ବ୍ଲକ ସ୍ତରୀୟ ଉତ୍କଳଦିବସ ପାଳନ ସମାରୋହ ସାହିତ୍ୟ ସଭା ଓ କବିତା ପାଠୋତ୍ସବ ଅନୁଷ୍ଠିତ

ରାୟଗଡା : ରାମନାଗୁଡ଼ା ବ୍ଲକ ପ୍ରଶାସନ ଆନୁକୁଲ୍ୟ ରେ ପବିତ୍ର ଉତ୍କଳ ଦିବସ ସମାରୋହ ସ୍ଥାନୀୟ କଲ୍ୟାଣ ମଣ୍ଡପ ରେ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମ ପ୍ରାରମ୍ଭ ରେ ସ୍ଥାନୀୟ ବିଦ୍ୟାଳୟ ର ଛାତ୍ର ଛାତ୍ରୀ ଓ ଶିକ୍ଷକ ମାନଙ୍କୁ ନେଇ ଉତ୍କଳ ଦିବସ ପାଳନ ଓ ଓଡ଼ିଆ ଭାଷା କୁ ନେଇ ଏକ ସଚେତନ ଶୋଭାଯାତ୍ରା ଅନୁଷ୍ଠିତ ହୋଇଥିଲା।ପରେ ସ୍ଥାନୀୟ କଲ୍ୟାଣ ମଣ୍ଡପ ରେ ଆୟୋଜିତ ସାହିତ୍ୟ ସଭା ଓ କବିତା ପାଠୋତ୍ସବ କାର୍ଯ୍ୟକ୍ରମ ଆରମ୍ଭ ହୋଇଥିଲା।ଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ରୂପେ ପଞ୍ଚାୟତ ସମିତି ଅଧ୍ୟକ୍ଷ ରବିଶଙ୍କର ଗମାଙ୍ଗ ଏବଂ ସମ୍ମାନିତ ଅତିଥି ରୂପେ ଗୋଷ୍ଠୀ ଉନ୍ନୟନ ଅଧିକାରୀ ପ୍ରଦ୍ୟୁମ୍ନ ମଣ୍ଡଳ ,ତହସିଲଦାର ପ୍ରାଣକୃଷ୍ଣ ପାଣିଗ୍ରାହୀ,ଯାଜପୁର ରୁ ଆସିଥିବା ବିଶିଷ୍ଟ ସାହିତ୍ୟିକ ରୁଦ୍ର ନାରାୟଣ ପୃଷ୍ଟି,ଦୟାନିଧି ନାୟକ ,ପ୍ରତାପ ରାୟ,ପ୍ରଭାତ ଶତପଥୀ ,ଗୋଷ୍ଠୀ ଶିକ୍ଷା ଅଧିକାରୀ ସୁଜନ ମଲ୍ଲିକ ପ୍ରମୁଖ ମଞ୍ଚାସିନ ଥିଲେ। କାର୍ଯ୍ୟକ୍ରମ ପ୍ରାରମ୍ଭ ରେ ପ୍ରଦୀପ ପ୍ରଜ୍ଜ୍ୱଳନ ପରେ ରାଜ୍ୟ ସଙ୍ଗୀତ ବନ୍ଦେ ଉତ୍କଳ ଜନନୀ ଗାନ କରାଯାଇଥିଲା। କାର୍ଯ୍ୟକ୍ରମ ର ପ୍ରଥମ ଅଧିବେଶନ ରେ ଉପସ୍ଥିତ ଅତିଥି ମାନେ ଉତ୍କଳ ପ୍ରଦେଶ ଗଠନ ରେ ଓଡ଼ିଆ ସାହିତ୍ୟ ର ଭୂମିକା ଓ ଛାତ୍ର ଜୀବନ ରେ ଓଡ଼ିଆ ସାହିତ୍ୟ ର ପ୍ରଭାବ ଶୀର୍ଷକ ବିଷୟବସ୍ତୁରେ ଆଲୋକପାତ କରିଥିଲେ।ଏଥି ସହ ଓଡ଼ିଆ ଭାଷା ର ବହୁଳ ବ୍ୟବହାର ସହ ଆଗାମୀ ପିଢ଼ି ମୁଖ୍ୟତଃ ଛାତ୍ର ଛାତ୍ରୀ ଙ୍କୁ ସାହିତ୍ୟ ପ୍ରତି ଆଗ୍ରହ ପ୍ରକାଶ କରିବାକୁ ଅନୁରୋଧ କରିଥିଲେ।ଏହି ଅବସର ରେ ସାହିତ୍ୟ କ୍ଷେତ୍ର ରେ ଉଲ୍ଲେଖନୀୟ ଅବଦାନ ପାଇଁ ବରିଷ୍ଠ ସାହିତ୍ୟିକ ତଥା ବଂଶଧାରା ସାହିତ୍ୟ ସମାଜ ର ପ୍ରତିଷ୍ଠାତା ନରସିଂହ ଦାସ , ଅବସରପ୍ରାପ୍ତ ଶିକ୍ଷକ ପ୍ରପନ୍ ତ୍ରିପାଠୀ, ବାସା ଶବର ଙ୍କୁ ସମ୍ବର୍ଦ୍ଧିତ କରାଯାଇଥିଲା।ଦ୍ଵିତୀୟ ଅଧିବେଶନ ରେ ଉପସ୍ଥିତ କବି କବୟିତ୍ରୀ ,ଛାତ୍ର ଛାତ୍ରୀ ଙ୍କୁ ନେଇ ସ୍ବରଚିତ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା।ଏହି ଅବସର ରେ ରାୟଗଡ ର ବରିଷ୍ଠ ସାହିତ୍ୟିକ କଲ୍ୟାଣୀ ସାସ୍ମଲ୍ ଙ୍କ କବିତା ସଙ୍କଳନ ସ୍ରୋତସ୍ଵିନୀ ଅତିଥିଙ୍କ ଦ୍ଵାରା ଉନ୍ମୋଚିତ ହୋଇଥିଲା।ଏହି କାର୍ଯ୍ୟକ୍ରମ ରେ ଅଶ୍ଵିନୀ ତ୍ରିପାଠୀ ମଞ୍ଚ ସଂଯୋଜନା କରିଥିଲେ।କାର୍ଯ୍ୟକ୍ରମ ପରିଚାଳନା ରେ ସମସ୍ତ ସିଆରସି, ଅକ୍ଷୟ କୁମାର ପଣ୍ଡା ସହଯୋଗ କରିଥିଲେ।ଶେଷରେ ଶିକ୍ଷକ ରମେଶ ମିଶ୍ର କାର୍ଯ୍ୟକ୍ରମ ର ଉଦେଶ୍ୟ ଜ୍ଞାପନ ସହ ଧନ୍ୟବାଦ୍ ଅର୍ପଣ କରିଥିଲେ।ରାୟଗଡା ରୁ ଅମୁଲ୍ୟ ନିଶଙ୍କ ଙ୍କ ରିପୋର୍ଟ

By admin

Leave a Reply

Your email address will not be published. Required fields are marked *