ଗଞ୍ଜେଇ ଜବତ, ଜଣେ ଗିରଫ

ନୂଆପଡ଼ା( ଓମ୍ ପ୍ରକାଶ ଚୌଧୁରୀ) ଅବକାରୀ ବିଭାଗ ପକ୍ଷରୁ ଚଢ଼ଉ କରି ୧୦ କିଲୋଗ୍ରାମ ଗଞ୍ଜେଇ ଜବତ କରିବା ସହ ଏଥିରେ ସଂପୃକ୍ତ ଥିବା ଜଣକୁ ଗିରଫ କରିଛି । ଗିରଫ ବ୍ୟକ୍ତି ଜଣକ ଉତ୍ତରପ୍ରଦେଶର ହମିରପୁର ଜିଲା ମଉଦାହା ଥାନା ହୁସେରଗଞ୍ଜର ଶାନି କୁମାର ବୋଲି ଜଣାପଡିଛି। ସୂଚନା ଅନୁସାରେ, ନୂଆପଡ଼ା ଅବକାରୀ ଅଧିକ୍ଷକ ସଂଘମିତ୍ରା ପ୍ରଧାନ ବିଶ୍ଵସ୍ତସୂତ୍ରରୁ ଖବର ପାଇ ରେଲୱେ ଫାଟକ ପାଖରେ ଚଢ଼ଉ କରି ଶାନି କୁମାରକୁ ଗିରଫ କରିଥିଲେ । ତା’ ନିକଟରୁ ବିଭାଗ ପକ୍ଷରୁ ୧୦ କିଲୋଗ୍ରାମ ଚୋରା ଚାଲାଣ ଗଞ୍ଜେଇ ଜବତ କରି ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି । ଏହି ଚଢ଼ଉରେ ଅବକାରୀ ସବ୍‌ ଇନ୍ସପେକ୍ଟର ଅଲେଖ ପୁଟେଲ, ଅବକାରୀ ସହ ସବଇନ୍ସପେକ୍ଟର ଗୁପ୍ତେଶ୍ବର ପଟେଲ, କନେଷ୍ଟବଳ କ୍ଷେତ୍ରମଣି ବାଗ, ଗିରେନ କଟା, ଭଗବାନ ହଂସ, ପ୍ରମିଳା କୈବର୍ତ,ଅଶୁତୋଶ ନାଏକ ପ୍ରମୁଖ ସାମିଲ ଥିଲେ ।