ଲାଞ୍ଚ ନ ଦେବାରୁ ରାଇସ ମିଲ ସବସିଡ ଟଙ୍କା ଫାଇଲ ଅଟକିଛି ଜ଼ିଲ୍ଲା ସହକାରୀ କୃଷି ଯନ୍ତ୍ରୀ ଜ଼ିଲ୍ଲା କୃଷି ସଂଯୋଜକ ଙ୍କ ପାଖରେ
ରାୟଗଡା ( ଅମୁଲ୍ୟ ନିଶଙ୍କ ): ଗତ 2023 ମସିହା ଫେବୃଆରୀ 22 ତାରିଖ ରେ କୃଷି ବିଭାଗ ର ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନା ରେ ଚାଉଳ ବିକ୍ରୟ ମିଲ ତଥା ଜୈବିକ ଓ ସ୍ୱୟଂଚାଳିତ ଚାଉଳ ପ୍ରକ୍ରିୟାକରଣ ପ୍ରକଳ୍ପ ନିମନ୍ତେ ରାୟଗଡା ଜ଼ିଲ୍ଲା ଗୁଡାରି ବ୍ଲକ ଶିରୀଗୁଡା ପଞ୍ଚାୟତ ର ଗାଜିଗୁଡା ଗ୍ରାମରେ ମିଲ ନିର୍ମାଣ ନିମନ୍ତେ ସିମାଞ୍ଚଳ ଗୌଡ଼ ଦରଖାସ୍ତ କରିଥିଲେ l ଯାହାକୁ ଜ଼ିଲ୍ଲା କୃଷି ନିର୍ବାହୀ ଯନ୍ତ୍ରୀଙ୍କ ରାୟଗଡା ଙ୍କ କାର୍ଯ୍ୟାଳୟ ରେ ଅନୁମୋଦିତ ହୋଇଥିଲା l କୃଷି ନିର୍ବାହୀ ଯନ୍ତ୍ରୀ ଙ୍କ ଅନୁମୋଦନ ପରେ 2023 ଜୁଲାଇ 6 ତାରିଖ ରେ ଗୁଡାରି ବ୍ଲକ କୃଷି ଅଧିକାରୀ ବିଭୁତି ଭୂଷଣ ବିଶୋଇ ବ୍ଲକ ଅତିରିକ୍ତ କୃଷି ଅଧିକାରୀ ଗୋବିନ୍ଦ କାଳିନ୍ଦୀ, ଅତିରିକ୍ତ କୃଷି ଯନ୍ତ୍ରୀ, ଗୁଣୁପୁର ତଥା ଭାରପ୍ରାପ୍ତ ଗୁଡାରି କୃଷି ଅଧିକାରୀ ମୃତ୍ୟୁଞ୍ଜୟ ଦେଓ ସ୍ଥାନ ଚି଼ହ୍ନଟ ଓ ତଦାରଖ କରିବା ସହିତ କାର୍ଯ୍ୟର ପ୍ରଗତି ତଥା କାର୍ଯ୍ୟକାରିତା କରିବା ପାଇଁ ଆଦେଶ ଦେଇଥିଲେ l ପରେ ପରେ ରାୟଗଡା ଜ଼ିଲ୍ଲା ର ତତ୍କାଳୀନ ଜ଼ିଲ୍ଲାପାଳ ସ୍ଵଧା ଦେବ ସିଂ ଅଗଷ୍ଟ 4 ତାରିଖ 2023 ରେ ଅନୁମୋଦନ କରି ଗୋ ହେଡ଼ ଲେଟର ପ୍ରଦାନ କରିଥିଲେ l ଆଦେଶ ପାଇବା ପରେ ପ୍ରକଳ୍ପ କାର୍ଯ୍ୟସମ୍ପୂର୍ଣ୍ଣ କରିବା ପରେ ଶ୍ରୀ ଗୌଡ଼ ଗୁଡାରି ବ୍ଲକ କୃଷି ଅଧିକାରୀ ବିଶୋଇ ଙ୍କୁ ଜଣାଇଥିଲେ l ବିଶୋଇ ତଦାରଖ କରିବା ପରେ 2024 ସେପ୍ଟେମ୍ବର 26 ତାରିଖରେ ପ୍ରକଳ୍ପ କାର୍ଯ୍ୟ ର ସମାପ୍ତି ନେଇସମ୍ପୂର୍ଣ୍ଣ ବିବରଣୀ କୃଷି କାର୍ଯ୍ୟ ନିର୍ବାହୀ ଅଧିକାରୀଙ୍କୁ ପ୍ରଦାନ କରଥିଲେ l ଠିକ ସେହିବର୍ଷ ଡିସେମ୍ବର 9 ତାରିଖ ରେ କୃଷି ନିର୍ବାହୀ ଅଧିକାରୀ ରାୟଗଡା ସରୋଜିନୀ ବାଘ, ଜ଼ିଲ୍ଲା ମୁଖ୍ୟ କୃଷି ଅଧିକାରୀ ବିଷ୍ଣୁ ପ୍ରସାଦ କର, ଅତିରିକ୍ତ ଭାରପ୍ରାପ୍ତ କୃଷି ଅଧିକାରୀ ଭାଗ୍ୟଶ୍ରୀ ମଲିକ ଓ ଗୁଡାରି ବ୍ଲକ କୃଷି ଅଧିକାରୀ ବିଶୋଇ ପ୍ରକଳ୍ପ କାର୍ଯ୍ୟ ର ସମ୍ପୂର୍ଣତା ତଦାରଖ କରିବା ସହିତ ପ୍ରକଳ୍ପ କାର୍ଯ୍ୟ ର ସମାପ୍ତି ନେଇ ଏକ ପ୍ରମାଣ ପତ୍ର ଗୌଡ଼ ଙ୍କୁ ପ୍ରଦାନ କରିଥିଲେ l ଏହି ପ୍ରକଳ୍ପ ର ସମ୍ପୂର୍ଣ୍ଣ ତଥ୍ୟ ଓଡିଶା କୃଷି ପ୍ରୋତ୍ସାହନ ଏବଂ ପୁଞ୍ଜି ଲଗାଣ ନିଗମ ଲିମିଟେଡ଼ ଭୁବନେଶ୍ୱର କୁ ଜଣାଇଥିଲେ l କାର୍ଯ୍ୟର ସମସ୍ତ ତଥ୍ୟ ଏଫିଆଇସିଓଏଲ ପାଇବା ପରେ କାର୍ଯ୍ୟର ମାନ ନିର୍ଧାରଣ କରିବା ସହିତ 41ଲକ୍ଷ 32 ହଜାର ଟଙ୍କା ସବସିଡ ଆକାରରେ ଅନୁମୋଦନ କରିଥିଲେ l ଏ ନେଇ ଏକ ଚୁକ୍ତିନାମା ମିଲ ମଲିକ ଗୌଡ଼ ଙ୍କ ସହିତ ଯୁଗ୍ମ ସ୍ଵାକ୍ଷରିତ ହୋଇଥିଲା l ଚକ୍ତିନାମା ସ୍ଵାକ୍ଷର ପରେ କୃଷି ଯନ୍ତ୍ରୀ ବାଘ, ଜ଼ିଲ୍ଲା କୃଷି ସଂଯୋଜକ ବିଶ୍ୱଜିତ କର ସବସିଡ଼ି ଟଙ୍କା ର ଏକ ଲକ୍ଷ କୁ 40 ହଜାର ହିସାବ ରେ ଲାଞ୍ଚ ମାଗିଥିଲେ ବୋଲି ଶ୍ରୀ ଗୌଡ଼ ଅଭିଯୋଗ କରିଛନ୍ତି l ଲାଞ୍ଚଟଙ୍କା ନ ଦେବାରୁ ଆଜି ପର୍ଯ୍ୟନ୍ତ ସେ ଫାଇଲ କୃଷି ସହକରି ଯନ୍ତ୍ରୀ, ଜ଼ିଲ୍ଲା କୃଷି ସଂଯୋଜକ ଙ୍କ ଠାରେ ଅଟକି ରହିଛି ବୋଲି ଗୌଡ଼ ପ୍ରକାଶ କରିଛନ୍ତି l ଟଙ୍କା ନ ପାଇବା ରୁ ଚଳିତ ବର୍ଷ ଜୁନ ମାସ 21 ତାରିଖରେ ଅନଲାଇନ ମାଧ୍ୟମରେ ଜନଶୁଣାଣୀ ପୋର୍ଟାଲ ଡି ଏମ 20251241796 ରେ ଅଭିଯୋଗ କରିଥିଲେ l ଚଳିତ ମାସ 4 ତାରିଖ ରେ ଜ଼ିଲ୍ଲା ମୁଖ୍ୟ କୃଷି ଅଧିକାରୀ ଙ୍କ ସହିତ ଏଇଇ ବାଗ, କର, ବିଶୋଇ, ଶ୍ରୀମତୀ ମଲିକ ପୁନଃ ପ୍ରକଳ୍ପ ର ସମସ୍ତ କାର୍ଯ୍ୟ ତଦାରଖ କରି ସବୁ ଠିକ ଅଛି ଏବଂ ଖୁବ ଶୀଘ୍ର ସମସ୍ତ କାର୍ଯ୍ୟ ସମ୍ପାଦନା କରାଯିବ ବୋଲି ମତାମତ ରଖିଥିଲେ କିନ୍ତୁ କୌଣସି ସୁଫଳ ମିଳିଲା ନାହିଁ ବୋଲି ଗୌଡ଼ ପ୍ରକାଶ କରିଛନ୍ତି l ଜ଼ିଲ୍ଲାପାଳ ଏଥିରେ ହସ୍ତକ୍ଷେପ କରି ତୁରନ୍ତ ନ୍ୟାୟ ପ୍ରଦାନ ସହିତ ସବସିଡ଼ି ଟଙ୍କା ପ୍ରଦାନ ରେ ସାହାଯ୍ୟ କରିବାକୁ ନିବେଦନ କରିଥିଲେ l ଗତ କାଲି 10/07/2025 ରେ ଜ଼ିଲ୍ଲା କୃଷି ନିର୍ବାହୀ ଯନ୍ତ୍ରୀ ଜ଼ିଲ୍ଲାପାଳ ଙ୍କ ସହିତ ଏହି ପ୍ରକଳ୍ପ ର ସବସିଡି କିପରି ମିଲ ମଲିକ ପାଇବେ ବୋଲି ଆଲୋଚନା କରିଥିଲେ ବୋଲି କୃଷି ନିର୍ବାହୀ ଯନ୍ତ୍ରୀ କହିଥିଲେ l କେତେକ ବୈଶିକ ତ୍ରୁଟି ନିମନ୍ତେ ସବସିଡି ଦିଆଯାଇପାରିନାହିଁ କିନ୍ତୁ ଖୁବ ଶୀଘ୍ର ସବସିଡି ଟଙ୍କା ଦିଆଯିବ ବୋଲି l ସବସିଡି ଟଙ୍କା ଦେବା ନିମନ୍ତେ ଟଙ୍କା ଲାଞ୍ଚ ମଗା ଯାଇଥିବା ର ଘଟଣା ର ସତ୍ୟତା କିଛି ନାହିଁ ମିଲ ର ପ୍ରକଳ୍ପ କାମ ସମ୍ପୂର୍ଣ୍ଣ ନ ହେଉଣୁ କାମ ସମ୍ପୂର୍ଣ୍ଣ ହୋଇଛି ବୋଲି ରିପୋର୍ଟ ପ୍ରଦାନ ହୋଇଛି ସେଥିପାଇଁ ସବସିଡ଼ି ଟଙ୍କା ଦେବା ଅସୁବିଧା ହେଉଛି ପୁନର୍ବାର ପ୍ରକଳ୍ପ ସମ୍ପୂର୍ଣ୍ଣ ତ ଅନୁଧ୍ୟାନ ପରେ ପ୍ରକଳ୍ପ ସମ୍ପୂର୍ଣ୍ଣ ରିପୋର୍ଟ ପ୍ରଦାନ କରି ସବସିଡି ପ୍ରଦାନ କରାଯିବ ବୋଲି କହିଥିଲେ କୃଷି ନିର୍ବାହୀ ଯନ୍ତ୍ରୀ l
