କଳାକାର ମହାସଂଘ ତରଫରୁ ସ୍ବର୍ଗତ ବିରଙ୍କ ଦିଗାଲଙ୍କ ପରିବାରକୁ ସହାୟତା ପ୍ରଦାନ…
କନ୍ଧମାଳ :-(ରିପୋର୍ଟ କୁନା ଦିଗାଲ )କନ୍ଧମାଳ ଜିଲ୍ଲା ଟିକାବାଲି ବ୍ଲକ ଅନ୍ତର୍ଗତ କଇଁଝର ଗ୍ରାମପଞ୍ଚାୟତ ଗଣ୍ଡାଗାଁ ଗ୍ରାମର କଳାକାର ସ୍ବର୍ଗତ ବିରଙ୍କ ଦିଗାଲଙ୍କ ସୁଧ ମାଡା କାର୍ଯ୍ୟରେ ଦୁଃଖ ର ସାଥୀ ହୋଇ ସ୍ବର୍ଗତ ପରିବାର କୁ ସହାୟତା ପ୍ରଦାନ କଲା ପାରମ୍ପରିକ ଲୋକକଳାକାର ମହାସଂଘ କନ୍ଧମାଳ l ଏହି ମାଡା କାର୍ଯ୍ୟକ୍ରମ ରେ କଳାକାର ସଂଘ ଟିକାବାଲି ଶାଖାର କର୍ମକର୍ତା,କଳାକାର ଶ୍ରୀ ଯୁକ୍ତ କ୍ରିଷ୍ଣା ଚନ୍ଦ୍ର ଦିଗାଲ, ଅଧିଶ୍ୱର ମଳିକ, ମିନାକ୍ଷୀ ମଳିକ, ବାମିନି କହଁର, ବାନାମ୍ବର ମୁଖୀ, ରଞ୍ଜୁ ଦିଗାଲ, ପୁର୍ଣିମା କହଁର,ଗନ୍ଧର୍ବ କହଁର, ବୀରେନ୍ଦ୍ର କହଁର,ନୁରୁମା କହଁର, ସୁବର୍ଣା କହଁର,ସବିତା ପ୍ରଧାନ, ସୁଶୀଳା ଦିଗାଲ,ମୂଳାବତୀ ପ୍ରଧାନ, ସତ୍ୟବତୀ ଦିଗାଲ ଙ୍କ ପରି ଅନେକ ସମାଜସେବୀ ଆଗ୍ରହୀ କଳାକାରଙ୍କ ତରଫରୁ ଉକ୍ତ ଅସହାୟ ପରିବାର କୁ ସମବେଦନା ଜଣେଇବା ସହ କିଛି ସହାୟତା ପ୍ରଦାନ କରିଥିବା ଦେଖିବାକୁ ମିଳିଛି l ମହାସଂଘ ଆରମ୍ଭ ଦିନ ଠାରୁ ସଂଘର କର୍ମକର୍ତ୍ତା କଳାକାରର ବିଭିନ୍ନ ସମସ୍ୟା କୁ ସରକାରଙ୍କ ଠାରେ ଦାବୀ ଦେଇ ଆସୁଥିଲେ ସୁଦ୍ଧା ସରକାର କର୍ଣ୍ଣ ପାତ କରିନାହାନ୍ତି l ସଂଘ ର ନିଷ୍ପତି କ୍ରମେ ସୁଖ ଦୁଃଖ ରେ ସାଥୀ ହୋଇ ପ୍ରତ୍ୟେକ କଳାକାର ର ଦୁଃଖ ରେ ଠିଆ ହେବା ପାଇଁ ସଂଘ ସର୍ବଦା ପ୍ରତିଶୃତି ବଧ ଅଟେ ବୋଲି ସଂଘ ର ସଭାପତି ଶ୍ରୀ ଦିଗାଲ ମତ ପ୍ରକାଶ କରିଛନ୍ତି l କଳାକାର ମହାସଂଘ ବିଭିନ୍ନ ସମସ୍ୟା ର ସମାଧାନ କରିବା ସହିତ କଳାକାରଙ୍କ ସାଥିରେ ରହିଛି l ଏହିପରି ସାହାଯ୍ୟ ଓ ସହଯୋଗ ମନୋଭାବ କୁ ଅଞ୍ଚଳ ବାସୀ ବେଶ ପ୍ରଂଶସା କରିଥିବା ଜଣାଯାଇଛି lଏହି ପରିପ୍ରେକ୍ଷୀରେ ମହାସଂଘ ର କର୍ମୀ ଦୁଃଖର ଶହ ପ୍ରକାଶ କରିଥଲେ ଯେ ଆଜି ଯଦି ସରକାର କଳାକାର ଙ୍କ ଦାବି ଉପରେ ଗୁରୁତ୍ୱ ଦେଇଥାନ୍ତେ ତେବେ ମୃତ୍ୟୁ କଳାକାରଙ୍କୁ ବୀମା ସୁବିଧା ରେ କିଛି ଆର୍ଥିକ ସହାୟତା ମିଳିପାରିଥାନ୍ତା l ଏଣୁ ଉକ୍ତ ପରିବାରପ୍ରତି ସରକାର ଦୟାହୋଇ ଆବାସ ଘର ଏବଂ ମୃତ୍ୟୁ କାଳୀନ ସହାୟତା ପ୍ରଦାନ କରିବା ପାଇଁ ମହାସଂଘ ସମସ୍ତ କର୍ମକର୍ତ୍ତା ଅନୁରୋଧ କରିଛନ୍ତି l
