ବେଲଗୁଣ୍ଠାରେ ଗୁଟଖା ଚଢ଼ାଉ ଜାରି।

ବେଲଗୁଣ୍ଠାରେ ଗୁଟଖା ଚଢ଼ାଉ ଜାରି।ଗଞ୍ଜାମ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଆଜି ସ୍ଥାନୀୟ ପ୍ରଶାସନ ତରଫରୁ ବେଲଗୁଣ୍ଠା ବଜାରରେ ଚଢ଼ାଉ କରାଯାଇ ବିପୁଳ ପରିମାଣର ଗୁଟଖା ଜବତ କରାଯାଇଛି। ବେଲଗୁଣ୍ଠା ତହସିଲଦାର କଳାକୃଷ୍ଣ ପ୍ରଧାନଙ୍କ ନେତୃତ୍ବରେ ବେଲଗୁଣ୍ଠା ପୋଲିସ ବେଲଗୁଣ୍ଠା ବଜାରରେ କିଛି ଦୋକାନରେ ଚଢ଼ାଉ କରି ଦୁଇ ବସ୍ତା ଗୁଟଖା ଜବତ କରିବା ସହ ଆଗାମୀ ଦିନରେ ଗୁଟଖା ବିକ୍ରି ନକରିବା ପାଇଁ ଦୋକାନୀ ମାନଙ୍କୁ ସତର୍କ କରିଥିଲେ। ଏହି ଚଢାଉରେ ତହସିଲଦାର ଶ୍ରୀ ପ୍ରଧାନଙ୍କ ସମେତ ବେଲଗୁଣ୍ଠା ଥାନା ଏଏସ୍ଆଇ ପ୍ରମୋଦ କୁମାର ଚେଟୀ,କନେଷ୍ଟବଳ ରଶ୍ମିତା ଗୌଡ଼,ରବି ଶବର,ସନ୍ତୋଷ କୁମାର ଭୂୟାଁ, ଗୃହରକ୍ଷୀ ଅରୁଣ କୁମାର ଡାକୁଆ,ପୂର୍ଣ୍ଣ ଚନ୍ଦ୍ର ନାୟକ ପ୍ରମୁଖ ଚଢାଉ ରେ ଅଂଶ ଗ୍ରହଣ କରି ଥିଲେ। ଆଗାମୀ ଦିନରେ ଏହି ଚଢାଉକୁ ଜୋରଦାର କରାଯିବା ସହିତ ଜୋରିମାନା ମଧ୍ୟ ଆଦାୟ କରାଯିବା ବୋଲି ତହସିଲଦାରଙ୍କ ଠାରୁ ପ୍ରକାଶ ।