ନାଳ ରେ ବୁଡି ମହିଳା ମୃତ
ଆର, ଉଦୟଗିରି(ମନୋଜ କୁମାର ପାଢୀ):ଗଜପତି ଜିଲ୍ଲା ମୋହନା ଥାନା ଶିକୁଳିପଦର ପଂଚାୟତ ମୁଡ଼ମୁଡ଼ିଆ ଗାଁ ନାଳରେ ବୁଡ଼ି ଜଣେ ମହିଳାଙ୍କ ମୃତ୍ୟୁ ଘଟିଛି l ମୃତ ମହିଳା ହେଲେ ସଞ୍ଜୁ ନାୟକ (୩୨) l ଖବର ପାଇ ମୋହନା ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି l ପୁଲିସ ସୂତ୍ରରୁ ମିଳିଥିବା ସୂଚନା ପ୍ରକାରେ ମୁଡୁମୁଡ଼ିଆ ଗ୍ରାମର ବନମାଳୀ ଘଡେଇ ଙ୍କ ଝିଅ ସଞ୍ଜୁ ରାୟଗଡା ଢିମିରିଝୁଳିରେ ବିବାହ କରିଛନ୍ତି l ଗତ କିଛି ଦିନ ହେଲା ବାପା ଘରକୁ ସଞ୍ଜୁ ଆସିଥିଲେ ବୁଲିବା ପାଇଁ l ହେଲେ ଶନିବାର ଦିନ ଗାଁ ନିକଟରେ ଥିବା ନାଳ କୁ ସଞ୍ଜୁ ଗାଧେlଇବା ପାଇଁ ଯାଇଥିଲେ l ନାଳରେ ପାଦ ଖସିଯିବାରୁ ପାଣି ରେ ବୁଡି ଯାଇଥିଲେ ସଞ୍ଜୁ l ଖବର ପାଇ ମୋହନା ଅଗ୍ନିଶମ ବିଭାଗ ପହଁଚି ନାଳ ରୁ ସଞ୍ଜୁର ମୃତ ଦେହ ଉଦ୍ଧାର କରି ମୋହନା ମେଡିକାଲ ରେ ଭର୍ତ୍ତୀ କରିଛନ୍ତି l ମୋହନା ଥାନା ପୋଲିସ ଶବ ଜବତ କରି ତଦନ୍ତ କରୁଛି l
