ସମ୍ବଲପୁର: ଛାତ୍ରୀଙ୍କୁ ପ୍ରତାରଣା ଅଭିଯୋଗରେ ଅଧ୍ୟାପକ ଗିରଫ, ବିଶ୍ବବିଦ୍ୟାଳୟ ପକ୍ଷରୁ ନିଲମ୍ବନ
ସମ୍ବଲପୁର, ୧୭ ଜୁଲାଇ – ଗଙ୍ଗାଧର ମେହେର ବିଶ୍ବବିଦ୍ୟାଳୟରେ ଜଣେ ଇଣ୍ଟିଗ୍ରେଟେଡ୍ ବିଏଡ୍ ଦ୍ୱିତୀୟ ବର୍ଷର ଛାତ୍ରୀଙ୍କୁ ବିବାହ ପ୍ରତିଶ୍ରୁତି ଦେଇ ଶାରୀରିକ ସଂପର୍କ ରଖି ପରେ ପ୍ରତାରଣା କରିଥିବା ଅଭିଯୋଗରେ ଶିକ୍ଷା ବିଭାଗର ଜଣେ ସହକାରୀ ପ୍ରଫେସରଙ୍କୁ ଗିରଫ କରାଯାଇଛି।ଅଭିଯୁକ୍ତ ହେଉଛନ୍ତି ବିଶ୍ବବିଦ୍ୟାଳୟର ଶିକ୍ଷା ବିଭାଗର ସହକାରୀ ପ୍ରଫେସର ଗୋପୀକାନ୍ତ ସୁନା (୩୨)। ଅଭିଯୋଗ ଥିଲା ଯେ ସେ ଛାତ୍ରୀଙ୍କୁ ବିବାହ କରିବା ଭରୋସା ଦେଇ ଶାରୀରିକ ସଂପର୍କ ରଖିଛନ୍ତି ଓ ପରେ ତାଙ୍କୁ ଅସ୍ୱୀକାର କରିଛନ୍ତି।ଅଭିଯୋଗ ପରେ ମହିଳା ପୁଲିସ ଥାନା ଅଭିଯୁକ୍ତଙ୍କୁ ଗିରଫ କରି କୋର୍ଟରେ ଉପସ୍ଥାପନ କରିଛି। ଏହା ସହ, ବିଶ୍ବବିଦ୍ୟାଳୟର କୁଳପତିଙ୍କ ନିର୍ଦ୍ଦେଶରେ ତାଙ୍କୁ ତୁରନ୍ତ ନିଲମ୍ବନ କରାଯାଇଛି।ଘଟଣା ସମ୍ପର୍କରେ ବିଶ୍ବବିଦ୍ୟାଳୟ ପକ୍ଷରୁ ଜଣାଯାଇଛି ଯେ ଗଭୀର ତଦନ୍ତ ଆରମ୍ଭ କରାଯାଇଛି ଓ ଏହି ପ୍ରକାର ଅନୈତିକ ବ୍ୟବହାର ଉପରେ କୌଣସି ରୂପରେ ଛାଡ଼ ନାହିଁ ଦିଆଯିବ।
