କନ୍ଧମାଳ ମଇଦାନରେ ଜାତୀୟ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କ କଂଗ୍ରେସ ପାର୍ଥୀଙ୍କ ପାଇଁ ନିର୍ବାଚନ ପ୍ରଚାର…
କନ୍ଧମାଳ /ଫୁଲବାଣୀ – (କୁନା ଦିଗାଲଙ୍କ ରିପୋର୍ଟ ):-କନ୍ଧମାଳ ଜିଲ୍ଲା କୁ କେନ୍ଦ୍ର ଠାରୁ ବଡ଼ ବଡ଼ ନେତା ଆସୁଥିବା ବେଳେ ଜାତୀୟ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ କଂଗ୍ରେସ ପ୍ରଚାର ପାଇଁ ଆସିଥିବା ଦେଖିବାକୁ ମିଳିଛି l ଗୁଦାରି ଏୟାରଷ୍ଟ୍ରିପରେ ପହଞ୍ଚିବା ପରେ ଶୋଭାଯାତ୍ରା ରେ ଆସି କରୋନେସନ ପଡ଼ିଆରେ ପହଞ୍ଚି ସେଠାରେ ଜନସଭାକୁ ସମ୍ବୋଧିତ କରିଥିଲେ କଂଗ୍ରେସ ଅଧ୍ୟକ୍ଷ ଖଡଗେ ଜୀ l ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦସ୍ତ ପରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନଙ୍କ ନିର୍ବାଚନ କାର୍ଯ୍ୟକ୍ରମ ନେଇ ଫୁଲବାଣୀ ରେ ଯୋଗ ଦେବାରୁ ରାଜନୈତିକ ମାହୋଲ ପୁଣି କନ୍ଧମାଳ ଜିଲ୍ଲା ରେ ସରଗରମ ହୋଇଛି l କଂଗ୍ରେସ ପକ୍ଷରୁ ଖଡଗେଙ୍କ କାର୍ଯ୍ୟକ୍ରମ ପାଇଁ ବ୍ୟାପକ ପ୍ରସ୍ତୁତି କରାଯାଇଥିଲା l କାର୍ଯ୍ୟକ୍ରମ ରେ କନ୍ଧମାଳ ଲୋକସଭା ସାଂସଦ ପ୍ରାର୍ଥୀ ଙ୍କ ସମେତ ସମସ୍ତ ୭ଟି ବିଧାନସଭା କ୍ଷେତ୍ରର ବିଧାୟକ ପ୍ରାର୍ଥୀ ଯୋଗ ଦେଇଥିଲେ l ଆୟୋଜିତ ସାମ୍ବାଦିକ ସମ୍ମିଳନୀରେ ପୁଣି ଥରେ ୯ରୁ ୯୦ ଦୋହରାଇଛନ୍ତି ପିସିସି ସଭାପତି କନ୍ଧମାଳର ସମସ୍ତ ଆସନରେ ଦଳ ବିଜୟୀ ହେବ ବୋଲି ସେ କହିଛନ୍ତି l ଜିଲ୍ଲା ସଭାପତି ଚନ୍ଦ୍ର ଶେଖର ପରିଡ଼ାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀ ରେ ଅଖିଳ ଭାରତୀୟ କଂଗ୍ରେସ କମିଟି ସମ୍ପାଦକ ସହାନବାଜ ହୁସେନ ଚୌଧୁରୀ. କନ୍ଧମାଳ ଲୋକସଭା କ୍ଷେତ୍ର ପ୍ରଭାରୀ କୁନାଲ ବାନାର୍ଜୀ. ପୂର୍ବତନ ଜିଲ୍ଲା ସଭାପତି ଅନାମ ନାୟକ ଯୁବ କଂଗ୍ରେସ ସଭାପତି ଚନ୍ଦନ ପଣ୍ଡା ଗୌର ଚନ୍ଦ୍ର ବେହେରା ଓ ପ୍ରମୁଖ କଂଗ୍ରେସ ର ଆଗଧାଡିର କର୍ମୀ ଓ କର୍ମକର୍ତା ବହୁ ମାତ୍ରା ରେ ଖଡ଼ଗେଙ୍କ ସମାବେଶ ରେ ଯୋଗ ଦେଇଥିବା ଦେଖିବାକୁ ମିଳିଛି l
