୨୭ରେ କଂଗ୍ରେସର ବିଧାନସଭା ଘେରାଉ ନେଇ ସାମ୍ବାଦିକ ସମ୍ମିଳନୀ ଅନୁଷ୍ଠିତ ।
ଆର,ଉଦୟଗିରି(ମନୋଜ କୁମାର ପାଢୀ)- ପିସିସି ସଭାପତି ଭକ୍ତ ଚରଣ ଦାସଙ୍କ ନିଦ୍ଦେଶ କ୍ରମେ ଗଜପତି ଜିଲ୍ଲା ରା,ଉଦୟଗିରି ବ୍ଳକ କଂଗ୍ରେସ କମିଟି ପକ୍ଷରୁ ସ୍ଥାନୀୟ କଲ୍ୟାଣମଣ୍ଡପ ଠାରେ ସାମ୍ବାଦିକ ସମ୍ମିଳନୀ କରାଯାଇ ଆସନ୍ତା ୨୭ ତାରିଖରେ ବିଧାନସଭା ଘେରାଉ ସମ୍ପର୍କରେ ସୂଚନା ଦେଇଥିଲେ । ଏଥିରେ ମୋହନା କଂଗ୍ରେସ ପର୍ଯ୍ୟବେକ୍ଷକ ଲକ୍ଷ୍ମଣ ବଳିଆରସିଂ,ବ୍ଳକ କଂଗ୍ରେସ ସଭାପତି ଲକ୍ଷ୍ମୀ ପାଇକ ସଭାପତିତ୍ବରେ ଅନୁଷ୍ଠିତ ହୋଇଥିଲା । ଅନ୍ୟ କଂଗ୍ରେସ କର୍ମୀମାନେ ହେଲେ ଶବରପୋଲି ସମିତିସଭ୍ୟ ମାଣିକ ପାଇକ, ସ୍ଥାନୀୟ ସମିତିସଭ୍ୟା ଜୁନୁ ବେହେରା, ବିଜୟ ଲିମା,ସାମଶନ ମଳିକ, ଜୟରାମ ରଇତ, ଏଲିଅ ରଇତ, ଫିଲିପି ମାଲି, ସେଖର ଗୌଡ, ପାଉଳ ମଡଙ୍ଗୀଆ ଓ ଭୀମ ରଇତଙ୍କ ସମେତ ବରିଷ୍ଠ କଂଗ୍ରେସ କର୍ମୀ ଉପସ୍ଥିତ ଥିଲେ । ପ୍ରଥମେ ଏକ ଜରୁରୀ ପ୍ରସ୍ତୃତି ବୈଠକ ପରେ ସାମ୍ବାଦିକ ସମ୍ମିଳନୀରେ ରାଜ୍ୟରେ ନାରୀ ନିର୍ଯ୍ୟାତନା ଦିନକୁ ଦିନ ବଢି ଚାଲିଥିବା, ଆଇନଶୃଙ୍ଖଳା ବିପର୍ଯ୍ୟସ୍ତ, ନିର୍ବାଚନ ଇସ୍ତାହାରରେ ଦେଇଥିବା ପ୍ରତିଶୃତି ବିଜେପି ସରକାର ଗଠନର ୧୦ ମାସ ପରେ ବି ରକ୍ଷା କରିପାରୁ ନଥିବା ଅଭିଯୋଗ କରିଥିଲେ । କେବଳ ଯୋଜନା କରିବାରେ ରାଜ୍ୟ ସରକାର ବ୍ୟସ୍ତ ଥିବା ବେଳେ ସମଗ୍ର ରାଜ୍ୟରେ ମହିଳାଆଉ ସୁରକ୍ଷିତ ମଣୁ ନାହାନ୍ତି ।