ଟିକାବାଲି ରେ ବାତ୍ୟା ‘ମୋନ୍ଥା’ପାଇଁ ଜନ ଜୀବନ ଭୟ ଭିତ,ଝିପି ଝିପି ବର୍ଷା ଅବ୍ୟାହତ ରାସ୍ତା ଘାଟ ଶୂନ ଶାନ.
.କନ୍ଧମାଳ:- ତା- ୨୮/୧୦ (ରିପୋର୍ଟ କୁନା ଦିଗାଲ )କନ୍ଧମାଳ ଜିଲ୍ଲାଟିକାବାଲି ରେ ମେଘୁଆ ପାଗକୁ ଝିପି ଝିପି ବର୍ଷା ଅବ୍ୟାହତ ବାତ୍ୟା ‘ମୋନ୍ଥା’ପାଇଁ ଜନ ଜୀବନ ଭୟ ଭିତ l ଦକ୍ଷିଣ-ପଶ୍ଚିମ ଏବଂ ଏହାର ପାର୍ଶ୍ବବର୍ତ୍ତୀ ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗର ଅଞ୍ଚଳରେ ସୃଷ୍ଟି ହୋଇଥିବା ଗଭୀର ଅବପାତ ସାମୁଦ୍ରିକ ଝଡ଼ ବାତ୍ୟା ‘ମୋନ୍ଥା’ରେ ପରିଣତ ହୋଇଛି । ମଙ୍ଗଳବାର ଦିନ ‘ମୋନ୍ଥା’ ସମୁଦ୍ରରୁ ଅଧିକ ବଳ ଗୋଟାଇ ଭୀଷଣ ବାତ୍ୟାରେ ପରିଣତ ହେବ ବୋଲି ପାଣିପାଗ ବିଭାଗ ଅନୁମାନ କରିଛି l ଅପରାହ୍ନ ସୁଦ୍ଧା କନ୍ଧମାଳ ଜିଲ୍ଲା ଟିକାବାଲି ତଥା ଏହାର ଆଖ ପାଖ ଅଞ୍ଚଳ ରେ ସେପରି କିଛି ପ୍ରଭାବ ପଡିନି l ସମଗ୍ର ଟାଉନରେ ପ୍ରତ୍ୟୁଷ ରୁ ଅପରାହ୍ନ ସୁଦ୍ଧା ମେଘୁଆ ପାଗ ସହ ଝିପି ଝିପି ବର୍ଷା ସାଙ୍ଗକୁ ସାମାନ୍ୟ ପବନ ବୋହୁଥିବା ବେଳେ ଆଭ୍ୟନ୍ତରଣ ଜଙ୍ଗଲ ଓ ନଦୀ କୂଳ ଗ୍ରାମାଞ୍ଚଳ ରେ ଅଧିକ ପବନ ସହ ବର୍ଷା ହେଉଛି l ପାଣିପାଗ ବିଭାଗ ର ସୂଚନା କୁ ଆଧାର କରି ସମଗ୍ର କନ୍ଧମାଳ ଜିଲ୍ଲାରେ ତିନିଦିନ ପାଇଁ ସ୍କୁଲ ଓ ଅଙ୍ଗନବାଡି କେନ୍ଦ୍ର କୁ ଛାତ୍ର ଛାତ୍ରୀ ମାନେ ଯିବା ପାଇଁ ବନ୍ଦ କରାଯାଇଛି l ବାତ୍ୟା ‘ମୋନ୍ଥା’ କୁ ଆଖି ଆଗରେ ରଖି ଶିକ୍ଷକ ଶିକ୍ଷୟତ୍ରୀ ଓ ଅନ୍ୟାନ୍ୟ କର୍ମଚାରୀ ନିୟମିତ ଆସିବାକୁ ପ୍ରଶାସନ ପକ୍ଷରୁ ନିର୍ଦେଶ ରହିଛି l ଏହି ‘ ମୋନ୍ଥା’ ଆସୁଥିବା ଯୋଗୁଁ ଜନସାଧାରଣ ଓ ଯାନବାହାନ ରେ ଯାତାୟାତ ଯାତ୍ରୀ ମାନେ ସଚେତନ ହୋଇ ନିହାତି ଜରୁରୀ କାମ ନ ଥିଲେ ଦୂର ଦୁରାନ୍ତ କୁ କିମ୍ବା ବଜାର କୁ ନ ଯାଇ ନିଜ ଘରେ ରହିଥିବା ଦେଖିବାକୁ ମିଳିଛି l ଦୋକାନ ବଜାର ଗହଳ ଚହଳ ନ ଥିବାରୁ ଖାଁ ଖାଁ ଲାଗୁଛି l ଯାତ୍ରୀବାହୀ ବସ ଗୁଡିକ ରେ ଆବଶ୍ୟକ ସଂଖ୍ୟକ ଯାତ୍ରୀ ଆସୁ ନଥିବା ଦେଖିବାକୁ ମିଳିଛି l ଗରିବ ଦିନ ମଜୁରିଆ, ଖଟିଖିଆ ମାନଙ୍କର କାମ ବନ୍ଦ ରହିଥିବାରୁ ଉପାସରେ ଥିବା ଜଣାପଡିଛି l ନଦୀ ନାଳ ପାର୍ଶ୍ଵବର୍ତ୍ତୀ ଅଞ୍ଚଳ ରେ ବସବାସ କରୁଥିବା ଜନସାଧାରଣ ଙ୍କୁ ନଦୀ ନାଳ କୁ ଯିବା ପାଇଁ ବାରଣ କରାଯାଇଛି l ଏ ସବୁକୁ ନେଇ ଟିକାବାଲି ବ୍ଲକ ପ୍ରଶାସନ ତରଫରୁ ସମସ୍ତ ବିଭାଗୀୟ ଅଧିକାରୀ ସମ୍ପୂର୍ଣ୍ଣ ସଜାଗ ରହିଥିବା ସୂଚନା ମିଳିଛି l