ଗୋଟିଏ କାର ୨ ଟି ବାଇକକୁ ପୋଡିଦେଲେ ଅଜଣା ଦୁର୍ବୁତ୍ତ
ଗଜପତି, (ମନେଜ ପାଢୀ):ଗଜପତି ଜିଲ୍ଲାର କାଶୀନଗର ବ୍ଲକରେ ଗତକାଲି ରାତ୍ରରେ କେହି ଅଜଣା ଦୁର୍ବୁତ୍ତ ଗୋଟିଏ କାର ଓ ଦୁଇଟି ମୋଟର ସାଇକେଲ ପୋଡି ଦେଇଥିବା ଅଭିଯୋଗ ହୋଇଛି | ପ୍ରାପ୍ତ ସୂଚନା ମୁତାବକ, କାଶୀନଗର ଥାନା ଅନ୍ତର୍ଗତ ବୁଦୁରା ଗ୍ରାମର ୱାଇ. ଜନର୍ଦ୍ଧନାଙ୍କ ଗୋଟିଏ କାର ପୁରୁଣା ଗ୍ରାମରେ ଥିବା ତାଙ୍କ ସେଡରେ ରଖିଥିଲେ | ରାତ୍ର ପ୍ରାୟ ସାଢେ ୧୦ ଟା ସମୟରେ କୌଣସି ଅଜଣା ଦୁର୍ବୁତ୍ତ ଏହି କାର ଓ ଦୁଇଟି ମୋଟର ସାଇକେଲକୁ ନିଆଁ ଲଗାଇ ଜାଳି ଦେଇଛନ୍ତି | ଗାଡି ଗୁଡିକ ସମ୍ପୂର୍ଣ ନଷ୍ଟ ହୋଇଯାଇଛି ବୋଲି ଏହାର ମାଲିକ ସୂଚନା ଦେଇଛନ୍ତି | କାଶୀନଗର ଥାନା ଅଂଚଳରେ ଏଭଳି ଘଟଣା ଆଗରୁ କେବେ ଘଟି ନ ଥିବା ବେଳେ, ଅଜଣା ଦୁର୍ବୁତ୍ତ କେଉଁ ଉଦେଶ୍ୟରେ ଏଭଳି କାଣ୍ଡ କରିଛନ୍ତି ତାହା ଜଣା ପଡ଼ିନାହିଁ | ଅଗ୍ନିଶମ ବିଭାଗ ଖବରପାଇ ଘଟଣା ସ୍ଥଳରେ ପହଂଚି ନିଆଁ ଲିଭାଇଛନ୍ତି ।
