ପୁନଃ ମତଦାନ କମିଛି: ମୁଖ୍ୟ ନିର୍ବାଚନ କମିଶନର
ଭୁବନେଶ୍ୱର: (ଅଭିଷେକ ମହାନ୍ତ)ଏଥର ଦେଶରେ ପୁନଃ ମତଦାନ କମିଛି ବୋଲି କହିଲେ ମୁଖ୍ୟ ନିର୍ବାଚନ କମିଶନର ରାଜୀବ କୁମାର।କୁମାର ସୂଚନା ଦେଇଛନ୍ତି ଯେ ୨୦୧୯ ନିର୍ବାଚନରେ ୫୪୦ ସ୍ଥାନରେ ରି-ପୋଲିଂ ହୋଇଥିଲା।୨୦୨୪ରେ ମାତ୍ର ୩୯ଟି ବୁଥ୍ରେ ସାନି ମତଦାନ ହୋଇଛି।ମଣିପୁର ଓ ଅରୁଣାଚଳ ପ୍ରଦେଶର ସର୍ବାଧିକ ୨୫ଟି ବୁଥ୍ରେ ସାନି ମତଦାନ ହୋଇଛି। ବାକି ୧୪ଟି ସାନି ମତଦାନ ଅନ୍ୟ ରାଜ୍ୟର ବୁଥ୍ରେ ହୋଇଛି।୨୦୨୪ ଲୋକସଭା ନିର୍ବାଚନରେ ରେକର୍ଡ ଟଙ୍କା ଜବତ ହୋଇଛି।ବିଭିନ୍ନ ସ୍ଥାନରୁ ଜବତ କରାଯାଇଛି ୧୦ ହଜାର କୋଟି ଟଙ୍କା।ଏହା ୨୦୧୯ ତୁଳନାରେ ୨୦୨୪ ନିର୍ବାଚନରେ ୩ ଗୁଣ ଅଧିକ ବୋଲି ସେ ପ୍ରକାଶ କରିଛନ୍ତି।
