କନ୍ଧମାଳ ଜିଲ୍ଲା ଯୋଗାଣ ସହାୟକ ସାଧାରଣ ବୈଠକ ଅନୁଷ୍ଠିତ…
କନ୍ଧମାଳ:- (ରିପୋର୍ଟ କୁନା ଦିଗାଲ )କନ୍ଧମାଳ ଜିଲ୍ଲା ଯୋଗାଣ ସହାୟକଙ୍କ ଏକ ଜରୁରୀ କାଳୀନ ବୈଠକ ଟିକାବାଲି ବ୍ଲକ ଏବଂ ଚକାପାଦ ବ୍ଲକର ଯୋଗାଣ ସହାୟକଙ୍କ ମିଳିତ ସହଯୋଗରେ ଟିକାବାଲି ଠାରେ ସଭାପତି ବିବେକାନନ୍ଦ ବେହେରାଙ୍କ ଅଧ୍ୟକ୍ଷତା ରେ ବୈଠକ ଅନୁଷ୍ଠିତ ହୋଇଥିଲା l ଏହି ବୈଠକ ରେ କନ୍ଧମାଳ ଜିଲ୍ଲାର ସମସ୍ତ ଯୋଗାଣ ସହାୟକ ଓ ସହାୟିକା ଯୋଗ ଦେଇଥିବା ଦେଖିବାକୁ ମିଳିଛି l ଏହି କାର୍ଯ୍ୟକ୍ରମ ରେ ପ୍ରଥମେ ଜଗନ୍ନାଥଙ୍କ ଠାରେ ପ୍ରଦୀପ ପ୍ରଜ୍ଜଳନ କରି ଜାତୀୟ ସଂଗୀତ କୁ ସନମ୍ମାନ ଦେଇ ମୃତ ଯୋଗାଣ ସହାୟିକା ଙ୍କ ପାଇଁ ନୀରବ ପ୍ରାର୍ଥନା କରି କାର୍ଯ୍ୟକ୍ରମ କୁ ଆରମ୍ଭ କରିଥିଲେ l ଏହି କାର୍ଯ୍ୟକ୍ରମ ରେ ଯୋଗାଣ ସହାୟକ ଜିଲ୍ଲା ଉପ ସଭାପତି ଶ୍ରୀ ଅଜିତ କୁମାର ପ୍ରଧାନ, ସଂଘ ର ଏକତା ଏବଂ ରାଜ୍ୟ ସଂଘ ର ପଦକ୍ଷେପ, ନିଜର ଦାୟିତ୍ୱ କୁ ସୁଚାରୁରୂପେ ମାନି ଚଳିବା ଏବଂ ଆଗାମୀ ଦିନରେ ଯେପରି ସଂଘ କୁ ସ୍ୱଦୃଡ଼ କରିପାରିବା ପାଇଁ ସମସ୍ତଙ୍କ ଉପସ୍ଥିତ ରେ ଆଲୋଚନା କରିଥିଲେ l ସମ୍ପାଦିକା ଜ୍ୟୋସ୍ନାରାଣୀ ଦେହୁରୀ ରାଜ୍ୟ ସଂଘର ସୂଚନା ପ୍ରଦାନ ଆୟ ବ୍ୟୟ ହିସାବ ପ୍ରଦାନ କରିଥିଲେ l ଏହି କାର୍ଯ୍ୟକ୍ରମକୁ କୌଲାସ ପ୍ରଧାନ ଏବଂ ସୁକାନ୍ତ ଦିଗାଲ ସୁନ୍ଦର ଭାବରେ ପରିଚାଳନା କରିଥିଲେ l ନୂତନ ଜିଲ୍ଲା କମିଟି ଗଠନ ସହିତ ଯୋଗାଣ ସହାୟକଙ୍କ ଚାକିରୀ ର ସ୍ଥାୟୀ ଉପରେ ବିଭିନ୍ନ ପଦକ୍ଷେପ ନେବା ପାଇଁ ବୈଠକ ରେ ନିଷ୍ପତି ନିଆଗଲା l ଏହି କାର୍ଯ୍ୟକ୍ରମ ଆୟୋଜନରେ ଟିକାବାଲି ଓ ଚକାପାଦ ବ୍ଲକ ର ଯୋଗାଣ ସହାୟକ ପୂର୍ଣ୍ଣ ସହଯୋଗ କରିଥିଲେ l ଶେଷରେ ଶ୍ରୀ ଭଲାନାଥ ପ୍ରଧାନ ଉପସ୍ଥିତ ସମସ୍ତଙ୍କୁ ଧନ୍ୟବାଦ ଦେଇ ସଭାଟିକୁ ସାଙ୍ଗ କରିଥିଲେ l
