ଲାଇନପଡା କୁଇ ଦିନା ଇନ୍ଦୀରା ଗାନ୍ଧୀ ସ୍ନାତକ ମହାବିଦ୍ୟାଳୟରେ ଓଡ଼ିଆ ପାଠ ଚକ୍ର ଅନୁଷ୍ଠିତ…
କନ୍ଧମାଳ 🙁 ରିପୋର୍ଟ କୁନା ଦିଗାଲ )କନ୍ଧମାଳ ଜିଲ୍ଲା ଚକାପାଦ ବ୍ଲକ ଅନ୍ତର୍ଗତ ଲାଇନପଡା କୁଇ ଦିନା ଇନ୍ଦୀରା ଗାନ୍ଧୀ ସ୍ନାତକ ମହାବିଦ୍ୟାଳୟରେ ଓଡ଼ିଆ ଭାଷା ସାହିତ୍ୟ ବିଭାଗ ତରଫରୁ ଓଡ଼ିଆ ପାଠ ଚକ୍ର ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମ ରେ ଗାଳ୍ପିକ କାଳିନ୍ଦୀ ଚରଣ ପାଣିଗ୍ରାହୀଙ୍କ ମାଂସର ବିଳାପ ଗଳ୍ପ କୁନେଇ ପାଠ ଚକ୍ର ଅଧ୍ୟକ୍ଷ ସୁବାଷ ଚନ୍ଦ୍ର ମଲ୍ଲିକଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମ ରେ ଯୋଗ ଦେଇଥିବା ଅତିଥିଙ୍କୁ ବିଭାଗର ଛାତ୍ର ଛାତ୍ରୀ ପୁଷ୍ପଗୁଚ୍ଛ ଦେଇ ଅତିଥି ମାନଙ୍କୁ ସମ୍ବର୍ଦ୍ଧିତ କରିଥିଲେ। ଓଡ଼ିଆ ବିଭାଗର ଅଧ୍ୟାପକ ଶ୍ରୀ ଅକ୍ଷୟ କୁମାର ଦିଗାଲ ଅତିଥିଙ୍କୁ ସ୍ବାଗତ ଓ ଅତିଥିଙ୍କ ପରିଚୟ ପ୍ରଦାନ କରିଥିଲେ। ମୁଖ୍ୟ ଅତିଥି ଭାବରେ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ତ୍ରିଲୋକ୍ୟନାଥ ସେନାପତି ଯୋଗ ଦେଇଥିଲେ। ସମ୍ମାନିତ ଅତିଥି ଭାବରେ ଅଧ୍ୟାପକ ସନ୍ତୋଷ କୁମାର ତ୍ରିପାଠୀ, ଅଧ୍ୟାପକ ଜିତେନ୍ଦ୍ର କୁମାର ମହାନ୍ତି, ଅମିୟ କୁମାର ନାୟକ, ଅଧ୍ୟାପିକା ସସ୍ମିତା ପାଳ ଓ ଶୁଭଶ୍ରୀ ଦିଗାଲ ଯୋଗ ଦେଇଥିଲେ। ଟିକାବାଲି ମହାବିଦ୍ୟାଳୟର ଅଧ୍ୟକ୍ଷ ପ୍ରାଧ୍ୟାପକ ଦୀନବନ୍ଧୁ ମହାନ୍ତି ମୁଖ୍ୟ ବକ୍ତା ଭାବେ ଯୋଗଦେଇ ମାନବେତର ଚିତ୍ରଣ ଡୋରା ଓ ଜଲିର ସ୍ନେହସିକ୍ତ ବନ୍ଧୁତ୍ୱ ଓ ଜଲିର ପ୍ରତିଟି ମାଂସ ଖଣ୍ଡ ଜମିଦାରଙ୍କ ମଣିଷ ପଣିଆକୁ କିପରି ଧିକାର କରିଛି ଏବଂ ତାଙ୍କର କିପରି ପରିବର୍ତ୍ତନ ଘଟିଛି ସେ ସମ୍ପର୍କରେ ବିଶଦ ଆଲୋଚନା କରିଥିଲେ। ଛାତ୍ର ଅମୀୟ କୁମାର ନାୟକ ସନ୍ଦର୍ଭ ପାଠ କରିଥିଲେ । ବିଭାଗର ଛାତ୍ରୀ ଦିପ୍ତିମୟୀ ମଲ୍ଲିକ, ଶୁଭସ୍ମିତା ଦିଗାଲ ଓ ମାଧୁରୀ ଜାନି ଛାତ୍ର ସଞ୍ଜୀବ ସାହୁ , ଜ୍ଞାନେନ୍ଦ୍ର ବେହେରା କାର୍ଯ୍ୟକ୍ରମକୁ ପରିଚାଳନା କରିଥିଲେ।
