*ରାୟଗଡ଼ା ଜିଲ୍ଲା ଶିରିଗୁଡ଼ାଠାରେ ବିଜୁଳି ଭିତ୍ତିଭୂମିକୁ ସୁଦୃଢ଼ କଲା ଟିପିଏସ୍ଓଡିଏଲ୍**ପ୍ରାୟ ୭ ହଜାର ଉପଭୋକ୍ତାଙ୍କୁ ଗୁଣାତ୍ମକ ସେବା**
ବ୍ରହ୍ମପୁର, ଏପ୍ରିଲ:* ଟିପି ସଦର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ୍ ଲିମିଟେଡ୍(ଟିପିଏସ୍ଓଡିଏଲ) ପକ୍ଷରୁ ରାୟଗଡ଼ା ଜିଲ୍ଲା ଶିରିଗୁଡ଼ାଠାରେ ଏକ ନୂଆ ୩୩ କେଭି ଲାଇନ ଓ ପ୍ରାଇମେରୀ ସବଷ୍ଟେସନ ପ୍ରତିଷ୍ଠା କରାଯାଇଛି । ଗ୍ରାମୀଣ ବିଦ୍ୟୁତ ଭିତ୍ତିଭୂମିକୁ ସୁଦୃଢ଼ କରିବା କ୍ଷେତ୍ରରେ ଏହା କମ୍ପାନୀର ଏକ ବଳିଷ୍ଠ ପଦକ୍ଷେପ ଅଟେ । ଟିପିଏସ୍ଓଡିଏଲର ପ୍ରୟାସରେ ଭିତ୍ତିଭୂମି କାର୍ଯ୍ୟକ୍ଷମ ହେବା ଦ୍ୱାରା ଏଠାକାର ଉପଭୋକ୍ତାଙ୍କ ବିଜୁଳିଜନିତ ସମସ୍ୟା ଦୂର ହୋଇଛି । ଗୁଡ଼ାରୀ ଅଞ୍ଚଳର ବହୁ ଉପଭୋକ୍ତା ଏହି ନୂତନ ଭିତ୍ତିଭୂମି ଦ୍ୱାରା ଉପକୃତ ହେବେ ।ଗୁଡ଼ାରୀ ଅଞ୍ଚଳ ବିଦ୍ୟୁତ ଭିତ୍ତିଭୂମିକୁ ମଜବୁତ କରିବା ପାଇଁ ପ୍ରତିଷ୍ଠିତ ଏହି ପ୍ରକଳ୍ପ ଶିରିଗୁଡା, ଭୁରୁକୁଡୁ, ଗୁମି, ଆସାଡା, ବିଜାପୁର, ଗରଦାମା, ସାରମୁଲି ଏବଂ ହନୁମନ୍ତପୁର ଗ୍ରାମ ପଞ୍ଚାୟତର ବାସିନ୍ଦାଙ୍କ ସହିତ ଗୁଡାରୀ ଏନଏସିର ଗ୍ରାହକଙ୍କୁ ସିଧାସଳଖ ଉପକୃତ କରିବ । ମୋଟାମୋଟି ଭାବେ ୩,୫୦୦ରୁ ଅଧିକ ଗ୍ରାମୀଣ ପରିବାର ଏବଂ ୩,୦୦୦ ସହରୀ ଉପଭୋକ୍ତା ଉନ୍ନତ ବିଦ୍ୟୁତ ଗୁଣବତ୍ତା ଏବଂ ବିଶ୍ୱସନୀୟତାରୁ ଉପକୃତ ହେବେ ।ପୂର୍ବରୁ ପ୍ରସ୍ତୁତ ହୋଇଥିଲେ ମଧ୍ୟ, ରାଇଟ୍-ଅଫ୍-ୱେ (ଆରଓଡବ୍ଲୁ) ଜନିତ ଚ୍ୟାଲେଞ୍ଜ, ଭିତ୍ତିଭୂମି ପ୍ରତିବନ୍ଧକ ଏବଂ ସ୍ଥାନୀୟ ସ୍ତରର ସମସ୍ୟା ହେତୁ ପ୍ରକଳ୍ପ ଦୀର୍ଘ ବିଳମ୍ବର ସମ୍ମୁଖୀନ ହୋଇଥିଲା । ଟିପିଏସଓଡିଏଲ ଏହାର ଏକ ସ୍ଥାୟୀ ସମାଧାନ ଖୋଜିବା ପାଇଁ ସ୍ଥାନୀୟ ସମ୍ପ୍ରଦାୟ, ଜିଲ୍ଲା ପ୍ରଶାସନ ଏବଂ ଆଇନ ପ୍ରଣୟନକାରୀ ସଂସ୍ଥା ସହିତ କ୍ରମାଗତ ଭାବରେ ଜଡିତ ଥିଲା । ଯାହାଫଳରେ ଗତ ମାର୍ଚ୍ଚ ୨୦୨୬ ରେ କମ୍ପାନୀକୁ ଏହି ସଫଳତା ମିଳିଛି ।ଏହି ନୂଆ ଭିତ୍ତିଭୂମି କାର୍ଯ୍ୟକ୍ଷମ ହେବା ପରେ ୧୨୦ରୁ ଅଧିକ ଗ୍ରାମକୁ ଗୁଣାତ୍ମକ ବିଜୁଳି ସେବା ମିଳିପାରିବ । ବିଜୁଳି ବ୍ୟାହତ ଓ ଲୋ-ଭୋଲଟେଜ ସମସ୍ୟା ହ୍ରାସ ହେବ । ସେହିପରି ଲମ୍ୱା ଫିଡର ଲାଇନ ଉପରେ ଥିବା ନିର୍ଭରଶୀଳତା ମଧ୍ୟ ହ୍ରାସ ପାଇବ ଓ ବିଜୁଳି ନେଟଓ୍ୱର୍କ ସୁଦୃଢ଼ ହେବ । ଗ୍ରାହକମାନେ ବିଶ୍ୱାସଯୋଗ୍ୟ ବିଜୁଳି ସେବା ପାଇପାରିବେ ।କମ୍ପାନୀର ଏହି ସଫଳତା ସମ୍ପର୍କରେ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ଅମିତ କୁମାର ଗର୍ଗ କହିଛନ୍ତି ଯେ, “ପ୍ରତ୍ୟେକ ଉପଭୋକ୍ତାଙ୍କୁ ନିର୍ଭରଯୋଗ୍ୟ ବିଜୁଳିସେବା ଯୋଗାଇବା ନିମନ୍ତେ ଆମେ ଅଦମ୍ୟ ଚେଷ୍ଟା ଜାରି ରଖିଛୁ । ଉପଭୋକ୍ତା ସଂପ୍ରଦାୟ, ପ୍ରଶାସନ ଓ ତୃଣମୂଳ ସ୍ତରରେ କାର୍ଯ୍ୟକାରିତାକୁ ପାଥେୟ କରି ଆମେ ବିଦ୍ୟୁତ ଯୋଗାଣ ବ୍ୟବସ୍ଥାକୁ ସୁଦୃଢ଼ କରୁଛୁ । ଆମେ ବିଶ୍ୱାସ କରୁ ଯେ, ଉପଭୋକ୍ତାଙ୍କ ସ୍ୱାର୍ଥକୁ ଗୁରୁତ୍ୱ ଦେଇ କାର୍ଯ୍ୟ କରିଲେ ସମସ୍ତ ଆହ୍ୱାନକୁ ପାର କରିପାରିବା ସମ୍ଭବପର” ।ସଦ୍ୟ କାର୍ଯ୍ୟକ୍ଷମ ହୋଇଥିବା ଏହି ପ୍ରକଳ୍ପ, କମ୍ପାନୀର କର୍ମଚାରୀମାନଙ୍କର ଦଳଗତ ପ୍ରଦର୍ଶନ ଓ ନିଷ୍ଠାପର କାର୍ଯ୍ୟଦକ୍ଷତାକୁ ପ୍ରମାଣିତ କରୁଛି । ଦକ୍ଷିଣ ଓଡ଼ିଶାର ପ୍ରତିଟି ସ୍ଥାନରେ ଗୁଣାତ୍ମକ ସେବା ପ୍ରଦାନ କରିବା ନିମନ୍ତେ ଟିପିଏସ୍ଓଡିଏଲ୍ ନିଜର ପ୍ରୟାସ ଜାରି ରଖିଛି ।
