*ଜେଲରେ ସାପ୍ତାହିକ ପ୍ୟାରେଡ୍ ଓ ସୁରକ୍ଷା ବ୍ୟବସ୍ଥାର ତଦାରଖ ।
ଗଜପତି,୭.୯(ମନୋଜ ପାଢ଼ୀ) :-ଅପରାଧ ତଦାରଖ ଓ ଟ୍ରାକିଂ ବ୍ୟବସ୍ଥାକୁ ଅଧିକ ସୁଦୃଢ଼ କରିବା ଉଦ୍ଦେଶ୍ୟରେ ଗଜପତି ପୋଲିସ ପକ୍ଷରୁ ପାରଳାଖେମୁଣ୍ଡି ଓ ଆର.ଉଦୟଗିରି ଉପ-ଜେଲରେ ସାପ୍ତାହିକ ଜେଲ ପ୍ୟାରେଡ୍ ଅନୁଷ୍ଠିତ ହୋଇଛି। ସମ୍ପୃକ୍ତ ଉପଖଣ୍ଡ ଆରକ୍ଷୀ ଅଧିକ୍ଷକଙ୍କ ତତ୍ତ୍ୱାବଧାନରେ ଏହି ପ୍ୟାରେଡ୍ କରାଯାଇଥିଲା।ଜେଲ ପରିସରରେ ପ୍ରଭାବଶାଳୀ ତଦାରଖ, ସୁରକ୍ଷା ବ୍ୟବସ୍ଥା, ଶୃଙ୍ଖଳା ଏବଂ ଜରୁରୀ ପରିସ୍ଥିତିରେ ପୋଲିସର ପ୍ରସ୍ତୁତି ଯାଞ୍ଚ କରିବା ଏହି ପ୍ୟାରେଡର ମୁଖ୍ୟ ଉଦ୍ଦେଶ୍ୟ ଥିଲା। ଏଥିସହ ବନ୍ଦୀମାନଙ୍କ ସମ୍ପର୍କରେ ଆବଶ୍ୟକ ତଦାରଖ ଓ ଅପରାଧ ନିୟନ୍ତ୍ରଣ ପାଇଁ ନିରୀକ୍ଷଣ ବ୍ୟବସ୍ଥାକୁ ମଧ୍ୟ ଗୁରୁତ୍ୱ ଦିଆଯାଇଥିଲା।ଗଜପତି ପୋଲିସ ପକ୍ଷରୁ ଏଭଳି ନିୟମିତ ପଦକ୍ଷେପ ଜେଲ ସୁରକ୍ଷାକୁ ଅଧିକ ସୁଦୃଢ଼ କରିବା ସହ ଅପରାଧ ତଦାରଖ ଓ ଟ୍ରାକିଂ ବ୍ୟବସ୍ଥାକୁ ଫଳପ୍ରଦ କରିବାରେ ସହାୟକ ହେବ।
