ସେପ୍ଟେମ୍ବର ୭ରେ ଲାଗିବ ଚନ୍ଦ୍ରଗ୍ରହଣ ; ଜାଣନ୍ତୁ ସ୍ପର୍ଶ, ସର୍ବମୋକ୍ଷ ଓ ପାକ ତ୍ୟାଗ ସମୟ

ସେପ୍ଟେମ୍ବର ୭ରେ ଲାଗିବ ଚନ୍ଦ୍ରଗ୍ରହଣ ; ଜାଣନ୍ତୁ ସ୍ପର୍ଶ, ସର୍ବମୋକ୍ଷ ଓ ପାକ ତ୍ୟାଗ ସମୟ

ଭୁବନେଶ୍ୱର, ୨୯ ଅଗଷ୍ଟ: ଆସନ୍ତା ୭ ସେପ୍ଟେମ୍ବର (ଭାଦ୍ରବ ଶୁକ୍ଳ ପୂର୍ଣ୍ଣମୀ ତିଥି) ରେ ବର୍ଷର ଦ୍ୱିତୀୟ ଓ ଶେଷ ଚନ୍ଦ୍ରଗ୍ରହଣ ଲାଗିବ। ଏହି ଗ୍ରହଣ ଭାରତରେ ସ୍ପଷ୍ଟ ଦୃଶ୍ୟମାନ ହେବା ସହିତ କୁମ୍ଭ ରାଶି ଓ ଭାଦ୍ରପଦ ନକ୍ଷତ୍ରରେ ପଡୁଛି।

ଜ୍ୟୋତିଷୀଙ୍କ ମତାନୁସାରେ, ଏହି ପୂର୍ଣ୍ଣଗ୍ରାସ ଚନ୍ଦ୍ରଗ୍ରହଣ ରାଜନୈତିକ ଅସ୍ଥିରତା, ଆର୍ଥିକ ସମସ୍ୟା, ପ୍ରାକୃତିକ ବିପର୍ଯ୍ୟୟ ଓ ଦରଦାମ ବୃଦ୍ଧି ଭଳି ପରିସ୍ଥିତି ଆଣିପାରେ।

ଚନ୍ଦ୍ରଗ୍ରହଣର ସମୟସୂଚୀ (ଭାରତୀୟ ସମୟ)

ପାକ ତ୍ୟାଗ ଆରମ୍ଭ : ଦିନ 12ଟା 57ମି. 22ସେ.

ଗ୍ରହଣ ସ୍ପର୍ଶ : ରାତି 9ଟା 57ମି. 22ସେ.

ସର୍ବାଧିକ ଗ୍ରହଣ : ରାତି 11ଟା 42ମି. 10ସେ.

ଗ୍ରହଣ ସମାପ୍ତ (ସର୍ବମୋକ୍ଷ) : ମଧ୍ୟରାତ୍ର 1ଟା 27ମି. 17ସେ.

ମୋଟ ସମୟ – ପ୍ରାୟ ସାଢ଼େ 3 ଘଣ୍ଟା।

ବିଶେଷତା

ଏହି ଚନ୍ଦ୍ରଗ୍ରହଣକୁ “ବ୍ଲଡ୍ ମୁନ୍” ବୋଲି କୁହାଯାଏ, କାରଣ ଚନ୍ଦ୍ରର ରଙ୍ଗ ଲାଲିମାଧୂସର ଦେଖାଯିବ।

ଏହି ଦିନରୁ ପିତୃପକ୍ଷର ଆରମ୍ଭ ହେବ।

6 ମାସ ମଧ୍ୟରେ ଦୁଇଥର ଚନ୍ଦ୍ରଗ୍ରହଣ ପଡୁଥିବାରୁ, ଜ୍ୟୋତିଷୀମାନେ ଏହାକୁ ଦେଶ ପାଇଁ ଶୁଭଙ୍କର ନୁହେଁ ବୋଲି କହିଛନ୍ତି।

ପାକତ୍ୟାଗ ନିୟମ

ପାକତ୍ୟାଗ ସମୟ ପୂର୍ବରୁ ଖାଦ୍ୟ ପ୍ରସ୍ତୁତ କରନ୍ତୁ।

ପ୍ରସ୍ତୁତ ଖାଦ୍ୟରେ ତୁଳସୀ ପତ୍ର ରଖନ୍ତୁ, ଯାହାରେ ଗ୍ରହଣର କୌଣସି ଅଶୁଭ ପ୍ରଭାବ ପଡ଼ିବ ନାହିଁ।

ଗ୍ରହଣ କାଳରେ ପୂଜା, ମନ୍ତ୍ରଜପ ଓ ଦାନ କରାକୁ ଶାସ୍ତ୍ରରେ ଶୁଭ ମନାଗୋଇଛି।