ଅତିରିକ୍ତ ଜିଲାପାଳଙ୍କୁ ବିଜେପି ଜ଼ିଲ୍ଲା ସଭାପତିଙ୍କ ଦୁର୍ବ୍ୟବହାର ନେଇ ରାଜନୈତିକ ଦଳ ର ବୟାନ ବାଜି ଆରମ୍ଭ

ଅତିରିକ୍ତ ଜିଲାପାଳଙ୍କୁ ବିଜେପି ଜ଼ିଲ୍ଲା ସଭାପତିଙ୍କ ଦୁର୍ବ୍ୟବହାର ନେଇ ରାଜନୈତିକ ଦଳ ର ବୟାନ ବାଜି ଆରମ୍ଭ

ରାୟଗଡ଼ା: ରାୟଗଡ଼ା ଅତିରିକ୍ତ ଜିଲାପାଳ ନିହାର ରଞ୍ଜନ କହଁରଙ୍କୁ ଜିଲ୍ଲା ବିଜେପି ସଭାପତି ଏମ ଗୋପୀ ଆନନ୍ଦ ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି। ଏନେଇ ଗୁରୁବାର ଜିଲ୍ଲା ଓଏଏସ ସଂଘର ଏକ ଗୁରୁତ୍ୱପୂର୍ଣ୍ଣ ବୈଠକ ଅତିରିକ୍ତ ଜିଲାପାଳ ତଥା ଓଏଏସ ସଂଘର ଜିଲା ସଭାପତି ନବୀନ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ବୈଠକରେ ଓଏଏସ ସଂଘ ଏହାକୁ ତୀବ୍ର ନିନ୍ଦା କରିବା ସହ ଜିଲା ବିଜେପି ସଭାପତି ଗୋପୀ ଆନନ୍ଦଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛି। ବୈଠକ ପରେ ଜିଲାର ସମସ୍ତ ଓଏଏସ ଅଫିସର ମିଳିତ ଭାବେ ଜିଲାପାଳ ପାରୁଲ ପଟ୍ଟାୱରୀ ଓ ଏସପି ସ୍ୱାତି ଏସ.କୁମାରଙ୍କୁ ସାକ୍ଷାତ କରି ଘଟଣା ସମ୍ପର୍କରେ ଲିଖିତ ଭାବେ ଜଣାଇଛନ୍ତି। ଏନେଇ ଆଇନଗତ କାର୍ଯ୍ୟାନୁଷ୍ଠାନ ପୁଲିସ ଗ୍ରହଣ କରିବାକୁ ନିବେଦନ କରିଛନ୍ତି। ଅତିରିକ୍ତ ଜିଲାପାଳ ଶ୍ରୀକହଁର ଲିଖିତ ଅଭିଯୋଗରେ ଦର୍ଶାଇଛନ୍ତି ଯେ, ଗତ ୯, ୧୪, ୧୭ ତାରିଖ ଓ ୨୦ ତାରିଖରେ ତାଙ୍କୁ ଗୋପୀ ଆନନ୍ଦ ଫୋନ୍ କରିବା ସହ ହ୍ୱାଟ୍ସଆପ୍ ଜରିଆରେ ମେସେଜ କରି ବିଭିନ୍ନ ପ୍ରକାର ଅସାମ୍ବିଧାନିକ ଶବ୍ଦ ପ୍ରୟୋଗ କରିଥିଲେ। ୯ ତାରିଖରେ ଜିଲାପାଳ ଓ ଜିଲା ମଙ୍ଗଳ ଅଧିକାରୀଙ୍କ ମଧ୍ୟରେ ଚାଲିଥିବା ବିବାଦ ସମ୍ପର୍କରେ ପଚାରିବା ସହ ଗୁଣପୁର ଅନ୍ୱେଷା ହଷ୍ଟେଲରେ କଣ ଚାଲିଛି ବୋଲି ପ୍ରଶ୍ନ କରିଥିଲେ। ତୁରନ୍ତ ହଷ୍ଟେଲ ପରିଦର୍ଶନ କରିବା ସହ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଜିଲା ବିଜେପି ସଭାପତି ଗୋପୀ ଆନନ୍ଦ ନିର୍ଦ୍ଦେଶ ଦେଇଥିବା ଅତିରିକ୍ତ ଜିଲାପାଳ ନିଜ ଅଭିଯୋଗରେ ଦର୍ଶାଇଛନ୍ତି। ଏହି ଘଟଣା କୁ ଜ଼ିଲ୍ଲା ର ତିନିଗୋଟି ବିଧାନସଭା ର କଂଗ୍ରେସ ବିଧାୟକ ମାନେ ଭୁବନେଶ୍ୱର ଠାରେ ଏକ ଏକ ପ୍ରେସ ବିବୃତି ରେ ରାୟଗଡା ଜ଼ିଲ୍ଲା ବିଜେପି ସଭାପତି ଏମ ଗୋପୀ ଆନନ୍ଦ ଙ୍କ ଏହିପରି ବ୍ୟବହାର କୁ ନିନ୍ଦା କରିଛନ୍ତି l ରାୟଗଡା ଜ଼ିଲ୍ଲା ଏକ ଶାନ୍ତିପ୍ରିୟ ଜ଼ିଲ୍ଲା ଏହି ଜ଼ିଲ୍ଲା ର ଉନ୍ନତି ପାଇଁ ଆମେ ତିନି ଜଣ ବିଧାୟକ ଉଦ୍ୟମ ଜାରିରଖିଛୁ କିନ୍ତୁ ବିଜେପି ଜ଼ିଲ୍ଲା ସଭାପତି ଜ଼ିଲ୍ଲା ର ପ୍ରଗତି ପାଇଁ ଚିନ୍ତା କରିବା ପରିବର୍ତ୍ତେ ଜ଼ିଲ୍ଲା ଅତିରିକ୍ତ ଜ଼ିଲ୍ଲାପାଳ ଓ ବିଭିନ୍ନ ବିଭାଗ ର ଅଧିକାରୀଙ୍କୁ ଧମକ ଚମକ ଦେବା ଏକ ନିନ୍ଦନୀୟ ଘଟଣା ଏଥିପାଇଁ ଜନସାଧାରଣ ସଚେତନାତା ହେବା ଆବଶ୍ୟକ ବୋଲି ବିଧାୟକ ସତ୍ୟଜିତ ଗୋମାଙ୍ଗ କହିଛନ୍ତି l ଜ଼ିଲ୍ଲା ର ତିନିଗୋଟି ବିଧାୟକ ଅତିରିକ୍ତ ଜ଼ିଲ୍ଲାପାଳ ଙ୍କୁ ଯେଉଁ ଜାତିଆଣ ଭାବ ନେଇ କହିଛନ୍ତି ସେଥିପାଇଁ ଜ଼ିଲ୍ଲା ବିଜେପି ସଭାପତି ଗୋପୀ ଙ୍କୁ ତୁରନ୍ତ ଗିରଫ କରିବା ନିମନ୍ତେ ଦାବୀ କରିଛନ୍ତି l ଠିକ ସେହିପରି ଜ଼ିଲ୍ଲା ବିଜେଡି ସଭାପତି ଏନ ଭାସ୍କର ରାଓ ଏକ ସାମ୍ବାଦିକ ସମ୍ମିଳନୀ ରେ ନିଜ ବକ୍ତବ୍ୟ ରେ ଜ଼ିଲ୍ଲା ପ୍ରସାଶନ ଓ ଜ଼ିଲ୍ଲା ବିଜେପି ରାଜନୈକ ଦଳ ର ସଭାପତି ଙ୍କ ମଧ୍ୟରେ ଯେଉଁ ବୟାନ ବାଜି ସହ ଶୀତଳ ଯୁଦ୍ଧ ଚାଲିଛି ତାହା ଏକ ନିନ୍ଦନୀୟ ଘଟଣା ବୋଲି l ମୁଁ ଦୀର୍ଘ 50 ବର୍ଷ ଧରି ରାଜନୀତି କରିଆସୁଛି କିନ୍ତୁ କୌଣସି ରାଜନୀତି ଦଳ ର ଜ଼ିଲ୍ଲା ସଭାପତି ଓ ଜ଼ିଲ୍ଲା ପ୍ରଶାସନ ମଧ୍ୟ୍ୟ ରେ ଏହିପରି ପରିସ୍ଥିତି ସୃଷ୍ଟି ହୋଇନାହିଁ l ଓଡିଶା ରେ କଂଗ୍ରେସ, ବିଜେଡି – ବିଜେପି ମେଣ୍ଟ, ବିଜେଡି ସାଶନ କରିଆସୁଥିଲେ ଓ ବର୍ତମାନ ବିଜେପି ସରକାର ସାଶନ କରିଆସୁଛନ୍ତି କିନ୍ତୁ କେବେ କୌଣସି ଦଳୀୟ ସଭାପତି ଜ଼ିଲ୍ଲା ପ୍ରସାଶନ କୁ ଏହି ପରି ଧମକ ଚମକ ଓ ଜାତିଆଣ ଭାବ ବ୍ୟବହାର କରିନାହାନ୍ତି କି ଜ଼ିଲ୍ଲା ପ୍ରଶାସନ ରାଜନୀତି ଦଳ ର ଜ଼ିଲ୍ଲା ସଭାପତି ଉପରେ କେଶ କରିନାହାନ୍ତି ଏହା ଏକ ଚିନ୍ତା ଜନକ ବିଷୟ ବୋଲି l ରାଜନୀତି ଦଳ ର ନେତା ଙ୍କ ଅଧିକାର ଅଛି ଜ଼ିଲ୍ଲା ର ପ୍ରଗତି ନେଇ ଯେଉଁ ଯୋଜନା ଚାଲିଛି ତାହା ଜାଣିବା ପାଇଁ କିନ୍ତୁ ନିୟମ କାନୁନ ତରିକା ରହିଛି ଏହିପରି ଧମକ ଚମକ ଦେଇ ମାଗିବା ତରିକା ଠିକ ନୁହେଁ ବୋଲି l ଠିକ ସେହିପରି ବିଜେପି ଦଳ ପକ୍ଷରୁ କଂଗ୍ରେସ ଓ ବିଜେଡି ଯେପରି ଭାବେ ବିଜେପି ସଭାପତି ଙ୍କ ଉପରେ ଟିପ୍ପଣୀ ରଖିଛନ୍ତି ତାହାକୁ ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ରାୟଗଡା ବିଜେପି ବିଧାୟକ ପ୍ରାର୍ଥୀ ବସନ୍ତ ଉଲାକା ଖଣ୍ଡନ କରିଛନ୍ତି l ଜ଼ିଲ୍ଲା ସଭାପତି ଜ଼ିଲ୍ଲା ରେ କଣ କଣ ଉନ୍ନତି ମୂଳକ କାମ ଚାଲିଛି ସେ ବିଷୟରେ ପଚାରିବା ଭୁଲ କି ବୋଲି ପ୍ରଶ୍ନ କରିଥିଲେ l ସରକାର ଙ୍କ ଯୋଜନା କିପରି ଭାବେ ଜନସାଧାରଣ ଙ୍କ ଠାରେ ପହଂଚିବ ତାହାର ସୁଫଳ କିପରି ଜ଼ିଲ୍ଲାବାସି ପାଇବେ ସେଥିପାଇଁ ପଚାରିବା ଭୁଲ କି ବୋଲି ଉଭୟ କଂଗ୍ରେସ ଓ ବିଜେଡି କୁ ପଚାରିଥିଲେ l ଦୀର୍ଘ 24 ବର୍ଷ ଧରି ବିଜେଡି ସରକାର ଅନ୍ଧାର ରର ଜନସାଧାରଣ ଙ୍କୁ ରଖି ଜ଼ିଲ୍ଲା ର ବିକାଶ ନାଁ ରେ ଭୁଆଁ ବୁଲାଉଥିଲା ବୋଲି ବସନ୍ତ କହିଛନ୍ତି l କଂଗ୍ରେସ ଓ ବିଜେଡି ମଲିଭଗତ ଟଙ୍କା ର ଦୁଇ ପାର୍ଶ୍ଵ ବିକାଶ କୁ ବିରୋଧ କରି ନିଜର ଫାଇଦା ରେ ଉଭୟ ଦଳ ଲାଗିପଡିଛନ୍ତି l ଜ଼ିଲ୍ଲା ରେ ବିଜେଡି ର କଳା କାରନାମା ବାହାରେ ପୋଡିଯିବ ସେଇ ଭୟ ବିଜେଡି କୁ ଘାରିଛି ସେଥିପାଇଁ କୌଣସି ପ୍ରକାର ରେ ରଜନୀ ଫାଇଦା ନିମନ୍ତେ ବିଜେଡି ଚେଷ୍ଟା କରୁଛି ବୋଲି କହିଥିଲେ lଏହି ବିଷୟରେ ବିଜେପି ଜ଼ିଲ୍ଲା ସଭାପତି ଏମ ଗୋପୀ ଆନନ୍ଦ ରାୟଗଡା ରୁ ବାହାରେ ଥିବାରୁ ତାଙ୍କରି ପ୍ରତିକ୍ରିୟା ନେବା ନିମନ୍ତେ ତାଙ୍କରି ଫୋନ ନମ୍ବର 9000534700 ରେ ଯୋଗାଯୋଗ କରିଥିଲୁ କିନ୍ତୁ ସେ ଫୋନ ଟିକୁ କଟ କରି ଦେଇଥିଲେ ଓ ଉତ୍ତର ଦେଇନଥିଲେ l ବର୍ତମାନ ଜ଼ିଲ୍ଲା ରେ ବିଜେପି ର ସ୍ଥିତି ବହୁତ ଖରାପ ରାଜ୍ୟରେ ବିଜେପି ସରକାର ଗଠନ କରିଛି କିଂତୁ ଜ଼ିଲ୍ଲା ରୁ ଗୋଟିଏ ମଧ୍ୟ୍ୟ ବିଜେପି ବିଧାୟକ ନାହାନ୍ତି ରାଜ୍ୟ ସରକାର ଙ୍କ ମନ୍ତ୍ରୀ ଓ ବିଜେପି ର ରାଜ୍ୟ ସଭାପତି ବାରମ୍ବାର ରାୟଗଡା ଜ଼ିଲ୍ଲା ମାରାଥନ ଗସ୍ତ ରେ ଆସୁଛନ୍ତି l ଏମ ଗୋପୀ ଆନନ୍ଦ ଙ୍କୁ ଜ଼ିଲ୍ଲା ସଭାପତି ନିଯୁକ୍ତି କରିଲେ ଦଳୀୟ ସ୍ଥିତି ରେ ସୁଧାର ଆଣିବା ପାଇଁ କିନ୍ତୁ ଦଳ କୁ ମଜବୁତ କରିବା ପରିବର୍ତ୍ତେ ଦଳ କୁ ପଛ କୁ ଠେଲିଦେଇଛନ୍ତି ବୋଲି ବିଜେପି ର ବହୁ ନେତା କର୍ମୀ ମାନେ ଆଲୋଚନା କରିବା ସହିତ ଉଭୟ କେନ୍ଦ୍ର ଓ ରାଜ୍ୟ ବିଜେପି ନେତୃମଣ୍ଡଳୀ ଜ଼ିଲ୍ଲା ବିଜେପି ସଭାପତି ଙ୍କ କାର୍ଯ୍ୟକଳାପ ପ୍ରତି ଦୃଷ୍ଟି ଦେବା ନିମନ୍ତେ ଅଭିଯୋଗ କରିଥିବା ବିଜେପି ର ଏକ ନେତା କହିଛନ୍ତି l ଏହି ଘଟଣା କୁ ପୂର୍ବତନ ରେଖାପଦର ପଂଚାୟତ ର ପୂର୍ବତନ ସରପଞ୍ଚ ସ୍ୱର୍ଗତ ଦଣ୍ଡପାଣି ପଟ୍ଟନାୟକ ଙ୍କୁ ପୁତ୍ର ଲକ୍ଷ୍ମୀ ମୋହନ ପଟ୍ଟନାୟକ ଗୋପୀ ଆନନ୍ଦ ଙ୍କ ଏହି ବ୍ୟବହାର କୁ ନିନ୍ଦା କରିବା ସହିତ ନିଜ ପଦ ର ଅପବ୍ୟବହାର କରିବାରେ ପଛେଇନାହାନ୍ତି ବୋଲି l ସମଗ୍ର ଜ଼ିଲ୍ଲା ର ବିଜେପି ର ଆଭ୍ୟନ୍ତରୀଣ କନ୍ଦଳ ପାଇଁ ଏହିପରି ପରିସ୍ଥିତି ସୃଷ୍ଟି ହୋଇଛି ବୋଲି ଦୋକାନ ବଜ଼ାର ଚା ଖଟି ରେ ଆଲୋଚନା ଚାଲିଛି l ଜ଼ିଲ୍ଲା ବିଜେପି ରେ 3 ଗୋଟି ଗୋଷ୍ଠି ମଧ୍ୟ୍ୟ ଅନ୍ତର କନ୍ଦଳ ଚାଲିଥିବା ରୁ ଗୋଟିଏ ଗୋଷ୍ଠୀ ଜ଼ିଲ୍ଲା ପ୍ରଶାସନ ଉପରେ ଚାପ ପ୍ରୟୋଗ କରି ଏହି ପରିସ୍ଥିତି ସୃଷ୍ଟି କରିଛନ୍ତି ବୋଲି ବିଜେପି ର କର୍ମୀ ଙ୍କ ସହିତ ସାଧାରଣ ଜନସାଧାରଣ ଚର୍ଚ୍ଚା କରୁଥିବା ରେ ଶୁଣିବାକୁ ମିଳୁଛି l ରାୟଗଡା ରୁ ଅମୁଲ୍ୟ ନିଶଙ୍କ ଙ୍କ ରିପୋର୍ଟ