ରାଣୀପଡା ଅଞ୍ଚଳରେ ଯୁବକ କୁ ମାରଣାନ୍ତକ ଆକ୍ରମଣ।
ପୋଲସରା ସହର ଉପକଣ୍ଠ ରାଣୀପଡା ବାଲିବନ୍ଧ ସାହିର ଶିବାଜୀ ବରଡ ନାମକ ଜଣେ ଯୁବକ କୁ ଦୁଇ ଜଣ ଯୁବକ ହଠାତ୍ ଆସି ଆତର୍କିତ ଭାବେ ଖଣ୍ଡା ରେ ଆକ୍ରମଣ କରି ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ଆକ୍ରମଣକାରୀ ଯୁବକ ମାନେ କବିସୂର୍ଯ୍ୟ ନଗର ଥାନା ଅଞ୍ଚଳର ଓ ଆକ୍ରମଣ ର କାରଣ ଅସ୍ପଷ୍ଟ ରହିଛି। ଶିବାଜୀ କୁ ଚିକିତ୍ସା ପାଇଁ ପ୍ରଥମେ ପୋଲସରା ଡାକ୍ତରଖାନାରେ ଭର୍ତ୍ତି କରାଯାଇଥିଲା ଓ ଅବସ୍ଥା ଗୁରୁତର ହେବାରୁ ତାଙ୍କୁ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି। ଶିବାଜୀ ର ପତ୍ନୀ ଶ୍ରଦ୍ଧାଞ୍ଜଳି ପ୍ରଧାନର ଅଭିଯୋଗ କୁ ଭିତ୍ତି କରି ପୋଲିସ ଘଟଣାର ତଦନ୍ତ ଆରମ୍ଭ କରିଛନ୍ତି।
