ମୋହନାରେ ଖାଦ୍ୟ ସୁରକ୍ଷା ଟିମ୍ ର ଚଢାଉ ।
(୧୦ ଘରୋଇ ସିଲିଣ୍ଡର ଜବତ , ୬୮ ହଜାର ଜରିମାନା ଆଦୟ ) ଆର,ଉଦୟଗିରି(ମନୋଜ କୁମାର ପାଢୀ/୨୬/୬/ରାଜ୍ୟରେ ଡାଇରିଆ ବ୍ୟାପୁଥିବାରୁ ଏହାକୁ ଗୁରୁତ୍ବ ଦେଇ ପ୍ରଶାସନ ପକ୍ଷରୁ ବିଭିନ୍ନ ସ୍ଥାନରେ ଚଢାଉ ଆରମ୍ଭ ହୋଇଛି । ଜିଲ୍ଲାପାଳ ବିଜୟ କୁମାର ଦାସଙ୍କ ନିର୍ଦେଶରେ ଗଜପତି ଜିଲ୍ଲା ମୋହନା ବ୍ଳକରେ ଆଜି ଏକ ମିଳିତ ଟିମ୍ ଅଞ୍ଚଳର ବିଭିନ୍ନ ହୋଟେଲ, ପାଣି କମ୍ପାନୀ ଓ ଠେଲା ଦୋକାନୀ ଗୁଡିକ ଉପରେ ଚଢାଉ କରିଥିଲେ । ମୋହନାରେ ଥିବା ଦୁଇଟି ପାଣି କମ୍ପାନୀ ବେଆଇନ ଭାବେ ଚାଲିଥିବାରୁ ସେମାନଙ୍କଠାରୁ ଜରିମାନ ଆଦୟ କରିବା ସହ ବନ୍ଦ କରିବାକୁ ଟିମ୍ ନିର୍ଦେଶ ଦେଇଛନ୍ତି। ଲ୍ୟାବ ଟେଷ୍ଟ ପାଇଁ ପାଣିର ନମୁନା ସଂଗ୍ରହ କରାଯାଉଛି । ସେହିପରି ହୋଟେଲଗୁଡିକ ଉପରେ ଚଢାଉ କରି ପାଣି ଓ ଖାଦ୍ୟର ମାନ ଯାଞ୍ଚ କରାଯାଇଥିଲା । ବିଭିନ୍ନ ହୋଟେଲରୁ ୧୦ଟି ଘରୋଇ ଗ୍ୟାସ ସିଲିଣ୍ଡର ଜବତ କରାଯାଇଛି । ସେମାନଙ୍କ ଠାରୁ ୬୮ ହଜାର ଟଙ୍କା ଜରିମାନା ଆଦୟ କରାଯାଉଛି । ଏହି ଚଢାଉରେ ମାପ ଓଜନ ବିଭାଗର ଅଧିକାରୀ ଘନଶ୍ୟାମ ମୁଣ୍ଡା, ବ୍ଳକ ଯୋଗାଣ ଅଧିକାରୀ ସତ୍ୟବ୍ରତ ଭୋଇ, ଖାଦ୍ୟ ନିରାପତ୍ତା ଅଧିକାରୀ ତପସ୍ବିନୀ ବେହେରା, ଜିଲ୍ଲା ସହକାରୀ ଯୋଗାଣ ଅଧିକାରୀ ବିଷ୍ଣୁ ଚରଣ ପରିଡା ସାମିଲ ଥିଲେ । ଦେଖିବାକୁ ବାକି ରହିଲା ଜିଲ୍ଲାପାଳ ଆର,ଉଦୟଗିରି ଅଞ୍ଚଳରେ ଚାଲିଥିବା ନକିଲି ପାଣି ବିକ୍ର ହେଉଥିବା ଦୋକାନ ଉପରେ କେବେ ଚଢାଉ କରାଯାଉଛି ଦେଖିବାକୁ ବାକି ରହିଲା ।
