ପାହାଡରୁ ଉପରୁ ଖସି ବୃଦ୍ଧ ମୃତ ଆର,ଉଦୟଗିରି(ମନୋଜ କୁମାର ପାଢୀ)- ପାହାଡରୁ ଉପରୁ ଖସି ବୃଦ୍ଧ ମୃତ ଘଟିଛି ।
ଗଜପତି ମୋହନା ବ୍ଳକର ଅଡବା ଥାନା ଅନ୍ତର୍ଗତ ବୁରିଗୁଡା ଗାଁର ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି । ଗାଁର ଦେବେନ୍ଦ୍ର ମଲ୍ଲିକଙ୍କ ପରିବାର ପାହାଡ ଉପରେ ଥିବା ବଗଡରେ ଚାଷବାସ କରି ପରିବାର ଚଳି ଆସୁଥିଲେ । ସୂଚନା ପ୍ରକାରେ ଗତକାଲି ପ୍ରାୟ ଦୁଇ ଘଣ୍ଟା ସମୟରେ ଦେବେନ୍ଦ୍ରଙ୍କ ସ୍ବାସ୍ଥ୍ୟ ଖରାପ ଥିବା ହେତୁ ପୁଅ ଓ ସ୍ତ୍ରୀ ଦେବେନ୍ଦ୍ରଙ୍କୁ ଘରେ ଛାଡି ପାହାଡ ଉପରେ ବଗଡକୁ ଯାଇଥିଲେ । ହେଲେ ଯିଏ ବଗଡକୁ ଭରଷାକରି ଚଳେ ସିଏ କେମିତି ଘରେ ରହିପାରନ୍ତା । ଦେବେନ୍ଦ୍ର ମଧ୍ୟ ସ୍ତ୍ରୀ ଓ ପୁଅଙ୍କ ପଛେ ପଛେ ବଗଡକୁ ଯାଇଥିଲେ । ହଟାତ ପାହାଡରେ ଥିବା ବଗଡରେ କାମ କରୁଥିବା ମା ଓ ପୁଅ ବାପାଙ୍କ ଚିକାର ଶୁଣି ଆସି ଦେଖିଲାବେଳକୁ, ବାପା ପଡି ରହିଛନ୍ତି । ସଙ୍ଗେ ସଙ୍ଗେ ପରିବାର ଲୋକେ ୧୦୮ ଆମ୍ବୁଲାନ୍ସକୁ ଖବର ଦେଇ ମୋହନା ସ୍ବାସ୍ଥ୍ୟକେନ୍ଦ୍ରରେ ଦେବେନ୍ଦ୍ର ମୃତ୍ୟୁ ବରଣ କରିଥିଲେ । ଘଟଣା ସ୍ଥାନରେ ପୁଲିସ ପହଞ୍ଚି ଅଧିକା ତଦନ୍ତ କରୁଥିବା ଜଣାପଡଛି ।
