ଚୋରା ଗଞ୍ଜେଇ ଚାଷକୁ ଚଢାଉ କରିବାକୁ ଯାଉଥିବା ବେଳେ ବାଲିଗଣ୍ଡାର ଘାଟି ରାସ୍ତା ତଳକୁ ଖସିଲା ପୁଲିସ ଗାଡି ।ଗଜପତି,୩.୧.୨୦୨୬ (ମନୋଜ ପାଢ଼ୀ)ଗଜପତି ଜିଲ୍ଲାରେ ଚୋରା ଗଞ୍ଜେଇ ଚାଷକୁ ଚଢ଼ଉ କରିବାକୁ ଯାଉଥିବା ବେଳେ ଏକ ବିପଦପୁର୍ଣ ଘାଟି ରାସ୍ତାରେ ଏକ ପୋଲିସ ଗାଡି ଘାଟି ତଳକୁ ଖସି ପଡିଥିଲା l ହେଲେ ଏହି ଗାଡ଼ିରେ ଯାଉଥିବା 15 ଜଣ ପୋଲିସ ଯବାନଙ୍କ କୌଣସି କ୍ଷତି ହୋଇନଥିବା ସୂଚନା ମିଳିଛି. ଘଟଣାରୁ ପ୍ରକାଶ, ଅଡ଼ବା ପୋଲିସ ଥାନାରୁ ଚୋରା ଗଞ୍ଜେଇ ଚାଷକୁ ଧରିବା ପାଇଁ ପୋଲିସ ଗାଡି ଯାଉଥିବା ବେଳେ କଟାମା ଗ୍ରାମପଞ୍ଚାୟତ ନିକଟସ୍ଥ ବାଲିଗଣ୍ଡା ଘାଟିରେ ପୁଲିସ ଗାଡି ଭାରସାମ୍ୟ ହରାଇ ରାସ୍ତା ତଳକୁ ଖସି ପଡ଼ିଥିଲା ।
ଅଳ୍ପକେ ୧୫ରୁ ଊର୍ଦ୍ଧ୍ବ ସୁରକ୍ଷାକର୍ମୀ ମୃତ୍ୟୁମୁଖରୁ ବର୍ତ୍ତି ଯାଇଛନ୍ତି। କିଛି ଘଣ୍ଟା ପରେ ସ୍ଥାନୀୟ ଲୋକଙ୍କ ସହ ପୁଲିସର ମିଳିତ ଉଦ୍ୟମରେ ପୁଲିସ ଗାଡ଼ିକୁ ଉଦ୍ଧାର କରାଯାଇଥିଲା । ଅଡବା ଥାନା ଅନ୍ତର୍ଗତ ଗରଡ଼ମା ଓ କଟାମା ପଞ୍ଚାୟତର କିଛି ଜଙ୍ଗଲ ଜମିରେ ବେଆଇନ ଗଞ୍ଜେଇ ଚାଷ ହୋଇଥିବା ଖବର ପାଇ ପୁଲିସ ଗାଡି ସହ ଅନ୍ୟ କେତେକ ଗାଡି ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା l
