ଟିକାବାଲି ରେ ଦିନ ଦ୍ଵିପହରରେ ବାଇକ୍ ନେଇ ଫେରାର……..
କନ୍ଧମାଳ :- (ରିପୋର୍ଟ କୁନା ଦିଗାଲ )କନ୍ଧମାଳ ଜିଲ୍ଲା ଟିକାବାଲି ବ୍ଲକ ନିକଟସ୍ଥ ଖଦାଳ ସାହିରେ ଅନନ୍ତ ନାୟକଙ୍କ ଘର ସାମ୍ନାରୁ ଦିନ ଦ୍ଵିପହରେ ଲୁଟେରା ବାଇକ୍ ଚୋରି କରି ଛୁ ହେଇଥିବା ଜଣାପଡ଼ିଛି । ଅନନ୍ତ ନାୟକ ଖଦାଳସାହି ନିଜ ଘର ସାମ୍ନାରେ ହିରହୋଣ୍ଡା ସ୍ପେଣ୍ଡର ପ୍ଲସ ବାଇକ୍ ରଖି ଘର ଭିତରକୁ ଯାଇଥିବା ବେଳେ କୈାଣସି ଅଜଣା ବ୍ୟକ୍ତ ଆସି ବାଇକ୍ କୁ କୌଶଳ କ୍ରମେ ଧରି ପଳାଇ ଯାଇଥିଲା । ଅନନ୍ତ ଘରୁ ବାହାରକୁ ଆସି ଦେଖିଲା ବେଳକୁ ଘର ସାମ୍ନାରେ ବାଇକ୍ ନଥିବା ଜାଣିବାକୁ ପାଇଥିଲେ। ନିଜର ଚୋରି ହୋଇଥିବା ବାଇକ କୁ ପାଇବା ପାଇଁ ଅନନ୍ତ ନାୟକ, ବିଚଳିତ ହୋଇ ଘରୁ ବାହାରି ଟିକାବାଲିର କେତେକ ସ୍ଥାନରେ ସି ସି କେମେରା ଯାଞ୍ଚ୍ କରିଥିଲେ । ହେଲେ ବାଇକ୍ ଚୋରି କରି ଲୁଟେରା ବଜାର ଏବଂ ତେଙ୍ଗେଡାପଥର ଦେଇ ବ୍ରହ୍ମପୁର ରାସ୍ତାରେ ଯାଇଥିବା ଦେଖିବାକୁ ପାଇଥିଲା । ଅନନ୍ତ ବର୍ତମାନ ସୁଦ୍ଧା ଚୋରି କରିଥିବା ଲୁଟେରା ଜଣକୁ ଜାଣି ପାରିନାହାନ୍ତି । ଏଭଳି ଟିକାବାଲିରେ ଶୁକ୍ରବାର ଦିନ, ହାଟ ବଜାର ହେଉଅଛି। ଏହି ହାଟକୁ ବିଭିନ୍ନ ବ୍ଲକ୍ ରୁ ଜନସାଧାରଣ ଏବଂ ବିଭିନ୍ନ ଅଞ୍ଚଳରୁ ଲୋକମାନେ ଗାଇ ,ଗୋରୁ , ଛେଳି , ମେଣ୍ଢା , ସହିତ ପନି , ପରିବା ଇତ୍ୟାଦି ବେବସାହି କରିବା ପାଇଁ ଆସିଥାନ୍ତି। ପ୍ରତ୍ୟେକ ଶୁକ୍ରବାର ସପ୍ତାହକ ହାଟ ରେ କାହାର ବାଇକ୍ ଚୋରି ହେଉଛି ତ ଆଉ କାହାର ମୋବାଇଲ ଚୋରି ହୋଇଯାଉଛି ।ଏବେ ଦିନକୁ ଦିନ ଟିକାବାଲି ରେ ଚୋର ମାନଙ୍କର ସକ୍ରୀୟ ବଢ଼ିବାରେ ଲାଗି ରହି ଥିବାରୁ ଟିକାବାଲି ଜନ ସାଧାରଣ ଦାବି କରିଛନ୍ତି ଯେ ପୋଲିସ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା ଜରୁରି କରାଯାଉ ବୋଲି ପ୍ରକାଶ କହିଛନ୍ତି।
