ଆତ୍ମନିର୍ଭରଶୀଳରେ ଛତୁଚାଷ ପ୍ରଶିକ୍ଷଣ ଅନୁଷ୍ଠିତ ହୋଇଯାଇଛି।
ବରଗଡ ୨୮,୩ (ଭବାନୀ ଶଙ୍କର ପାଢ଼ୀ) ଅତାବିରା ବ୍ଲକ ଅନ୍ତର୍ଗତ ସରକାରୀ ଉଚ୍ଚ ବିଦ୍ୟାଳୟ, ଟାମ୍ପରସରା ଠାରେ ଚମଛତୁ ଚାଷ ସମ୍ଵନ୍ଧୀୟ ଦକ୍ଷତା ବିକାଶ ପ୍ରଶିକ୍ଷଣ ଶିବିର ଆୟୋଜିତ ହୋଇଯାଇଛି l ଏହି ଶିବିରରେ ଅତାବିରା ବ୍ଲକର ବିଭିନ୍ନ ବିଦ୍ୟାଳୟରୁ ୫୦ ଜଣ ଶିକ୍ଷକ ,ଶିକ୍ଷୟିତ୍ରୀ ଯୋଗ ଦେଇ ଛତୁ ଚାଷ ସମ୍ଵନ୍ଧୀୟ ନୂତନ ତଥ୍ଯ ଓ ପ୍ରୟୋଗାତ୍ମକ ଜ୍ଞାନ ଅର୍ଜନ କରିଥିଲେ l କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀଯୁକ୍ତ ମନୋହର ଦାଶ ସଭାପତିତ୍ଵ କରିବା ସହ ସ୍ଵାଗତ ଭାଷଣ ଦେଇଥିଲେ l ଏହି ସଭାରେ ବିଦ୍ୟାଳୟର ଅବସର ପ୍ରାପ୍ତ ପୂର୍ବତନ ପ୍ରଧାନଶିକ୍ଷକ ଶ୍ରୀଯୁକ୍ତ ରମେଶ ଚନ୍ଦ୍ର ଭୋଇ ମୁଖ୍ୟ ଅତିଥି,କାଦୋବାହାଲ କ୍ଲଷ୍ଟର ର ସି.ଆର.ସି.ସି ଶ୍ରୀଯୁକ୍ତ ତ୍ରିଲୋଚନ ସେଠ ପ୍ରମୁଖ ଅତିଥି ଓ କୃଷି ବିଜ୍ଞାନ କେନ୍ଦ୍ର, ଗମ୍ଭାରୀପାଲି ର କୃଷି ବିଜ୍ଞାନୀ ଶ୍ରୀମତୀ ସୁଶ୍ରୀତା ସାହୁ ପ୍ରଶିକ୍ଷକ ରୁପେ ଯୋଗ ଦେଇଥିଲେ l ଏହି ଶିବିରରେ ଛତୁଚାଷ ସମ୍ଵନ୍ଧୀୟ ତଥ୍ୟ ଭିତ୍ତିକ ଶିକ୍ଷା ଦିଆଯାଇଥିଲା ଏବଂ ଏହାର ପ୍ରୟୋଗିକ ପ୍ରଣାଳୀ ବିଷୟରେ କୃଷି ବିଜ୍ଞାନ କେନ୍ଦ୍ରରେ ୫୦ଜଣ ଶିକ୍ଷକ ଶିକ୍ଷୟିତ୍ରୀ ଙ୍କୁ ତାଲିମ୍ ଦେଇଥିଲେ l ଏଥି ପାଇଁ ସେଠାରେ ବିଦ୍ୟାଳୟ ପକ୍ଷରୁ ବେଡ୍ ପ୍ରସ୍ତୁତ କରାଯାଇଥିଲା l ଏହା ପରେ ମଧ୍ୟାହ୍ନଭୋଜନ ର ଆୟୋଜନ କରାଯାଇ ସମସ୍ତ ଶିକ୍ଷକ ଶିକ୍ଷୟିତ୍ରୀ ଙ୍କୁ ମାନପତ୍ର ଓ ଏଲ.ଇ.ଡି ବଲବ ଉପହାର ସ୍ଵରୂପ ଦିଆଯାଇଥିଲା l ବିଦ୍ୟାଳୟ ର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରଛାତ୍ରୀ ଙ୍କ ଦ୍ଵାରା ଏହି ଶିବିରରେ ଟି ସୂଚାରୁ ରୂପେ ସମ୍ପାଦିତ ହୋଇଥିଲା l
