ପ୍ରତାରକ ଯୁବକ କୋର୍ଟ ଚାଲାଣ।
ବୈଦ୍ୟନାଥ ପୁର ଥାନା ଅଞ୍ଛଳର ଜନୈକା ମହିଳା ଙ୍କୁ ପ୍ରତାରଣା କରିବା ଓ ଲକ୍ଷାଧିକ ଟଙ୍କା ନେଇଥିବା ଅଭିଯୋଗ ରେ ପୋଲିସ ସୁଶାନ୍ତ ତରେଇ ନାମକ ଜଣେ ଯୁବକ କୁ ଗିରଫ କରି କୋର୍ଟ ଚାଲାଣ କରିଛନ୍ତି। ଗିରଫ ସୁଶାନ୍ତ ର ଘର ରମ୍ଭା ଥାନା ଅଞ୍ଚଳରେ ବୋଲି ଜଣାପଡିଛି। ଅଭିଯୁକ୍ତ ଯୁବକ ଗତ କିଛି ମାସ ହେଲା ଉକ୍ତ ପ୍ରତାରିତା ମହିଳାଙ୍କ ସମ୍ପର୍କରେ ଆସି ପ୍ରେମ ସମ୍ପର୍କ ବଢ଼ାଇବା ସହ ବିଭିନ୍ନ ପ୍ରଲୋଭନ ଦେଖାଇ ମହିଳା ଙ୍କ ଠାରୁ ପ୍ରାୟ ୩ ଲକ୍ଷ ଟଙ୍କା ଧାର ନେଇ ଆଉ ଫେରାଇ ନଥିଲା।ଓଲଟା ଧମକ ଦେଇଥିଲା। ଯାହା ଫଳରେ ମହିଳା ଜଣଙ୍କ ଅନ୍ୟ ଉପାୟ ନପାଇ ବୈଦ୍ୟନାଥ ପୁର ଥାନା ରେ ଅଭିଯୋଗ କରିଥିଲେ ଓ ତାଙ୍କର ଅଭିଯୋଗ ଗ୍ରହଣ କରି ପୋଲିସ ଉକ୍ତ ପ୍ରତାରକ ଯୁବକ କୁ ଗିରଫ କରି କୋର୍ଟ ଚାଲାଣ କରିଛନ୍ତି।
