*ଦନ୍ତା ନେଇଗଲା ଦୁଇ ଶିଶୁ କନ୍ୟାଙ୍କ ଜୀବନ* *ଅଳ୍ପକେ ମୃତ୍ୟୁ ମୁଖରୁ ବର୍ତ୍ତିଗଲେ ମାଁ*
ଗତକାଲି ବିଳମ୍ବିତ ରାତିରେ ସୁନ୍ଦରଗଡ଼ ଜିଲା ସ୍ଥିତ ବଣାଇ ଉପଖଣ୍ଡ ଅନ୍ତର୍ଗତ ତାମଡ଼ା ରେଞ୍ଜର କଣ୍ଟାପାଲି ଗ୍ରାମର ମୁଣ୍ଡାସାହିରେ ଏକ ବଡଧରଣର ଅଘଟଣ ଘଟିଯାଇଛିl ଖାଦ୍ୟ ଅନ୍ବେଷଣରେ ଗାଁ ମୁଁହା ହୋଇଥିବା ଦନ୍ତା ହାତୀଟି ମୁଣ୍ଡାସାହିର ଏକ ଘର ଭାଙ୍ଗି ପଶିଥିଲା l ସେତେବେଳେ ଘରେ ମାଆ ଓ ଦୁଇ ଝିଅ ଶୋଇଥିଲେ । ହାତୀକୁ ଦେଖି ମା ଶିଶୁକନ୍ୟାକୁ ଦେଖି ଘରୁ ବାହାରକୁ ଦୌଡ଼ି ପଳାଇ ଯାଉଥିବା ବେଳେ ଦୁଇ ଝିଅ ହାତୀ ହାବୁଡ଼ରେ ପଡ଼ି ଯାଇଥିଲେ । ଜଣେ ପରେ ଜଣେ ଶିଶୁକନ୍ୟାକୁ ଶୁଣ୍ଢରେ ଟାଣି ଆଣି ଦଳି ଦେଇଥିଲା ଦନ୍ତା l ଫଳରେ ଘଟଣାସ୍ଥଳରେ ଦୁହିଁଙ୍କର ମୃତ୍ୟୁ ଘଟିଥିଲା l ମୃତ ଦୁଇ ଶିଶୁକନ୍ୟା ହେଲେ ସାମିୟା ମୁଣ୍ଡା (୧୨), ଚାନ୍ଦିନୀ ମୁଣ୍ଡା(୩)l ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି । ପୋଲିଶ ଓ ବନ ବିଭାଗ ଅଧିକାରୀ ପହଞ୍ଚି ଉତ୍ତେଜିତ ଲୋକଙ୍କୁ ବୁଝାସୁଝା କରୁଛନ୍ତି l ଦିନକ ପୂର୍ବରୁ ସୋଲ ରେଞ୍ଜ କୁକୁଡ଼ା ଗାଁରେ ଶୌଚ ପାଇଁ ଯାଇଥିଲା ବେଳେ ଦନ୍ତା ହାତୀ ଜଣକୁ ଦଳି ଦେଇଥିଲା l
ବରିଷ୍ଠ ସାମ୍ବାଦିକ ସଂଜୀବ କୁମାର ପାଢୀଙ୍କ ରିପୋର୍ଟ ।
