ମିନିଆପୋଲିସରେ ସ୍କୁଲ ଗୁଳିକାଣ୍ଡ: ୩ ମୃତ, ୨୦ ଆହତ
ମିନିଆପୋଲିସ: ପୁଣିଥରେ ଆମେରିକାର ସ୍କୁଲ ଗୁଳିକାଣ୍ଡରେ ରକ୍ତରଂଜିତ ହୋଇଛି। ମଙ୍ଗଳବାର ସକାଳେ ଘଟିଥିବା ଏହି ଘଟଣାରେ ଜଣେ ସ୍କୁଲଛାତ୍ର ସହ ୩ ଜଣଙ୍କ ମୃତ୍ୟୁ ଘଟିଛି। ପ୍ରାୟ ୨୦ ଜଣ ଆହତ ହୋଇଥିବା ସୂଚନା ମିଳିଛି।ପୁଲିସ ସୂତ୍ର ଅନୁସାରେ, ମୃତକଙ୍କ ମଧ୍ୟରେ ଆକ୍ରମଣକାରୀ ମଧ୍ୟ ରହିଛି। ଆହତମାନଙ୍କୁ ନିକଟସ୍ଥ ହସ୍ପିଟାଲକୁ ଭର୍ତ୍ତି କରାଯାଇଛି।ଘଟଣା ସମ୍ପର୍କରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ସୂଚନା ଯାଇଥିବା ସୂତ୍ର ଖବର ମିଳିଛି। ଦେଶବ୍ୟାପୀ ଭାବରେ ଏହି ଘଟଣା ଉପରେ ଚିନ୍ତା ବ୍ୟକ୍ତ ହେଉଛି।