ମହେନ୍ଦ୍ରଗଡ଼ ପୂଜା ମଣ୍ଡପରେ ବାଣିଜ୍ୟ ଓ ପରିବହନ ମନ୍ତ୍ରୀ ଶ୍ରୀ ବିଭୁତି ଭୂଷଣ ଜେନାଙ୍କ ସନ୍ଧ୍ୟା ଆଳତି ଦର୍ଶନ
ଆର,ଉଦୟଗିରି(ମନୋଜ କୁମାର ପାଢୀ) ତା 11/10/24 ରିଖ ଆର,ଉଦୟଗିରି ବ୍ଲକ ମହେନ୍ଦ୍ରଗଡ ଗ୍ରାମରେ ଶୁକ୍ରବାର ଦିନ ମହାବୀର ବଣିକ ସଂଘ ଦ୍ୱାରା ଆୟୋଜିତ ମହାଷ୍ଟମୀ ପୂଜାର ସନ୍ଧ୍ୟା ଆଳତିରେ ଯୋଗ ଦେଲେ ମନ୍ତ୍ରୀ ଶ୍ରୀ ବିଭୁତି ଭୂଷଣ ଜେନା | ଶୁକ୍ରବାର ମହାଷ୍ଟମୀ ପୂଜାରେ ସୂର୍ଯ୍ୟ ପୂଜା, ନବଗ୍ରହ ପୂଜା, ଷୋଡଶପଚାର ପୂଜା ଅନୁଷ୍ଠିତ ହୋଇଥିଲା | ସନ୍ଧ୍ୟା 7 ଘ ସମୟରେ ମନ୍ତ୍ରୀ ବିଭୁତି ଭୂଷଣ ଜେନା ଓ ତାଙ୍କ ସହଯୋଗୀବୃନ୍ଦ ପହଂଚିବା ପରେ ତାଙ୍କୁ ବଣିକ ସଂଘ କର୍ମକର୍ତା ବୃନ୍ଦ ଓ ଯୁବକ ସଂଘ କର୍ମକର୍ତା ବୃନ୍ଦ ସମ୍ବର୍ଦ୍ଧିତ କରିବା ସହ ତାଙ୍କୁ ପାଛୋଟି ନେଇ ପୂଜା ମଣ୍ଡପରେ ପହଂଚିଥିଲେ | ମନ୍ତ୍ରୀ ଶ୍ରୀ ଜେନା ପ୍ରଥମେ ଆଳତି ଓ ପରେ ପୁଷ୍ପାଞ୍ଜଳି କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ | ଆଜିର ସନ୍ଧ୍ୟା ଆଳତିରେ ପ୍ରାୟ ଏକ ହଜାରରୁ ଅଧିକ ଭକ୍ତ ଯୋଗ ଦେଇଥିଲେ | ପୂଜା ମଣ୍ଡପଟି ଉତ୍ସବ ମୁଖର ଥିଲା | ପରେ ହାଲୁଆ ପ୍ରସାଦ ବଣ୍ଟନ କରାଯାଇଥିଲା |ମହାବୀର ବଣିକ ସଂଘ ଓ ଯୁବକ ସଂଘର ସମସ୍ତ ସଦସ୍ୟ ପରିଚାଳନା କରିଥିଲେ |
