ନାଏବ ସରପଞ୍ଚଙ୍କୁ ଅଯୋଗ୍ୟ ଘୋଷଣା କଲେ କୋର୍ଟ । ଆର,ଉଦୟଗିରି(ମନୋଜ କୁମାର ପାଢୀ)- ଗଜପତି ଜିଲ୍ଲା ମୋହନା ବ୍ଳକ ଲିଲିଗଡ ପଞ୍ଚାୟତ ନାଏବ ସରପଞ୍ଚ,ସନ୍ତୋଷ ନାୟକଙ୍କୁ ମୋହନା ଜେଏମ୍ଏପ୍ସି ଶୁଭଜିତ ବେହେରା ଅଯୋଗ୍ୟ ଘୋଷଣା କରିଛନ୍ତି । ଅଧିକ ସନ୍ତାନ ଥିବା ଅଭିଯୋଗ ବିଚାର କରି ସନ୍ତୋଷଙ୍କ ନାଏକ ସରପଞ୍ଚ ପଦବୀକୁ ବିଚାରପତି ଅସିଦ୍ଧ ଘୋଷଣା କରିଥିବା ଜଣାପଡିଛି । ଖବରରୁ ପ୍ରକାଶ, ଗତ ୨୦୨୨ ପଞ୍ଚାୟତ ନିର୍ବାଚନରେ ଲିଲିଗଡ ପଞ୍ଚାୟତର ୫ ନମ୍ବର ଓ୍ବାର୍ଡର ସଦସ୍ୟ ପାଇଁ ନିର୍ବାଚନ ହୋଇଥିଲା । ଏହି ନିର୍ବାଚନରେ ସନ୍ତୋଷ ବିଜୟୀ ହୋଇଥିଲେ । ପରେ ସେ ନାଏବ ସରପଞ୍ଚ ହୋଇଥିଲେ । ତେବେ ସନ୍ତୋଷ ତାଙ୍କ ସତ୍ୟପାଠରେ ତାଙ୍କର ୨ଟି ସନ୍ତାନ ଥିବା ଉଲ୍ଲେଖ କରିଥିଲେ ।ଏହାକୁଚ୍ଚାଲେଞ୍ଜ କରି ସନ୍ତୋଷଙ୍କର ୪ଟି ସନ୍ତାନ ଥିବା ଅଭିଯୋଗ ଆଣି ତାଙ୍କ ପ୍ରତିଦ୍ବନ୍ଦ୍ବୀ ଏଫ୍ଟି ଦେବେନ୍ଦ୍ର ୨୦୨୨ ମାଚ୍ଚ ୧୭ରେ ଜେଏମଏଫସି କୋର୍ଟଙ୍କ ଦ୍ବାରସ୍ଥ ହୋଇଥିଲେ । ମାମଲାର ବିଚାର କରି ବିଚାରପତି ଏବେ ଉପରୋକ୍ତ ରାୟ ଶୁଣାଣି କରିଛନ୍ତି । ନାଏବ ସରପଞ୍ଚ ସନ୍ତୋଷଙ୍କ ପାଇଁ ଆଇନଜୀବୀ ସନ୍ତୋଷ ପାଢୀ ଓ ପ୍ରତିପକ୍ଷ ଏଫ୍ଟି ଦେବେନ୍ଦ୍ରଙ୍କ ଲାଗି ଆଇନଜୀବୀ ରବୀନ୍ଦ୍ର ନାୟକ ମାମଲା ପରିଚାଳନା କରିଥିଲେ । ଏହି ଓ୍ବାର୍ଡସଭ୍ୟ ପଦବୀ ପାଇଁ ପୁନଃ ନିର୍ବାଚନ କରିବାକୁ ମୋହନା ବିଡିଓ ରାଜୀବ ଦାସ ଓ ଗଜପତି ଜିଲ୍ଲାପାଳଙ୍କୁ କୋର୍ଟ ପକ୍ଷରୁ ନିର୍ଦେଶ ହୋଇଥିବା ଆଇନଜୀବୀ ନାୟକ ପ୍ରକାଶ କରିଛନ୍ତି ।