рмХрнЗрмирнНрмжрнНрм░рнАрнЯ рммрм┐рм╢рнНрммрммрм┐рмжрнНрнЯрм╛рм│рнЯ, рмХрнЛрм░рм╛рмкрнБрмЯрм░ рнзрннрмдрмо рмкрнНрм░рмдрм┐рм╖рнНрмарм╛ рмжрм┐рммрм╕ рмЙрмдрнНрм╕рм╛рм╣рм░рнЗ рмкрм╛рм│рми
рмХрнЗрмирнНрмжрнНрм░рнАрнЯ рммрм┐рм╢рнНрммрммрм┐рмжрнНрнЯрм╛рм│рнЯ, рмХрнЛрм░рм╛рмкрнБрмЯрм░ рнзрннрмдрмо рмкрнНрм░рмдрм┐рм╖рнНрмарм╛ рмжрм┐рммрм╕ рмЙрмдрнНрм╕рм╛рм╣рм░рнЗ рмкрм╛рм│рми
рмХрнЛрм░рм╛рмкрнБрмЯ, рнирнп рмЕрмЧрм╖рнНрмЯ рнирнжрнирнл (Info Media): рм╕рнБрмирм╛рммрнЗрмбрм╝рм╛рм╕рнНрмерм┐рмд рмХрнЗрмирнНрмжрнНрм░рнАрнЯ рммрм┐рм╢рнНрммрммрм┐рмжрнНрнЯрм╛рм│рнЯ, рмХрнЛрм░рм╛рмкрнБрмЯрм░ рнзрннрмдрмо рмкрнНрм░рмдрм┐рм╖рнНрмарм╛ рмжрм┐рммрм╕ рмЖрмЬрм┐ рмЙрмдрнНрм╕рм╛рм╣, рмЧрморнНрмнрнАрм░рмдрм╛ рмУ рм╕рм╛рмВрм╕рнНрмХрнГрмдрм┐рмХ рм░рмЩрнНрмЧрм░рнЗ рмкрм╛рм│рми рмХрм░рм╛рмЧрм▓рм╛ ред рмПрм╣рм┐ рмЕрммрм╕рм░рм░рнЗ рммрм┐рм╢рнЗрм╖ рмХрм╛рм░рнНрмпрнНрнЯрмХрнНрм░рмо, рм╕рморнНрмнрм╛рм╖рмг рмУ рм╕рм╛рмВрм╕рнНрмХрнГрмдрм┐рмХ рмкрнНрм░рмжрм░рнНрм╢рмирнА рмЖрнЯрнЛрмЬрм┐рмд рм╣рнЛрмЗрмерм┐рм▓рм╛ редрмХрм╛рм░рнНрмпрнНрнЯрмХрнНрм░рморм░ рмЖрм░рморнНрмнрм╕рморм╛рм░рнЛрм╣рм░рнЗ рмнрм╛рм░рмкрнНрм░рм╛рмкрнНрмд рмХрнБрм│рмкрмдрм┐ рмкрнНрм░рмлрнЗрм╕рм░ рмирм░рм╕рм┐рмВрм╣ рмЪрм░рмг рмкрмгрнНрмбрм╛ рмЕрмзрнНрнЯрмХрнНрм╖рмдрм╛ рмХрм░рм┐рмерм┐рм▓рнЗ ред рм╕рнЗ рммрм┐рм╢рнНрммрммрм┐рмжрнНрнЯрм╛рм│рнЯрм░ рнзрнн рммрм░рнНрм╖рм░ рмпрм╛рмдрнНрм░рм╛, рмПрм╣рм╛рм░ рм╕рмлрм│рмдрм╛ рмУ рм╕рморм╕рнНрнЯрм╛рм╕рморнВрм╣ рм╕рморнНрмкрм░рнНрмХрм░рнЗ рмЖрм▓рнЛрмХрмкрм╛рмд рмХрм░рм┐рмерм┐рм▓рнЗ ред рм╕рнЗ рмХрм╣рм┐рм▓рнЗ, тАЬрм╢рм┐рмХрнНрм╖рм╛, рмЧрммрнЗрм╖рмгрм╛ рмУ рм╕рморм╛рмЬрм╕рнЗрммрм╛рмХрнБ рмПрмХрм╛рмдрнНрмо рмХрм░рм┐рммрм╛ рм╣рм┐рмБ рмХрнЗрмирнНрмжрнНрм░рнАрнЯ рммрм┐рм╢рнНрммрммрм┐рмжрнНрнЯрм╛рм│рнЯрм░ рм▓рмХрнНрм╖рнНрнЯ редтАЭрмЕрмдрм┐рмерм┐рмЩрнНрмХ рм╕рморнНрмнрм╛рм╖рмгрморнБрмЦрнНрнЯ рмЕрмдрм┐рмерм┐ рмнрм╛рммрнЗ рммрм┐рм│рм╛рм╕рмкрнБрм░ рм╕рнНрмерм┐рмд рмЧрнБрм░рнБ рмШрм╛рм╕рнАрмжрм╛рм╕ рмХрнЗрмирнНрмжрнНрм░рнАрнЯ рммрм┐рм╢рнНрммрммрм┐рмжрнНрнЯрм╛рм│рнЯрм░ рмХрнБрм│рмкрмдрм┐ рмкрнНрм░рмлрнЗрм╕рм░ рмЕрм▓рмХрм╛ рморнБрмЦрнЛрмкрм╛рмзрнНрнЯрм╛рнЯ рмпрнЛрмЧрмжрнЗрмЗрмерм┐рм▓рнЗ ред рм╕рнЗ рмХрм╣рм┐рм▓рнЗ, тАЬрмЬрнНрмЮрм╛рмирм░ рмкрнНрм░рм╕рм╛рм░ рм╕рм╣рм┐рмд рмПрмХрм╛рмзрм┐рмХ рм╕рморм╛рмЬрм┐рмХ рмжрм╛рнЯрм┐рмдрнНрн▒ рмирм┐рмнрм╛рмЗрммрм╛рм░рнЗ рммрм┐рм╢рнНрммрммрм┐рмжрнНрнЯрм╛рм│рнЯрморм╛рмирнЗ рмЧрнБрм░рнБрмдрнНрн▒рмкрнВрм░рнНрмгрнНрмг рмнрнВрморм┐рмХрм╛ рмирм┐рммрм╛рм╣ рмХрм░рм┐рммрм╛ рмЖрммрм╢рнНрнЯрмХ редтАЭрммрм┐рм╢рнЗрм╖ рмЕрмдрм┐рмерм┐ рмнрм╛рммрнЗ рмкрнНрм░рмлрнЗрм╕рм░ рм╕рнБрм░рнЗрм╢ рмЪрмирнНрмжрнНрм░ рмкрмгрнНрмбрм╛, рмХрмЯрмХ рм╕рнНрмерм┐рмд рм░рм╛рм╖рнНрмЯрнНрм░рнАрнЯ рмЖрмЗрми рммрм┐рм╢рнНрммрммрм┐рмжрнНрнЯрм╛рм│рнЯрм░ рмкрнВрм░рнНрммрмдрми рмХрнБрм│рмкрмдрм┐, рмпрнЛрмЧрмжрнЗрмЗрмерм┐рм▓рнЗ ред рм╕рнЗ рмХрм╣рм┐рм▓рнЗ, тАЬрмХрнЛрм░рм╛рмкрнБрмЯрм░ рмкрм░рм┐ рмЕрмЮрнНрмЪрм│рм░рнЗ рмЙрмЪрнНрмЪ рм╢рм┐рмХрнНрм╖рм╛рм░ рм╕рнБрммрм┐рмзрм╛ рмкрм╣рмЮрнНрмЪрм╛рмЗрммрм╛рм░рнЗ рмПрм╣рм┐ рммрм┐рм╢рнНрммрммрм┐рмжрнНрнЯрм╛рм│рнЯрм░ рмнрнВрморм┐рмХрм╛ рмЕрмдрнНрнЯрмирнНрмд рмЧрнБрм░рнБрмдрнНрн▒рмкрнВрм░рнНрмгрнНрмг редтАЭрм╕рм╛рмВрм╕рнНрмХрнГрмдрм┐рмХ рмХрм╛рм░рнНрмпрнНрнЯрмХрнНрм░рмормкрнНрм░рмдрм┐рм╖рнНрмарм╛ рмжрм┐рммрм╕рм░рнЗ рммрм┐рмнрм┐рмирнНрми рммрм┐рмнрм╛рмЧрм░ рмЫрм╛рмдрнНрм░рмЫрм╛рмдрнНрм░рнАрморм╛рмирнЗ рм╕рм╛рмВрм╕рнНрмХрнГрмдрм┐рмХ рмХрм╛рм░рнНрмпрнНрнЯрмХрнНрм░рмо рмкрнНрм░рмжрм░рнНрм╢рми рмХрм░рм┐рмерм┐рм▓рнЗ ред рмУрмбрм╝рм┐рм╢рнА, рм╕рм╛рмирнНрмерм╛рм│рнА рмУ рмжрнЗрм╢рнАрмЖ рмирнГрмдрнНрнЯ, рм╕рмЩрнНрмЧрнАрмд рмУ рмирм╛рмЯрмХ рмжрнНрн▒рм╛рм░рм╛ рмЕрмЮрнНрмЪрм│рм░ рм╕рморнГрмжрнНрмз рм╕рм╛рм╣рм┐рмдрнНрнЯ-рм╕рмВрм╕рнНрмХрнГрмдрм┐рм░ рмкрнНрм░рмдрм┐рмЫрммрм┐ рмкрнНрм░рмжрм░рнНрм╢рм┐рмд рм╣рнЛрмЗрмерм┐рм▓рм╛ редрм╕рморм╛рмкрмирнАрм╢рнЗрм╖рм░рнЗ, рмХрнБрм│рмкрмдрм┐ рмкрнНрм░рмлрнЗрм╕рм░ рмкрмгрнНрмбрм╛ рм╕рморм╕рнНрмдрмЩрнНрмХрнБ рмзрмирнНрнЯрммрм╛рмж рмЬрмгрм╛рмЗ, рммрм┐рм╢рнНрммрммрм┐рмжрнНрнЯрм╛рм│рнЯрм░ рм╕рнБрм╕рнНрмерм┐рм░ рммрм┐рмХрм╛рм╢ рмУ рмЧрнБрмгрмдрнНрмдрмо рм╢рм┐рмХрнНрм╖рм╛ рмкрнНрм░рмжрм╛рми рмкрм╛рмЗрмБ рм╕рморм╕рнНрмдрмЩрнНрмХ рм╕рм╣рмпрнЛрмЧ рмЖрммрм╢рнНрнЯрмХ рммрнЛрм▓рм┐ рмХрм╣рм┐рмерм┐рм▓рнЗ ред
