୨ପଞ୍ଚାୟତବାସୀ ରାସ୍ତା ଓ ପାଣି ସମସ୍ୟା ନେଇ ଜିଲ୍ଲାପାଳଙ୍କୁ ଭେଟିଲେ
ଗଜପତି -: (୨୯/୫/୨୯):(ମନୋଜ କୁମାର ପାଢୀ)ଗଜପତି ଜିଲ୍ଲା ରାୟଗଡ଼ ବ୍ଲକର ଏସ୍. କରଡାସିଂ ଏବଂ ଲାଇଲାଇ ପଞ୍ଚାୟତର ବାସିନ୍ଦା ବାସିନ୍ଦା ରାସ୍ତା ଏବଂ ପାଣି ସମସ୍ୟାକୁ ନେଇ ଜିଲ୍ଲାପାଳ ସ୍ମୃତି ରଞ୍ଜନ ପ୍ରଧାନଙ୍କୁ ଭେଟି ଅଭିଯୋଗ ଜଣାଇଛନ୍ତି। ପ୍ରକାଶଯେ, ଏସ୍. କରଡାସିଂ ପଞ୍ଚାୟତ ଅନ୍ତର୍ଗତ ଏ.କରଣ ସାହି ଗ୍ରାମ୍ୟ ରାସ୍ତା ନ ଥିବା ଯୋଗୁଁ ଯାତାୟତରେ ସମସ୍ୟା ସୃଷ୍ଟି ହେଉଛି | ଏହି ଗ୍ରାମ୍ୟ ରାସ୍ତା ବର୍ତ୍ତମାନ ସୁଦ୍ଧା ମାଟି ରାସ୍ତା ହୋଇଥିବା ବେଳେ ଅବାପୁର ଠାରୁ ବସାମ୍ବ ପର୍ଯ୍ୟନ୍ତ ଏକ ସଡକ ପଥ ନିର୍ମାଣ କରାଯିବା ପାଇଁ ଦାବି କରିଛନ୍ତି। ରାସ୍ତା ନିର୍ମାଣ ହେଲେ ଏହି ଅଞ୍ଚଳର ୧୫୦୦ରୁ ଊର୍ଦ୍ଧ୍ବ ଜନସାଧାରଣ ଉପକୃତ ହେବେ ବୋଲି କୁହାଯାଇଛି। ସେହିପରି ପାନୀୟଜଳ ଓ ରାସ୍ତା ସମସ୍ୟା ନେଇ ଲାଇଲାଇ ପଞ୍ଚାୟତର ବିଷମପାଡ଼ୁ ଗ୍ରାମବାସୀ ଜିଲ୍ଲାପାଳଙ୍କ ନିକଟରେ ସମାନ ଅଭିଯୋଗ କରିଥିଲେ I ଜିଲ୍ଲାପାଳ ଶ୍ରୀ ପ୍ରଧାନ ବର୍ତ୍ତମାନ ନିର୍ବାଚନ ଆଚରଣବିଧି ଲାଗୁ ହୋଇଥିବା ଯୋଗୁଁ ନୂତନ ରାସ୍ତା ନିର୍ମାଣ ନେଇ ଜୁନ୍ ପ୍ରଥମ ସପ୍ତାହ ପରେ ଆବଶ୍ୟକ ପଦକ୍ଷେପ ନିଆଯିବ ବୋଲି ପ୍ରତିଶ୍ରୁତି ଦେଇଥିଲେ ।
