୫୦ରୁ ଉର୍ଦ୍ଧ୍ବ ଛାତ୍ର ଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀ ଏହି କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ। ଏହି କାର୍ଯ୍ୟକ୍ରମ ପାଳନ ଅବସରରେ ପ୍ରାୟ ୫୦ରୁ ଉର୍ଦ୍ଧ୍ଵ ବଉଳ ଗଛ ବିଦ୍ୟାମନ୍ଦିର ପରିସରରେ ମୁଖ୍ୟ ଅତିଥି,ସମ୍ମାନିତ ଅତିଥି, ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରଛାତ୍ରୀମାନେ ରୋପଣ କରିଥିଲେ। ନାଲକୋ ଉଦ୍ୟାନ ବିଭାଗ ତରଫରୁ ଆବଶ୍ୟକୀୟ ସହାୟତା ପ୍ରଦାନ କରାଯାଇଥିଲା।
