ମ୍ୟାଲେରିଆରେ ଆକ୍ରାନ୍ତ ହୋଇ ସେବାଶ୍ରମ ଛାତ୍ରର ମୃତ୍ୟୁ ଛାତ୍ର ଆମ୍ବୁଲାନ୍ସ ବଦଳ ରେ ବୁହାହେଲେ ବାଇକ ରେ
ରାୟଗଡ ( info media) ମ୍ୟାଲେରିଆରେ ଆକ୍ରାନ୍ତ ହୋଇ ସେବାଶ୍ରମ ଛାତ୍ରର ମୃତ୍ୟୁ ଘଟିଛି । ମୃତ ଚତୁର୍ଥ ଶ୍ରେଣୀ ଛାତ୍ର ଜଣକ ହେଲେ ରାୟଗଡା ଜିଲ୍ଲା କୋଲନରା ବ୍ଲକ ଡକୁଲୁଗୁଡା ପ୍ରାର୍ଥମିକ ବିଦ୍ୟାଳୟ ର ଓ ହିଷ୍ଟେଲ ରେ ରହି ପଡ଼ୁଥୁବା ଚନ୍ଦୁ ଉଲାକା । ଗତକିଛି ଦିନ ତଳେ ଚନ୍ଦୁକୁ ପ୍ରବଳ ଜ୍ବର ହୋଇଥିଲା । ତେବେ ଗତ ସମବାର ଡି ବିଦ୍ୟାଳୟରେ ରକ୍ତ ନମୁନା ପରୀକ୍ଷା ପରେ ମେଲିରିଆ ଚିହ୍ନଟ ହୋଇଥିଲା । ଏନେଇ ତାକୁ ବିଦ୍ୟାଳୟରେ ଔଷଧ ମଧ୍ୟ ଦିଆଯାଇଥିଲା । ତେବେ ଏସଂକ୍ରାନ୍ତରେ ବିଦ୍ୟାଳୟ କର୍ତ୍ତୃପକ୍ଷ ପରିବାର ଲୋକଙ୍କୁ ଜଣାଇନଥିବା କଥା କହିଛନ୍ତି l ତାଙ୍କ ବାପା କୌଣସି ସୂତ୍ରରୁ ରୁ ପୁଅ ର ଦେହ ଖରାପ ଖବର ପାଇ ଗତ ମଙ୍ଗଳବାର ବିଦ୍ୟାଳୟକୁ ଆସି ପୁଅକୁ ଘରକୁ ନେବା ନିମନ୍ତେ କହିଥିବା ସ୍କୁଲର ପ୍ରଧାନ ଶିକ୍ଷକ କହିଛନ୍ତି । ପ୍ରଧାନ ଶିକ୍ଷକ ଘରକୁ ନେବା ପାଇଁ ମନା କରିଥିଲେ କିନ୍ତୁ ପରିବାର ବର୍ଗ ଜିଦ ଧରିବାରୁ ଲିଖିତ ରଖି ଘରକୁ ଛାଡ଼ିଥିଲୁ l ପରିବାର ବର୍ଗ ଘରକୁ ନେଇ ଚାଇଯାଇଥିଲେ ଘରେ ସ୍ବାସ୍ଥ୍ୟବସ୍ଥା ଗୁରୁତ୍ବର ହେବାରୁ ପରିବାର ଲୋକେ ତାକୁ କୋଲନରା ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲେ । ତେବେ ଚିକିତ୍ସିତ ଅବସ୍ଥାରେ ଛାତ୍ର ଚନ୍ଦୁ ମୃତ୍ୟୁବରଣ କରିଥିଲେ । ପ୍ରଧାନ ଶିକ୍ଷକ ମେଡିକାଲ ରେ ଦାଖଲ କରିବା ପରିବର୍ତ୍ତେ କିପରି ଘରକୁ ଛାଡିଲେ ତାହା ଆଶ୍ଚର୍ଯ୍ୟ ବୋଲି ସ୍ଥାନୀୟ ବୁଦ୍ଧିଜୀବୀ ମତ ଆଲୋଚନା କରୁଥିବା ର ଦେଖିବାକୁ ମିଳିଛି l ସବୁଠାରୁ ଆଶ୍ଚର୍ଯ୍ୟର କଥା ମୃତ ଶରୀରକୁ ଘରକୁ ନେବା ପାଇଁ ପରିବାର ଲୋକେ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ ହେଁ ଠିକଣା ସମୟରେ ଆମ୍ବୁଲାନ୍ସ ପହଞ୍ଚି ପାରିନଥିଲା । ଅନ୍ୟ ଉପାୟ ନପାଇ ଚନ୍ଦୁର ବାପା ରେମେଶ ଉଲାକା ଏକ ବାଇକ୍ ଯୋଗେ ପୁଅର ଶବକୁ ନିଜ ଗାଁ ମୁକୁନ୍ଦପୁର ନିକଟରେ ଥିବା ଲାଲବି ଗ୍ରାମକୁ ନେଇଥିଲେ । ତେବେ ବାଇକ୍ ରେ ମୃତ ଦେହ ନେବା ଘଟଣାକୁ ସବୁସ୍ତରରେ ନିନ୍ଦା କରାଯାଇଥିବା ବେଳେ ଚନ୍ଦୁକୁ ବିଦ୍ୟାଳୟରେ ସଠିକ୍ ଚିକିତ୍ସା ସୁବିଧା ଦିଆଯାଇଛି ବୋଲି ସେବାଶ୍ରମର ପ୍ରଧାନଶିକ୍ଷକ ବୁଦ୍ଦଦେବ ତାଢିଙ୍ଗି କହିଛନ୍ତି । ଡବଲ ଇଂଜିନ ସରକାର ରେ ମୃତ ବ୍ୟକ୍ତି କୁ କିପରି ଭାବେ ସମ୍ମାନ ଦିଆଯାଉଛି ଏହାର ଏକ ଜ୍ୱଳନ୍ତ ଉଦାହରଣ ହଉ ଛି ମୃତ ଚନ୍ଦୁ ଯାହାକୁ ଆମ୍ବୁଲାନ୍ସ ବଦଳ ରେ ବାଇକ ଯୋଗେ ନିଆଯାଉଛି ବୋଲି ବିଭିନ୍ନ ରାଜନୈତିକ ଦଳ ର ନେତା କର୍ମୀ ଆଲୋଚନା କରୁଛନ୍ତି lରାୟଗଡ ରୁ ଅମୁଲ୍ୟ ନିଶଙ୍କ. ଙ୍କ ରିପୋର୍ଟ
