ମୋହନାରେ ପ୍ରୟାସର ପ୍ରସ୍ତୁତି ବୈଠକ
ଆର,ଉଦୟଗିରି(ମନୋଜ କୁମାର ପାଢୀ / ତା -24/11/24 ରିଖରେ ସରକାରୀ କଲ୍ୟାଣ ବିଭାଗ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ମୋହନା ବ୍ଲକର ସମସ୍ତ 44ଟି ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଓ CRCC ମାନଙ୍କ ଉପସ୍ଥିତିରେ ଓ ଜିଲ୍ଲା ଶିକ୍ଷ୍ୟାଧିକାରୀ ଶ୍ରୀ ମାୟାଧର ସାହୁଙ୍କ ଅଧ୍ୟକ୍ଷ୍ୟତାରେ ପ୍ରୟାସ ସମ୍ବନ୍ଧୀୟ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା | ବିଶେଷକରି ଚଳିତ ବର୍ଷ କେଉଁ ବିଦ୍ୟାଳୟରୁ କେତେ ଜଣ ଛାତ୍ର ଛାତ୍ରୀ ଆଗାମୀ ଦଶମ ଶ୍ରେଣୀ ପରୀକ୍ଷା ଦେବେ ଓ ଛାତ୍ର ଛାତ୍ରୀ ମାନଙ୍କୁ କିଭଳି ଶିକ୍ଷ୍ୟାଦାନ ଦେଲେ ଆଗାମୀ ବାର୍ଷିକ ପରୀକ୍ଷା ରେ ଗଜପତି ଜିଲ୍ଲାରେ A1ରେ ଛାତ୍ର ଛାତ୍ରୀ ଉତୀର୍ଣ୍ଣ ହୋଇପାରିବେ ସେ ସମ୍ବନ୍ଧରେ ଜିଲ୍ଲା ଶିକ୍ଷ୍ୟାଧିକାରୀ ଶ୍ରୀ ସାହୁ କିଛି ସୂତ୍ର କହିଥିଲେ | ବିଭିନ୍ନ ପର୍ଯ୍ୟାୟରେ ପିଲାମାନଙ୍କୁ ସାଧାରଣ ପରୀକ୍ଷା ମାଧ୍ୟମରେ ଚିହ୍ନଟ କରି ଯେଭଳି ଇଭା୍ଲ୍ୟୁସନ, ମୋଟିଭେସନ, ମାନି୍ଟେରିଙ୍ଗ ଓ ମକଟେଷ୍ଟ ଆଦି କରି ପିଲା ଓ ଅଭିଭାବକ ମାନଙ୍କ ସହ ମିଶି ଶିକ୍ଷାର ମାନ କିଭଳି ବୃଦ୍ଧି କରାଯାଇପାରିବ ସେ ସୂତ୍ର ଜିଲ୍ଲା ଶିକ୍ଷ୍ୟାଧିକାରୀ ମନ୍ତ୍ର ଦେଇଥିଲେ ଯାହା କି ଆଗାମୀ ବୋର୍ଡ ପରୀକ୍ଷାରେ ଜିଲ୍ଲାରେ ଉତ୍ତମ ଫଳ ପ୍ରଦର୍ଶନ ହୋଇପାରିବ ବୋଲି ପ୍ରକାଶ କରିଥିଲେ | ଏହାର ନାମକରଣ ପ୍ରୟାସ ହେବ ବୋଲି ପ୍ରକାଶ କରିବା ସହ ଆଗାମୀ ଫେବୃଆରୀ 15 ତାରିଖ ପର୍ଯ୍ୟନ୍ତ ଏହି ପ୍ରୟାସ ଚାଲୁ ରହିବ ବୋଲି ପ୍ରକାଶ କରିଥିଲେ |ଅନ୍ୟ ମାନଙ୍କ ମଧ୍ୟରେ ମୋହନା ବ୍ଲକ ଗୋଷ୍ଠୀ ଶିକ୍ଷ୍ୟାଧିକାରୀ ଶ୍ରୀ ନରେନ୍ଦ୍ର କୁମାର ବେହେରା ଓ ପ୍ରଧାନ ଶିକ୍ଷକ ଶ୍ରୀ ସତ୍ୟ ନାରାୟଣ କର ସହ ପ୍ରାୟ 50 ଜଣ ଶିକ୍ଷକ ଓ CRCC ଯୋଗ ଦେଇଥିଲେ | ଜିଲ୍ଲା ଶିକ୍ଷଧିକାରୀଙ୍କ ଏଭଳି ପରିକଳ୍ପନାକୁ ପ୍ରଧାନ ଶିକ୍ଷକ ମାନେ ଭୁୟସୀ ପ୍ରଶଂସା କରିଥିଲେ | ଏଥିପାଇଁ ସବୁ ଦିଗରୁ ଚେଷ୍ଟା କଲେ ଏହାର ସୁଫଳ ମିଳିପାରିବ ବୋଲି ଗୋଷ୍ଠୀ ଶିକ୍ଷ୍ୟଧିକାରୀ ଶ୍ରୀ ବେହେରା ମତ ସାବ୍ୟସ୍ତ କରିଥିଲେ ଓ ଶେଷରେ ଶ୍ରୀ ବେହେରା ଧନ୍ୟବାଦ ଅର୍ପଣ କରିଥିଲେ |
