ବଡ଼ଚଣା ପୁଲିସର ବଡ଼ ସଫଳତା: ୭୦ ଗୋରୁ ଉଦ୍ଧାର, କଣ୍ଟେନର ଜବତ
ବାଲିଚନ୍ଦ୍ରପୁର: ଗତକାଲି ରାତି ପ୍ରାୟ ୨ଟା ସମୟରେ ବଡ଼ଚଣା ଥାନା ପୁଲିସ ୫୩ ନମ୍ବର ଜାତୀୟ ରାଜପଥର ବେଣାପୁର ଛକ ଦେଇ ବେଆଇନ ଭାବେ ପରିବହନ ହେଉଥିବା ୭୦ ଗୋରୁ ସହିତ ଏକ କଣ୍ଟେନରକୁ ଧରିଥିଲା।ସୂଚନା ମିଳିବା ସହିତ, ପୁଲିସ କଣ୍ଟେନରକୁ ପିଛା କରିଥିଲା। କିନ୍ତୁ ପୁଲିସ ଗାଡ଼ି ପଛୁଆଣିବାରୁ, ଚାଳକ ଖଇରା ନିକଟରେ କଣ୍ଟେନରଟିକୁ ଛାଡି ଘଟଣାସ୍ଥଳରୁ ଫେରାର ହୋଇଯାଇଥିଲା।ପରେ, ପୁଲିସ କଣ୍ଟେନରଟିକୁ ଜବତ କରି ୭୦ ଗୋରୁଙ୍କୁ ଉଦ୍ଧାର କରିଥିଲେ। ଘଟଣାସ୍ଥଳରୁ ଚାଳକ ଓ ସହଚାଳକ ପଳାଇଥିବାରୁ ସେମାନଙ୍କୁ ଧରିବା ପାଇଁ ତଦନ୍ତ ଜାରି ରହିଛି।ପୁଲିସ ପକ୍ଷରୁ କୁହାଯାଇଛି ଯେ, ଏହି ଗୋରୁଗୁଡ଼ିକୁ ସୁରକ୍ଷିତ ଭାବେ ନିକଟସ୍ଥ ଗୋଶାଳାରେ ପଠାଯାଇଛି।