ଥୁଆପାଲି ନ୍ୟୁ ଡନବସ୍କୋ ଏକାଡେମୀ ବିଦ୍ୟାଳୟ ପକ୍ଷରୁ ବିଜ୍ଞାନ ୨୪/୨୫ ର ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି।
ବରଗଡ – (ଭବାନୀ ଶଙ୍କର ପାଢ଼ୀ) ବରଗଡ ଜିଲ୍ଲା ଥୁଆପାଲି ନ୍ୟୁ ଡନବସ୍କୋ ଏକାଡେମୀ ପକ୍ଷରୁ ୨୪/୨୫ର ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି।ଏଥିରେ ଛାତ୍ରଛାତ୍ରୀମାନେ ୫୨ଟି ପ୍ରୋଜେକ୍ଟ ପ୍ରସ୍ତୁତ କରି ନିଜ ନିଜ ର ପାରଦର୍ଶିତା ପ୍ରତିପାଦନ କରି ଥିଲେ। ପ୍ରଥମେ ବିଚାରପତି ମାନେ ଓଁ ଶ୍ରୀ ଗଣେଶଙ୍କ ମୂର୍ତ୍ତି ନିକଟରେ ପୂଜାର୍ଚ୍ଚନା ଧୂପ ଦୀପ ପ୍ରଜ୍ବଳନ କରି ବିଧିବଦ୍ଧ ଭାବେ ଉଦଘାଟନ କରି ଫିତାକାଟି ଉଦଘାଟନ କରିଥିଲେ। ଏଥିରେ ମୁଖ୍ୟ ବିଚାରପତି ଭାବେ ଲରମ୍ଭା ମହାବିଦ୍ୟାଳୟ ର ଗଣିତ ବିଭାଗର ପ୍ରଧ୍ୟାପକ ପ୍ରଦୀପ କୁମାର ପଣ୍ଡା, ସମ୍ମାନିତ ବିଚାରପତି ଭାବେ ନ୍ୟୁ ଡନବସ୍କୋ ଏକାଡେମୀ ର ଡାଇରେକ୍ଟର ସୁନୀଲ କୁମାର ସିଂ ଓ ବିଦ୍ୟାଳୟ ର ପ୍ରିନ୍ସିପାଲ ବସନ୍ତ କୁମାର ସାହୁ ଯୋଗଦେଇ ଛାତ୍ରଛାତ୍ରୀମାନଙ୍କର ପ୍ରତିଭାକୁ ବିଚାର କରିଥିଲେ। ଏହି ସମୟରେ ବିଦ୍ୟାଳୟ ର ସମସ୍ତ ଶିକ୍ଷକ, ଶିକ୍ଷୟିତ୍ରୀ, ପରିଚାଳନା କମିଟି ସଦସ୍ୟ ଓ ଅଭିଭାବକ /ଅଭିଭାବିକା ମାନେ ପରିଚାଳନା ସହଯୋଗ କରିଥିଲେ।
