ପୁଣି ବାଘ ଆତଙ୍କ, ପାଦ ଚିହ୍ନ ଦେଖି ଗ୍ରାମବାସୀ ଆତଙ୍କିତ।
ଆର,ଉଦୟଗିରି :24/11(ମନୋଜ କୁମାର ପାଢୀ)ପୁଣି ବାଘ ଆତଙ୍କ, ଗାଁ ନିକଟସ୍ଥ ଘାଟି ରାସ୍ତାରେ ବାଘର ପାଦ ଚିହ୍ନ ଦେଖି ଗ୍ରାମବାସୀ ଆତଙ୍କିତ ହୋଇଯାଇଛନ୍ତି । ଗଜପତି ଜିଲ୍ଲା ମୋହନା ବନାଞ୍ଚଳ ଖାରିଗୁଡ଼ା ପଞ୍ଚାୟତ ମୋହନାଗୁଡ଼ା ଗାଁ ରାସ୍ତାରେ ଆଜି ସକାଳେ ବାଘର ପାଦ ଚିହ୍ନ ଦେଖି ଗ୍ରାମବାସୀ ଆତଙ୍କିତ ହୋଇଯାଇଛନ୍ତି l ଖବର ପାଇ ମୋହନା ବନାଞ୍ଚଳ ଅଧିକାରୀଙ୍କ ସମେତ ବନ ବିଭାଗର ଟିମ୍ ଘଟଣା ସ୍ଥଳରେ ପହଞ୍ଚି ପାଦ ଚିହ୍ନ ଠାବ କରିଥିବା ବେଳେ ପଥୁରିଆ ରାସ୍ତା ହୋଇଥିବାରୁ ଏହା ମହାବଳର ପାଦ ଚିହ୍ନ ବୋଲି ସ୍ପଷ୍ଟ ଜଣା ପଡିନାହିଁ l ଅନ୍ୟ ପଟେ, ବନ କର୍ମଚାରୀ ନିକଟସ୍ଥ ଗାଁଗୁଡିକୁ ଯାଇ ଗ୍ରାମବାସୀଙ୍କୁ ସଚେତନ କରି ଫେରିଛନ୍ତି ।
