ମୁଖ୍ୟ ବିଚାରପତି ଙ୍କ ଜିଲ୍ଲା ଜଜ୍ ଅଦାଲତ ଗସ୍ତ।
ଗଞ୍ଜାମ:ଓଡ଼ିଶା ଉଚ୍ଚନ୍ୟାୟାଳୟର ମୁଖ୍ୟ ବିଚାରପତି ଚକ୍ରଧାରୀ ଶରଣ ସିଂ ଦିନିକିଆ ଗସ୍ତରେ ଆସି ବ୍ରହ୍ମପୁର ଜିଲ୍ଲା ଦୌରାଜଜଙ୍କ ଅଦାଲତ ପରିଦର୍ଶନ କରିଛନ୍ତି। ମୁଖ୍ୟ ବିଚାରପତି ଙ୍କ ସହ ବିଚାରପତି ବିଭୁ ପ୍ରସାଦ ରାଉତରାୟ ଅଦାଲତରେ ପହଞ୍ଚିଲା ବେଳେ ଜିଲ୍ଲା ଜଜ୍ ରୁପ ଶ୍ରୀ ଚୌଧୁରୀ ଓ ଜିଲ୍ଲା ଓକିଲ ସଂଘ ସଭାପତି ନୟନ ମହାପାତ୍ର ଉଭୟଙ୍କୁ ସ୍ବାଗତ ଜଣାଇଥିଲେ। ପରେ ଉଭୟଙ୍କୁ ଜିଲ୍ଲା ଜଜ୍ ରୁପ ଶ୍ରୀ ଚୌଧୁରୀ ଙ୍କ ସମେତ ଜିଲ୍ଲା ଜଜ୍ କୋର୍ଟ ର ବିଭିନ୍ନ ବିଚାରପତି ଓ ଓକିଲ ସଂଘ କର୍ମକର୍ତ୍ତା ଅଦାଲତ ପରିସରରେ ପ୍ରସ୍ତାବିତ ନୁତନ ଜୁଡିସିଆଲ୍ କମ୍ପ୍ଲେକ୍ସ ର ନୁତନ ପ୍ରକଳ୍ପ ରିପୋର୍ଟ ଦେଖି ସମୀକ୍ଷା କରିଥିଲେ। ମୁଖ୍ୟ ବିଚାରପତି ଙ୍କ ଗସ୍ତ ସମୟରେ ଜିଲାପାଳ ଦିବ୍ୟଜ୍ୟୋତି ପରିଡ଼ା, ଗଞ୍ଜାମ ଏସ୍ ପି ସୁଭେନ୍ଦୁ ପାତ୍ର, ବ୍ରହ୍ମପୁର ଏସ୍ ପି ଡଃ ସର୍ବଣ ବିବେକ ଏମ୍ ପ୍ରମୁଖ ଉପସ୍ଥିତ ରହି ସୁରକ୍ଷା ବ୍ୟବସ୍ଥା ତଦାରଖ କରିଥିଲେ। ସୁଚନା ଥାଉକି ମୁଖ୍ୟ ବିଚାରପତି ବ୍ରହ୍ମପୁର ଆସିବା ବେଳେ ବାଣପୁର ଭଗବତୀ ମନ୍ଦିର ପରିଦର୍ଶନ କରିଥିଲେ ଫେରିବା ବେଳେ ଗଞ୍ଜାମ ର ପ୍ରସିଦ୍ଧ ଶକ୍ତିପୀଠ ମାଁ ତାରାତାରିଣୀ ମନ୍ଦିର ଦର୍ଶନ କରିଛନ୍ତି।ରିପୋର୍ଟ :କୈଳାଶ ଚନ୍ଦ୍ର ଚୌଧୁରୀ!
