ଗାର୍ଡିଙ୍ଗିଆ ଗ୍ରାମ ପଞ୍ଚାୟତ ପାଙ୍ଗାନାଜୁରେ ଦାଦନ ଦୁଃଖ….
ଟିକାବାଲି :- ( ରିପୋର୍ଟ କୁନା ଦିଗାଲ )କନ୍ଧମାଳ ଜିଲ୍ଲା ଟିକାବାଲି ବ୍ଲକ ଅନ୍ତର୍ଗତ ଗାର୍ଡିଙ୍ଗିଆ ଗ୍ରାମପଞ୍ଚାୟତ ପାଙ୍ଗାନାଯୁ ଗ୍ରାମର ସ୍ବର୍ଗତ ଜୁତୃ ପ୍ରଧାନଙ୍କ ପୁଅ ସୁଜିତ କୁମାର ପ୍ରଧାନଙ୍କ ଅଞ୍ଚଳ ପାଇଁ ଲୁହ ଭରା ଦୁଃଖ l ସୂଚନା ଅନୁସାରେ ଗତ କିଛି ଦିନ ହେବ ଗ୍ରାମରେ କିଛି ରୋଜଗାର ନ ଥିବା ଯୋଗୁଁ ବାପାଙ୍କ ମୃତ୍ୟୁ ପରେ ପରିବାର କୁ ପ୍ରତିପୋଷଣ କରିବା ଉଦ୍ଦେଶ୍ୟ ନେଇ ଦାଦନ ଶ୍ରମିକ ଭାବରେ ଓଡିଶା ଛାଡି କେରଳ ରାଜ୍ୟକୁ ଯାଇଥିଲା l ପରିବାର କହିଲେ ମାଆ, ସ୍ତ୍ରୀ ଏବଂ ଦୁଇଟି କନ୍ୟା ସନ୍ତାନ ଥିବାର ଜଣା ପଡିଛି lକିନ୍ତୁ ବିଧାତା ସେହି ଗରୀବ ଅସହାୟ ପରିବାର ପ୍ରତି ବୋଝ ଉପରେ ନଳିତା ବିଡ଼ା ଦେଇ ଗଲେ l ଯାହା କି ଆଜି ଗାର୍ଡିଙ୍ଗିଆ ଗ୍ରାମପଞ୍ଚାୟତ ରେ ଶୋକର ଛାୟା ଖେଳି ଯାଇଛି l ସୂଚନା ଅନୁସାରେ ସୁଜିତ କେରଳ ରାଜ୍ୟରେ ଏକ ଘୋରଇ କମ୍ପାନୀ ରେ ଦୈନିକ ମଜୁରୀଆ ଭାବ ରେ କାମ କରୁଥିବା ଜଣାପଡୁଛି l ସବୁଦିନ ପରି ଆଜି ବି କାମ କରିବାକୁ କମ୍ପାନୀ କୁ ଯାଇ ଥିଲା କିନ୍ତୁ କମ୍ପାନୀ ରେ ଲାଗିଥିବା ହାଇଭଲ୍ଟେଜ ବିଦ୍ୟୁତ ତାର ରେ ନିମିଷକେ ମଧ୍ୟରେ ପ୍ରାଣ ଵାୟୁ ଚାଲିଗଲା ବାପା ଛେଉଣ୍ଡ ପୁଅ ସୁଜିତ କୁମାର ପ୍ରଧାନ ଙ୍କ ଜୀବନ l ଏଭଳି ଦାଦନ ଯନ୍ତ୍ରଣା କନ୍ଧମାଳ ଜିଲ୍ଲା ରେ ଏପରି ଏକ ଦାଉ ସାଜିଛି ଯେ ଏହାର ପ୍ରତିକାର ପାଇଁ ଜିଲ୍ଲା ପ୍ରଶାସନ ଙ୍କ ପାଖରେ ଟିକେ ବି ଦରଦ ନ ଥିବା ସାଧାରଣ ମହଲ ରେ ଚକିତ କରିଦେଇଛି l କାରଣ ଜିଲ୍ଲା ରେ ହେଉ କିମ୍ବା ବ୍ଲକ ରେ ହେଉ ଏକ ଆଖି ଦୃଶ୍ୟା ସ୍ଥାୟୀ ରୋଜଗାର କରିବାର ସୁବିଧା ନାହଁ l ଯାହାରୀ ଫଳ ରେ ନିଜର ପିଲାଛୁଆ, ବାପା ମାଆ ଙ୍କୁ ଛାଡ଼ି ବିଦେଶ ଯିବା ପାଇଁ ବାଧ୍ୟ ମନେ କରନ୍ତି ଆଜି କାଲି ର ଯୁବପିଢ଼ି l ନିର୍ବାଚନ ବେଳେ ଚାଷ ଜମିକୁ ପାଣି, ଗାଁ କୁ କାମ, ମାଆ କୁ ସଂମ୍ମାନ, ବେକାରୀ ଦୂରୀଭୂତ, ପରି ଅନେକ ଭଲିକି ଭଲି ପ୍ରତିଶୃତି ଦେଇ ନିର୍ବାଚନ ବୈତରଣୀ ପାର ହୋଇଯାଆନ୍ତି ନିର୍ବାଚନ ପ୍ରତିନିଧି ମାନେ l କିନ୍ତୁ ନିର୍ବାଚନ ପରେ ଦେଇଥିବା କଥା କୁ ଗରୀବ ମାନଙ୍କ ମନରେ ସ୍ୱପ୍ନ ହୋଇ ରହିଯାଏ l ତେଣୁ ଆଜି ଏପରି ସୁଜିତ ପ୍ରଧାନ ଙ୍କ ପରି ଅନେକ ପରିବାର ଭାଙ୍ଗି ଚୁରମାର ହୋଇ ଯାଉଛି କନ୍ଧମାଳ ଜିଲ୍ଲା ରେ l ଯଦି ପ୍ରଶାସନ ଚାଷ ଜମି କୁ ପାଣି ଏବଂ ପ୍ରତି ଗ୍ରାମପଞ୍ଚାୟତ ରେ ପର୍ଯ୍ୟାପ୍ତ ପରିମାଣ ରେ କାମ ଯୋଗାଇ ଦେବାର ସୁବ୍ୟବସ୍ତା କରି ଏକ ଗ୍ରାମ ପଞ୍ଚାୟତ ର ବିକାଶ ଯୋଜନାରେ ସମସ୍ତ ଙ୍କୁ ସାମିଲ କରି ଉଚିତ ପଦକ୍ଷେପ ନିଆଯାଆନ୍ତା ତେବେ ହୁଏତ ଏପରି ଦୁଃଖ କୁ ରୋକା ଯାଇ ପାରିଥାନ୍ତା l
