ଅଟୋ ସହ କାଠ ଜବତ, ୨ ଅଟକ
ଗଜପତି (ମନୋଜ ପାଢୀ):ପାରଳାଖେମୁଣ୍ଡି ଡ଼ିଏଫଓ ଏସ. ଆନନ୍ଦଙ୍କ ନିର୍ଦେଶକ୍ରମେ ଜଙ୍ଗଲର ସୁରକ୍ଷା ଚୋରା କାଠ ଚାଲାଣ ବିରୋଧରେ ବିଭିନ୍ନ ଚଢ଼ାଉ ଓ ପେଟ୍ରୋଲି ଜାରି ରହିଛି. ପାରଳା ବନଖଣ୍ଡ ଅଧୀନରେ ଥିବା ବାଘଶଳା ନିକଟସ୍ଥ କୁଡୁଡାରେ ଦେବଗିରି ବନାଞ୍ଚଳରେ ଚଢଉ ଦ୍ୱାରା କାଠ ବୋଝେଇ ଏକ ଅଟୋ ସହ ଲକ୍ଷାଧିକ ଟଙ୍କାର ମୂଲ୍ୟବାନ କାଠ ଜବତ କରାଯାଇଛି। ଏହି ଚୋରାଚାଲାଣ କରୁଥିବା ଦୁଇଜଣଙ୍କୁ ଗିରଫ କରି ପାରଳାଖେମୁଣ୍ଡି କୋୖର୍ଟକୁ ଚାଲାଣ କରାଯାଇଥିବା ଦେବଗିରି ରେଞ୍ଜର ବ୍ରହ୍ମନନ୍ଦ ସାହୁ ସୂଚନା ଦେଇ କହିଛନ୍ତି ବୁର୍ଜାଙ୍ଗ ଗ୍ରାମର ବାଲକ୍ରିଷ୍ଣା ଘାଣ୍ଟା ଓ ସୁରଥ ନାଇକ ଜଙ୍ଗଲରୁ ଲକ୍ଷାଧିକ ଟଙ୍କାର କାଠଗଣ୍ଡି କାଟି ଅଟୋରେ ଚାରାଚାଲାଣ କରୁଥିବା ବେଳେ କୁଡୁଡା ଗ୍ରାମରେ ଚଢ଼ଉ କରାଯାଇ ଉଭୟଙ୍କୁ ଗିରଫ କରାଯାଇଥିଲା. ଏଥିସହ ଅଟୋ ଓ କାଠ ଗଣ୍ଡି ଗୁଡିକୁ ମଧ୍ୟ ଜବତ କରାଯାଇଛି. ଏହି ଚଢ଼ାଉରେ ବନପାଳ ଗଣେଶ ପ୍ରଧାନଙ୍କ ସହ ସମସ୍ତ ବନ ବିଭାଗ କର୍ମଚାରୀ ସାମିଲ ହୋଇଥିଲେ ।
