କ୍ୟାଥ୍ଲିକ୍ ଚର୍ଚ ପକ୍ଷରୁ ଶିକ୍ଷା ଶିବିର ।
ଆର,ଉଦୟଗିରି(ମନୋଜ କୁମାର ପାଢୀ)- ଗଜପତି ଜିଲ୍ଲା ମୋହନା ଅଞ୍ଚଳର କ୍ୟାଥଲିକ ଚର୍ଚ ପକ୍ଷରୁ ଏକ ଶିକ୍ଷା ଶିବିର ସ୍ଥାନୀୟ ସାଧୁପିଟର ପାରିସ ହଲ ପରିସରରେ ଅନୁଷ୍ଠିତଥିଲା । ଏହି ଶିବିରରେ ମୋହନା ମୁଖ୍ୟଯାଜକ ଫାଦର ଆଇଶାକ ନାୟକ ମୁଖ୍ୟଅତିଥି ଭାବରେ ଯୋଗଦେଇ ନିଜ ଜୀବନର ଯୁବା ସମୟକୁ ମନେ ପକାଇ ଏହି ସମୟର ସୁବିନିଯୋଗ କରିବା ପାଇଁ ଉପସ୍ଥିତ ଯୁବତୀଯୁବକଙ୍କୁ ପରାମର୍ଶ ଦେଇଥିଲେ । ଦାନ୍ତଲିଙ୍ଗି ସହକାରୀ ଯାଜକ ଫାଦର ଯୁଶବନ୍ତ ବିଷୋୟୀ ମୁଖ୍ୟବକ୍ତା ଭାବେ ଯୋଗଦେଇ ଯୁବତୀଯୁବକଙ୍କୁ କିପରି ଚରିତ୍ରବାନ ହୋଇ ମାନବସେବା କରିପାରିବେ ସେ ସମ୍ପର୍କରେ ବୁଝାଇଥିଲେ । ସ୍ଥାନୀୟ ସାଧୁ ପିତର ଇଂରାଜୀ ମାଧ୍ୟମ ବିଦ୍ୟାଳୟର ସମ୍ପାଦକ ତଥା ମୋହନା ଯୁବ ନିଦ୍ଦେଶକ ଫାଦର ମଲାକ୍ୟାସ ବୀର ଯୋଗଦେଇ ଯୁବତୀ ଯୁବକଙ୍କୁ କଠିନ ପରିଶ୍ରମ କରିବାକୁ ପରାମର୍ଶ ଦେଇଥିଲେ । ସମାଜିକ କର୍ମୀ ସୁଜ୍ଞାନ ସାଗର ପ୍ରଶିକ୍ଷକ ଭାବେରେ ଯୋଗଦେଇ ଯୁବପିଢି ନିମନ୍ତେ ଶିକ୍ଷାର ଆବଶ୍ୟକତା ସମ୍ପର୍କରେ ଆଲୋକପାତ କରିଥିଲେ । ମୋହନା ପଞ୍ଚାୟତ ନାଏବ ସରପଞ୍ଚ ରସାନନ୍ଦ ପାଣି, ପ୍ରଶାନ୍ତ ବୀର, ପ୍ରଫୁଲ୍ଲ ଲିମା ସମ୍ମାନିତ ଅତିଥି ଉପସ୍ଥିତ ଥିଲେ । ଏହି ଅବସରରେ ସାଧୁ ପିତର ଯୁବସଂଘ ନିମନ୍ତେ ନୂତନ କର୍ମକତ୍ତା ଚୟନ କରାଯାଇଥିଲା । ସଭପତି ଭାବେ ରୁଲୁ ନାୟକ, ଉପ ସଭାପତି ତୋଫାନ ନାୟକ, ସମ୍ପାଦକ ଅମିତ ନାୟକ, ସହ ସମ୍ପାଦକ ରବି ପାଇକ, କୋଷାଧ୍ୟକ୍ଷ, ସହ କୋଷାଧ୍ୟକ୍ଷ ମନୋନୀତ ହୋଇଥିଲେ । ଶିବିରକୁ ଯୁବକ ସଂଘର କର୍ମକତ୍ତାମାନେ ପରିଚାଳନା କରିଥିଲେ ।