ପ୍ରବଳ ବର୍ଷା ରେ ଭାଙ୍ଗିଗଲା ଘର
ଆର, ଉଦୟଗିରି, (ମନୋଜ କୁମାର ପାଢୀ):ପ୍ରବଳ ବର୍ଷାରେ ଭାଙ୍ଗିଗଲା ଘର l ଏଭଳି ଘଟଣା ଦେଖିବାକୁ ମିଳିଛି ଗଜପତି ଜିଲ୍ଲା ମୋହନା ବ୍ଳକ ମେରାପଲ୍ଲୀ ଗାଁରେ l ସୋମବାର ଓ ମଙ୍ଗଳବାର ଦୁଇ ଦିନ ଧରି ପ୍ରବଳ ବର୍ଷା ସହ ସାମାନ୍ୟ ପବନ ବହୁଛି l ଯାହା ଦ୍ୱାରା ସାଧାରଣ ଜୀବନ ପ୍ରଭlବିତ ହେଇଥିବା ବେଳେ ମୋହନା ବ୍ଲକ ମେରାପୁଲ୍ଲୀ ଗ୍ରାମ ର ପ୍ରକାଶ ଦଳାଇଙ୍କ ପରିବାର ଲୋକେ ଘରେ ଥିବା ବେଳେ ମାଟି କାନ୍ଥ ଭୁଶୁଡି ପଡିଥିଲା l ଭୟ ରେ ପରିବାର ଲୋକେ ବାହାରକୁ ଦୌଡି ଆସିଥିଲେ l ଘରେ ଥିବା ଅତି ଆବଶ୍ୟକ ସାମଗ୍ରୀ ଉଦ୍ଧାର କରିଛନ୍ତି l କିଛି ସମୟ ପରେ ସମ୍ପୂର୍ଣ ଭାବେ ଘର ଟି ଭାଙ୍ଗିଯାଇଛି l ପରିବାର ଲୋକେ ଅନ୍ୟ ଜଣକ ଘରେ ଆଶ୍ରୟ ନେଇଥିବା ବେଳେ ସରକାରୀ ସହାୟତା କୁ ଅପେକ୍ଷା କରିଛନ୍ତି ପରିବାର ଲୋକେ l
