ଶ୍ରୀଜଗନ୍ନାଥ ସଂସ୍କୃତି ପରିଷଦ ପକ୍ଷରୁ ୨୧୬ ତମ କଥାମୃତ କାର୍ଯ୍ୟକ୍ରମ ଅନୁଷ୍ଠିତ
ଭୁବନେଶ୍ୱର: ଶ୍ରୀଜଗନ୍ନାଥ ସଂସ୍କୃତି ପରିଷଦ ପକ୍ଷରୁ କଷମୋପଲ୍ଲୀ ଆପାର୍ଟମେଣ୍ଟ ଜଗନ୍ନାଥ ମନ୍ଦିର ଡ଼ୁମଡ଼ୁମା ଭୁବନେଶ୍ୱରରେ ୨୧୬ ତମ କଥାମୃତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଆଜି ଶନିବାର ଅବସରରେ ସଭାପତି ସଞ୍ଚିତା ମହାନ୍ତିଙ୍କ ଅନୁପସ୍ଥିତରେ ସମ୍ପାଦକ ଡ଼ ନାରାୟଣ ମହାପାତ୍ର ଅଧକ୍ଷ୍ୟତାରେ କଥାମୃତ ଓ ଭଜନ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି,ଆଜିର ଭଜନ କାର୍ଯ୍ୟକ୍ରମରେ କେ ଲଷ୍ମୀ ନାରାୟଣ, ସୌଦାମିନୀ ପଣ୍ଡା, ପୁଷ୍ପଳତା ରାଉତରାୟ, ଦେବେନ୍ଦ୍ର ଷଡ଼ଙ୍ଗୀ,ବିମ୍ବାଧର ପଣ୍ଡା ପ୍ରମୁଖ ଭଜନ ଗାଈଥିଲେ । ଉପଦେଷ୍ଟା ରବିନାରାୟଣ ମିଶ୍ର, ଯୁଗ୍ମ ସମ୍ପାଦକ ଅଜୟ ହରିଚନ୍ଦନ, ପରିଷଦ ଉପରେ ସମ୍ୟକ ସୂଚନା ଦେଇଥିଲେ। ପଣ୍ଡିତ ଗୁରୁ ପ୍ରସାଦ ମହାପାତ୍ର ସ୍କନ୍ଦ ପୂରଣ ବର୍ଣିତ ଶ୍ରୀଜଗନ୍ନାଥଙ୍କ ବିଷୟରେ ବହୁ ରୋଚକ ପୂର୍ଣ୍ଣ କଥା ସମସ୍ତଙ୍କୁ ଜଣାଇଥିଲେ। ଏହି ଅବସରରେ ସମ୍ପାଦକ ଡ଼ ନାରାୟଣ ମହାପାତ୍ର, ଅକ୍ଷୟ ସାହୁ, ମଳୟ ଜେନା, ତ୍ରିଲୋଚନ ନାୟକ, ବଂଶୀଧର ନାୟକ, ଅକ୍ଷୟ ଉପାଧ୍ୟାୟ, ଶ୍ରୀନିବାସ ରାଓ, ରାଜଲଷ୍ମୀ ବେହୁରା ଓ ଅନୁଷ୍ଠାନ ର ସମସ୍ତ କର୍ମକର୍ତ୍ତା ଉପସ୍ଥିତ ରହି ସହଯୋଗ କରିଥିଲେ । ଶେଷରେ ସମସ୍ତେ ମିଶି ପ୍ରସାଦ ସେବନ କରିଥିଲେ ।
