ଅବକାରୀ ଚଢ଼ଉ ଚୋରା ମଦ ଜବତ, ୪ ଗିରଫ
ଆର,ଉଦୟଗିରି , (ମନୋଜ କୁମାର ପାଢୀ/୧୫/୪): ଗଜପତି ଜିଲ୍ଲାର ଅଡ଼ବା ଥାନା ଚୁଡ଼ଙ୍ଗପୁର ରାସ୍ତାରେ ଚଡ଼ଉ କରି ଅବକାରୀ ବିଭାଗ ବିପୁଳ ପରିମାଣର ମଦ ଜବତ ସହ ପୋଚ ନଷ୍ଟ କରିଛି | ଅବକାରୀ ଅଧିକାରୀ ପ୍ରଦୀପ କୁମାର ସାହୁଙ୍କ ନିର୍ଦେଶ କ୍ରମେ ମୋହନା ଅବକାରୀ ବିଭାଗର ପ୍ରସନ୍ନ ପଟେଲ ସଦଳବଳେ ଚୁଡ଼ଙ୍ଗପୁର ରାସ୍ତାରେ ଚଢ଼ଉ କରି ଦୁଇଟି ବାଇକ ସହ ୨୦୦ଲିଟର ଦେଶୀ ମଦ ଜବତ କରିଛନ୍ତି | ଏଥିରେ ସଂପୃକ୍ତ ଥିବା ଅଭିଯୋଗରେ ଥାନା ଆର.ଉଦୟଗିରି ଅନୁଗୁରର ଦିଲ୍ଲୀପ ଲିମା ଓ ଯୀଶାୟ ଲିମାଙ୍କୁ ଗିରଫ କରାଯାଇଛି। ସେହିଭଳି, ମଳାସପଦର ରାଚାଗୁଡ଼ାରୁ ୯୦ ଲିଟର ଖଜୁରୀ ତାଡ଼ି ସହ ଦୁଇ ଜଣଙ୍କୁ ଗିରଫ କରାଯାଇଛି। ସେମାନେ ହେଲେ – ଗୋବିନ୍ଦ ମଲ୍ଲିକ ଓ ବୃନ୍ଦାବନ ଭୂୟାଁ I ବଡ଼ମଳେଇ ଅଂଚଳରେ ମଧ୍ୟ ୮ଶହ ଲିଟର ପୋଚ ନଷ୍ଟ କରିବା ସହ ୧୨୦ ଲିଟର ଦେଶୀ ମଦ ଅବକାରୀ ବିଭାଗ ପକ୍ଷରୁ ଜବତ କରାଯାଇଛି |
