ଭାରତୀୟ ବାୟୁସେନା ଆକ୍ରମଣରେ ପାକିସ୍ତାନର ଏଫ-୧୬ ସହ ୫ ଯୁଦ୍ଧ ବିମାନ ଧ୍ୱଂସ — ବାୟୁସେନା ମୁଖ୍ୟ
ବେଙ୍ଗାଲୁରୁ: ୧୬ତମ “ଏୟାର ଚିଫ ମାର୍ଶଲ ଏଲ.ଏମ. କାତ୍ରେ” ବ୍ୟାଖ୍ୟାନରେ ବାୟୁସେନା ମୁଖ୍ୟ ଏପି ସିଂହ କହିଛନ୍ତି, ୧୦ ମେ’ରେ ଜାକୋବାବାଦ ଏୟାର ବେସ୍ରେ ଭାରତୀୟ ଆକ୍ରମଣ ସମୟରେ ପାକିସ୍ତାନର ଏକ ଆମେରିକା ନିର୍ମିତ ଏଫ-୧୬ ଯୁଦ୍ଧ ବିମାନ ସହ ମୋଟ ୫ଟି ଯୁଦ୍ଧ ବିମାନକୁ ଧ୍ୱଂସ କରାଯାଇଥିଲା।ସେ କହିଥିଲେ, ଏହି ଅଭିଯାନରେ ରୁଷ ନିର୍ମିତ ଏସ-୪୦୦ ଏୟାର ଡିଫେନ୍ସ ସିଷ୍ଟମ ଗୁରୁତ୍ୱପୂର୍ଣ୍ଣ ଭୂମିକା ନେଇଥିଲା। “ଆମେ ୩୦୦ କିମି ଦୂରରୁ ଟାର୍ଗେଟକୁ ସଫଳତାର ସହ ପତନ କରାଇଥିଲୁ। ଏହା ସବୁଠାରୁ ବଡ଼ ‘ସ୍ଥଳଭିତ୍ତିକ-ଆକାଶ’ ଅଭିଯାନମାନଙ୍କ ମଧ୍ୟରୁ ଗୋଟିଏ,” ସେ ଉଲ୍ଲେଖ କରିଥିଲେ।
ଧ୍ୱଂସ ହୋଇଥିବା ‘ବିଗ ବାର୍ଡ’ ସମ୍ଭବତଃ ଏକ AWACS କିମ୍ବା ବୈଦ୍ୟୁତିକ ଗୁପ୍ତଚର ବିମାନ ଥିଲା, ଯାହା ପାକିସ୍ତାନ ବାୟୁଶକ୍ତି ପାଇଁ ବଡ଼ ଝଟକା।ଏପି ସିଂହ “ଅପରେସନ ସିନ୍ଦୂର” ପୂର୍ବରୁ ଓ ପରେ ଆତଙ୍କୀ ଆଶ୍ରୟସ୍ଥଳର ସ୍ୟାଟେଲାଇଟ ଛବି ପ୍ରକାଶ କରିଥିଲେ। ସେ କହିଥିଲେ, ବାହାବଲପୁରରେ ଥିବା ଜୈଶ-ଇ-ମହମ୍ମଦ ମୁଖ୍ୟାଳୟର କ୍ଷୟକ୍ଷତି ଏହି ଛବିରେ ସ୍ପଷ୍ଟ।୭ ମେ’ରେ ଆକ୍ରମଣରେ ୯ଟି ଆତଙ୍କୀ ଆଡ୍ଡାରେ ଗୋଟିଏ — ମୁର୍ଦିକେରେ ଥିବା ଲସ୍କର-ଇ-ତାଏବା ମୁଖ୍ୟାଳୟ — ସମ୍ପୂର୍ଣ୍ଣ ଧ୍ୱଂସ ହୋଇଥିଲା। ସେ କହିଥିଲେ, ଏହି ଅପରେସନକୁ ସଂପୂର୍ଣ୍ଣ ଯୋଜନାବଦ୍ଧ ଭାବରେ କାର୍ଯ୍ୟାନୁଷ୍ଠାନ କରାଯାଇଥିଲା।
