ଓଡ଼ିଶାର ଦ୍ଵିତୀୟ ବୃହତ୍ତମ ବ୍ଲକ ମୋହନାରେ ନାହିଁ ବସ ଷ୍ଟାଣ୍ଡ ଯାତ୍ରୀ ହଟହଟା ।
ଆର,ଊଦୟଗିରି /୨୨/୫(ମନୋଜ କୁମାର ପାଢୀ) – ରାଜ୍ୟର ଦ୍ଵିତୀୟ ବୃହତ୍ତମ ବ୍ଲକ ମୋହନାରେ ନାହିଁ ଯାତ୍ରୀ ମାନଙ୍କ ଲାଗି ବସ ଷ୍ଟାଣ୍ଡ । ଆମେ କହୁଛୁ ଗଜପତି ଜିଲ୍ଲା ମୋହନା ନିର୍ବାଚନ ମଣ୍ଡଳୀ ତଥା ମୋହନ ବ୍ଲକ କଥା । ହଁ ଆଜ୍ଞା …ଗଜପତି ଜିଲ୍ଲା କହିଲେ ସମସ୍ତଙ୍କ ମନରେ ଏକ ସାଧାରଣ ଜ୍ଞାନ ର ପ୍ରଶ୍ନ ଉଠେ। ଯୋଉଠି ରାଜ୍ୟର ଦ୍ବିତୀୟ ଵୄହତ୍ତମ୍ ବ୍ଲକ୍ ରହିଛି । ଏହି ବୃହତ୍ତମ ବ୍ଲକ୍ 39 ଗୋଟି ପଞ୍ଚାୟତ କୁନେଇ ନିଜର ପରିଚୟ ସୃଷ୍ଟି କରିଛି । ତେବେ ଲଜ୍ୟାର ବିଷୟ ଏତେ ବଡ଼ ବ୍ଲକ୍ ରେ ଯାତ୍ରୀ ମାନଙ୍କ ଲାଗି ନାହିଁ ବସ ଷ୍ଟାଣ୍ଡ । ଏଠି ଦୈନିକ 39 ଗୋଟି ଦୁର୍ଗମପଞ୍ଚାୟତ ର ଲୋକେ ନିଜ ନିଜ ସରକାରୀ ଓ ବେସରକାରୀ କାମ ରେ ଆସିଥାନ୍ତି । ଏପରିକି ପଡୋଶୀ ଜିଲ୍ଲାଗୁଡିକ ମଧ୍ୟ ଏହି ବ୍ଲକ୍ ମଧ୍ୟ ଦେଇ ଯାଇଥିବା ଜାତୀୟ ରାଜ ପଥ ଉପରେ ନିର୍ଭର କରିଥାନ୍ତି । କିନ୍ତୁ ତତ୍କାଳୀନ ବିଜେଡି ସରକାର ରେ ନିର୍ମାଣ ହୋଇ ପାରିଲା ନାହିଁ ଯାତ୍ରୀଙ୍କ ଲାଗି ଏକ ବସ ଷ୍ଟାଣ୍ଡ । ଲକ୍ଷ ଲକ୍ଷ ଟଙ୍କା ବିନିମୟ କରି ଅଧାପନ୍ତରିଆ ଭାବେ ଛାଡି ଦେଇଛନ୍ତି ଏହି ବସ ଷ୍ଟାଣ୍ଡ କୁ ।ନା ଯାତ୍ରୀଙ୍କ ଲାଗି ରହିଛି ବିଶ୍ରାମଗାର ନା ରହିଛି ବସିବାଲାଗି କୌଣସି ଚୌକି , ନା ପିଇବା ଲାଗି ସ୍ୱସ୍ଛ ପାନୀୟଜଳ , ନା ଯାତ୍ରୀଙ୍କ ଲାଗି ରହିଛି ସୁଲଭଶୌଚାଳୟ ।ଏପରିକି ବିଦ୍ୟୁତ୍ ସେବା ମଧ୍ୟ ନାହିଁ । ବସ କର୍ମଚାରୀଙ୍କ ଲାଗି ନାହିଁ କୌଣସି ଆନୁଷଙ୍ଗିକ ସୁବ୍ୟବସ୍ଥା । ଏହି ରାସ୍ତା ଦେଇ ଶହ ଶହ ସଂଖ୍ୟାରେ ରାତ୍ରି ବସ ଚଳାଚଳ ହେଉଥିବା ବେଳେ ରାତ୍ରୀରେ ଯାତ୍ରୀଙ୍କ ଲାଗି ନାହିଁ କିଛି ସୁବିଧା । ଅନେକ ବିପଦ ଓ ଅସୁରକ୍ଷିତ ଭାବେ ଅପେକ୍ଷା କରିଥାନ୍ତି ନିଜର ଗନ୍ତବ୍ୟସ୍ଥଳ କୁ ଯିବାକୁ । ଖରା ବର୍ଷା ଶୀତ କାକର ରେ କିଭଳି ଏହି ସ୍ଥାନରେ ଯାତ୍ରୀ ପ୍ରତୀକ୍ଷା କରୁଥିବେ ଅନୁମାନ କରନ୍ତୁ । ନେତା ମନ୍ତ୍ରୀ ଙ୍କ ମିଛ ପ୍ରତିଶ୍ରୁତି ଶୁଣି କାନ ବଧିର ହେଲାଣି । ଦିନବେଳେ ଏହିପରି ଅବସ୍ଥା ରାତ୍ରି ସମୟରେ ଅସାମାଜିକ ଲୋକଙ୍କ ପାଲଟିଛି ଆଡ୍ଡା ସ୍ଥଳୀ । ଦୀର୍ଘ ପଚିଶ ବର୍ଷର ସରକାର ରେ ମୋହନା ଅଞ୍ଚଳ ବାସୀଙ୍କୁ ଦେଇଛନ୍ତି ବଡ଼ ଧୋକା । 5 T ନାମରେ କୋଟି କୋଟି ଟଙ୍କା ଚଳୁ କରିଦେଲେ । ଆଉ କହି ଚାଲିଲେ ଏ ହେଉଛି ନବୀନ ସରକାରଙ୍କ ବିକାଶ । ତେବେ ମୋହନା ଭଳି ବୃହତ୍ତମ ବ୍ଲକର ଏ ବିକାଶ ତାହେଲେ ଦୁର୍ଗମ ଅଞ୍ଚଳ ର କଣ ବିକାଶ ହୋଇଥିବ ତାହା ଆପଣ କଳ୍ପନା କରିପାରୁଥିବେ ।
